AMOS 3:10 - Susula Malalaok Hehelu Palak Ma Hehelu Beuk

¹⁰ Manetualain nafa'da nae, “Hataholi-la tao lahenu sila uma manen-nala nenik bua-lo'as fo ala hapus neme lumu-esek ma tatao-nono'i susue-lalai taak-ka mai. Lena-lenak ala ta tao tunga ndoon-na makandondook fa.

AMOS 3:10 ပူးပေါင်းရင်းမြစ်များ

AYUB 20:21

Metema na'a soona, na'a heni la'iesak-kasa, hu ndia de, tetu-teman ta nakatatakak fa.

MAZMUR 14:4

Manetualain nae, “Hataholi mangalauk sila-la, ta lame'da fa do? Ala laso'da lenik ka'da, ala kalo Au anang-ngala, ma ala ta hule-haladoi neu Au fa.”

AMSAL 1:13

Ata ho'i-ta, bua-lo'a kabelin-nala, fo ela ita uman-na, henuk no bua-lo'a kakalok.

AMSAL 11:16

Inak dale malole-a, hapu ha'da-holomata; hataholi nasa-melu mangalauk-ka, nakaduduluk su'i-betes.

AMSAL 28:5

Hataholi malelesik-ka, ta nalelak natalolole ndoos ma matetuk-ka fa, tehu hataholi fo, ana sene-do'ok neu Manetualain-na, te'e-te'e nalelak-kana.

PENGKHOTBAH 4:1

Basa boema, au taoafik seluk neu ta ndoos ma matetuk lala'en fo ala da'di nai daebafak ia. Hataholi nanantuni-ndenik-kala kii, ma ta hapu hataholi nau tulu-fali fas. Ta hapu hataholi esa boen, nau tulu-fali fas, nanahu manatuni-ndenik sila, lanuu koasa matuaina.

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YEREMIA 5:4

Au dudu'a-dodoo ae, “Ah, sila ka'da laun matasi'da-matasaek, fo ala ta bubuluk hata-hata fa. Ala tao tunga sila nggoan-na, nanahu ala ta bubuluk hata fo, Amak Manetualain nahiik-kana, ma noken neme sila mai.

YESKIAL 18:7

Ana beita tipu-dai nita, do namanako fa. Ana fe falik hataholi mahutak-kala, bua pepe'dan soaneu hutan-nala. Ana fe hataholi kamala'ak-kala la'a, ma ana fe hataholi ba'du tak-kala, bua papakek.

YESKIAL 22:29

Hataholi kamasu'i-makabetek-kala, ala ke'di-ndiu ma lamanako. Ala tuni-ndeni hataholi nuu taa-hata taak-ka, ma ala ho'i nanalak neme hataholi nusa dea-la mai.

YESKIAL 8:17

Manetualain nafa'da au nae, “Hai hataholi daebafak fo, manasapu-manalalok-konei, o mita ndia do ta? Hataholi Yehuda ia-la, lame'da beita dai fa, metema ala tao ka'da tatao-nono'ik nanamaluak ndia mesak-kana, ma ala tao tatao-nono'i ta kandaak-kala, nai nusak ia lala'en-na. Nakalenak bai, ala tao-no'i basa sila-la, nai mamanak ia, fo nai Au Umang dale, de ala tao-la Au, amanasa ba'uk-ka seluk bai. Mitak, ala lakamumulu-lakamamaek Au nenik tatao-nono'ik fo, ta kandaak nanseli ia fa.

HOSEA 7:1

Manetualain nafa'da nae, “Nai lelek fo Au hii akahahaik Au anang Israel, ma tao atalolole sila ha'da-tataon, boema Au ita ka'da sila tatao-nono'i mangalaun-na, ma sala-singon-nala. Sila esa ke'dindiu esa, leu lamanako nai hataholi uman, ma laseti-lalaka hataholi hata-heton nai enok-kala.

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

AMOS 5:7

Soe ba'eneu emi fo manaputa-balek ndoos ma matetuk-ka, ma manatipu-dai hataholi baba'en-na!

AMOS 6:12

Ndala bisa nalaik nai pupuku batu lain do? Hapu hataholi nakauuk tasi nenik sapi do? Tehu emi puta-paik eno ndoos ma matetuk-ka, fo da'di laso maneni mamates, ma ndoos-sa da'di salak.

AMOS 6:3

Emi matea mahele ka'da mae, fai susa-soe bei dook-ka, tehu emi tatao-nono'im nde tao-na fai maneni mamates ndia losa no lai-laik.

AMOS 6:8

No balakaik Manetualain Fo Manakoasa ma Mademaina, Ana fe basa hala nasanene'dak-ka nde ia nae, “Au ta hii hataholi Israel-la koao-ndaeaon fa; Au ta hii sila uma manen fo malole-mana'an-nala fa. Neukose Au fe sila nusan-na polon-na, no basa hata manai dalek-kala lala'en-na, leo musu neu.”

MIKHA 6:10

Nai hataholi mangalauk-kala uman, hapu hata-heto fo ala hapun neme tipu-daik-ka mai. Ala pake tatais ta matetuk, fo tatao-nono'ik esa, Au ta ahiik-kana fa. Neukose Au huku hataholi manatao tatao-nono'ik leondiak-ka.

ZEFANYA 1:9

Neukose Au huku basa hataholi fo ala sene-do'ok, sama leo hataholi fo ta lalelak Au fa, ma sila fo lamanako, ma lanisa, fo ala tao lahenu sila malangan-na uman-na nenik bua-lo'a nakok-kala.”

2 PETRUS 3:5

Ta'ko ala ta nau manaku lae, makahulun eli, Manetualain nakadada'dik lalai a no daebafa ka ninik ka'da hala-kokolan mesa kana fa. Manetualain nakadada'dik daebafa ka neme oe a mai, ma no oe;