AMOS 3:1 - Susula Malalaok Hehelu Palak Ma Hehelu Beuk

¹ Mamanene Manetualain hala hehelun-na nde ia, hai leoina Israel fo Manetualain nos kalua leme Masir mai! Manetualain nafa'da nae,

AMOS 3:1 ပူးပေါင်းရင်းမြစ်များ

2TAWARIKH 20:15

de nafa'da nae, “Ama Manek fo Mandela-masa'ak, boema tolano-tolanoong-ngala lemin. Manetualain nafa'da nae ta bole ketu emi namahehena-ma do bii-mamata'u masasalematak moo solda'du makadotok sila-la. Nana manatee-matati-ka ta nde emi fa, te Manetualain dei.

YESAYA 46:3

Mamanene Au, hai Yakob tititi-nonosin-nala, emi basa-basam fo Au anang bei elak-kala lemin. Au akaboboi emi neme lelek bongi emi mai so.

YESAYA 48:12

Manetualain nafa'da nae, “Mamanene leon Israel, fo Au alook-ka, O Manetualaim Au nahele. Au nde makasososak, ma Au nde mate'ek-ka boe.

YEREMIA 13:11

Leondiak boe au dudu'a ae ela leo been-na hataholi Israel ma Yehuda nanapa'a nahelek neu au sama leo lafa keke'uk fo nanapa'a nahelek neu manapake kaile'bona. No leondiak de ala da'di au anang-ngala fo manataon-na au na'deng-nga nanakoa-kiok, ma manafe ha'da-holomata. Tehu, ala ta nau tunga Au fa.”

YEREMIA 31:1

Manetualain nafa'da nae, “Neukose losa fain-na te, Au da'di leon Israel-la Manetualain-na, ma sila da'di Au anang-ngala.

YEREMIA 8:3

Boema hataholi bei maso'dak neme leoina mangalauk ia, fo nanatao tapasasalak leo basa mamanak lala'en-na, neukose ala lahiik mate neme laso'da mai. Au, fo Manetualain nde manakokolak-ka.”

HOSEA 4:1

Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.

HOSEA 5:1

Manetualain nae, “Hai imam-mala lemin! Mamanene leona. Hai hataholi Israel-la lemin, taoafik leona! Hai manek-ka tititi-nonosin-nala lemin! Huhukuk-ka, nana naketu basak soaneu emi so! Nana, tunga ndoon-na, emi maketu-mala'di tunga ndoos ma matetuk, tehu nasafalin-na, emi da'di sama leo meobesi nai Mizpa, sama leo hihi'ik nai Lete Tabor-ra so,

AMOS 2:10

Au o falik emi kalua meme dae Masir-ra mai so, ma Au hela-nole emi teuk haahulu dalen-na neme moo solokaek-ka. Au fe hataholi Amori-la daen-na neu emi fo da'di emi nusam-ma.

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

AMOS 5:1

Hai, hataholi Israel-la lemin! Mamanene leona! Au sanga akamee nakamee susa esa ba'eneu emi nae lao ia:

MIKHA 2:3

Hu ndia de, Manetualain nafa'da nae, “Au tutu'u susa-soe neu emi, nalosa emi ta hapu maladeak fa. Nai fai soe ndia, neukose emi ta hapu la'ok no koao-ndaeaok so'on.

MIKHA 3:1

Mamanene leon hai emi fo manakoasa Israel-la lemin! Tunga ndoon-na, emi bubuluk ndoos ma matetuk-ka,

ZEFANYA 2:5

Emi nanasoo-supak, hai hataholi Filistin fo leoina manaleo ndolo-ndolo tasi su'un-na. Manetualain naketu basa huhukuk ba'eneu emi so. Neukose Ana tao namopo-namate emi, fo ta hapu emi esa boen, naladeak fa.

NINITAK 2:29

Ba'eneu see fo hapu namanene soona, ela leo bee na ana taoafik neu hata fo Manetualain Dula Dale na nafadan neu hataholi kamahehele nala!”