AMOS 3:7 - Susula Malalaok Hehelu Palak Ma Hehelu Beuk

⁷ Manetualain Fo Mademaina, metema beita nafa'da dale tutu'un-na neu basa nabi la, fo atan-nala fa soona, Ana beita tao hata esa boen.

AMOS 3:7 ပူးပေါင်းရင်းမြစ်များ

KEJADIAN 18:17

Manetualain dodoo nai dalen dale nae, “Au ta nau afuni Abraham, hata fo neukose Au taon fa.

KEJADIAN 6:13

Boema, Manetualain nafa'da Noh nae, “Au aketu basa, soaneu tao ate'e basa mahahae maso'dak lala'en-na, so'dan-nala. Neukose, Au tao amopo-amates, sama-sama loo daebafak-ka, nanahu daebafak-ka henuk no sila tatao-nono'i ha'da hataholi taan-nala.

2RAJA-RAJA 22:13

“Meu leona, fo matane Manetualain soaneu au, ma soaneu laun Yehuda lala'en-na, la'eneu susulak ia, isi-liin. Manetualain namanasa ita, nanahu ita bei-ba'i kain-nala, ta lakalala'ok basa paleta, fo nanasulak nai susulak ia dalek fa.”

2RAJA-RAJA 22:20

hu ndia de, Au ta aketu huhukuk soaneu Yerusalem, nai lelek o bei maso'da. Neukose, o mate no mole-dame.’ ” Boema, hataholi nadedenuk sila-la, ala fali le'us leo manek-ka leu, de landuku-lalosak hala heheluk ndia.

2RAJA-RAJA 6:12

Neme malanga solda'du manai lain sila-la, malangan esa nata nae, “Ta hapu hataholi esa boen Ama Manek. Nabi Elisa nde da'di dopesina! Ndia nde nafa'da mane Israel-la, hata fo Ama manek kokolak-kana, leomae dede'ak ndia nananafa'dak nai kama susunguk dale boe.”

MAZMUR 25:14

Manetualain nde been-na, hataholi kamahehelek-ka tia-lain, nafa'da dudu'a-aafin neus.

YESAYA 18:4

Manetualain nafa'da au nae, “Neme Au mamana leleong manai poin-na, neukose Au mete leo dae neu no nee-nee lino-linok ma neuanak, fo neuanan-na sama leo dinis fo ana da'di nai le'odae mato'bik-ka nai fai ketu-kolun-na, ma neun-na sama leo le'do-a haan-na nai fai lele'don-na.

YEREMIA 23:22

Leounik-ka ala bubuluk hata fo nanape'da-fuak a Au dudu'a-aafing dale soona, tao leo beo ala tui bengan neu Au anang-ngala basa hata fo Au afa'dak-ka. Soona neukose Au anang-ngala Tuka Tei-sale dale neme sala-singok ma ha'da palik fo mangalauk-ka.

YESKIAL 29:21

Metema dede'ak ndia, ana da'di soona, neukose Au tao-a Israel da'di leoina matea-mahelek, de ana fe o fo Yeskial loak, soaneu kokolak su'di bebe'ik-ka, nalosa hataholi lala'en-na, hapu lamanene o. Soona besak-ka ala bubuluk, lae Au nde Manetualain-na.”

DANIAL 11:2

Ma hata fo neukose au afa'dan neu o ndia tete'ek-ka.” Ata nusa so'dak ndia nafa'da nae, “Neukose mane fe'ek 3, ala paleta Persia, fo mane ka 4, tunga, manek ndia su'i-beten lena heni mane fe'ek-kala. Neu paletan ma koasan-na mate'e na, neukose nakasusu'di be'i-balakaik no nusa Yunani-a.

DANIAL 2:47

Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

YOHANIS 15:15

Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

NINITAK 1:1

Susulak ia isi na la'eneu hata fo Yesus Kristus nafa'dan la'eneu basa manda'dik fo neukose ala dadi. Manetualain nafa'da Kristus fo ela natu'dun Manetualain ata nala hata fo no lai-laik muse ana dadi. Kristus nadenu ata nusa so'da na neu leo Yohanis fo ata na fo nafa'dan manda'dik sila la.

NINITAK 1:19

Hu ndia de, sulak-ma dede'ak fo o mita kala, fo nde dede'ak fo hapus besak ia, ma dede'ak fo mahani te neukose ana da'di.

NINITAK 10:7

Tehu metema ata nusa so'da kahitu puu pupuu na soona, neukose Manetualain nakalala'ok dale tutu'un nanabibila-babaa na, sama leo Ana tui-benga basan neu ata-ata nala, fo nde basa nabi la.

NINITAK 4:1

Basa ndia boema, au ita seluk ninitak esa. Au ita lelesu esa natahuka nai nusa so'da ka. Basa boema au amanene seluk halak fo nai makasoso na ana kokolak basa no au sama leo pupuu ka lii na. Halak ndia nae, “Mai, kae leoia mai. Neukose Au atu'du o hata fo mahani te neukose ana da'di.”

SEMUEL SUSULAK-KA ESAN-NA 9:15

Saul beita mai fa te, Manetualain fe Semuel hala-heheluk-ka nae leo ia,