AMOS 2:8 - Susula Malalaok Hehelu Palak Ma Hehelu Beuk

⁸ Nai mamana makaluku-makatele lala'en-na, hataholi-la sungu loo ba'du fo ala ho'i-lan da'di neu bua pepe'dak esa neme hataholi nuu-taa hata-taak-ka, hutan-na mai. Ala ho'i-la angol fo ala ho'i-lan neme hataholi manamahutak neu sila, fo linu nai sila Manetualain-na, Uman dale.

AMOS 2:8 ပူးပေါင်းရင်းမြစ်များ

KELUARAN 22:25

Metema, emi tona doik neme hataholi nuu-taa hata-taak esa, nai Au leoinang dale soona, boso tao sama leo hataholi manala'ok huta-bu'uk-ka, fo noke bunak.

YESAYA 57:7

Emi meu leo letek-kala poin-na meu, fo tunu-hotu tutunu-hohotuk, fo emi tao matetu emi nasa sao-anam.

YESKIAL 18:12

Ana hii ke'di-ndiu, hataholi nuu taa-hata taak-ka, namanako, ana besila-na, hataholi mahutak-kala bua pepe'dan soaneu hutan-nala. Neu leo hataholi dinitiu-la uma sosongon-na, ma ana sene-do'ok neu sosongo-tatangok fo nanamaluak-kala.

YESKIAL 18:7

Ana beita tipu-dai nita, do namanako fa. Ana fe falik hataholi mahutak-kala, bua pepe'dan soaneu hutan-nala. Ana fe hataholi kamala'ak-kala la'a, ma ana fe hataholi ba'du tak-kala, bua papakek.

YESKIAL 23:41

Beoma langatuuk leu pepe'u manahiik lain. Nai matan-nala, hapu mei esa, henuk no nana'a-nininuk, boema Au fes boomenik ma mina setun-na, lai mei ndia lain boe.

HOSEA 4:8

Emi da'di kamasu'i-makabetek, hu kande Au anang-ngala sala-singon, hu ndia de, emi mahiik, fo ela ala tao sala-singok lakandoo.

HOSEA 7:14

Ala ta hule-haladoi te'e-te'e neu Au fa. Metema ala hulu-haladoi soona, ala bala aoinan-nala leu pepe'uk lain, fo ala makaleleu sama leo hataholi fo ta lamahele neu Au-a, tatao-nono'in. Metema ala hule-haladoi, fo loke gandum ma angol soona, ala tao lahina aoinan-nala, sama leo hataholi manasene-do'ok neu lamatua daebafak-ka, tatao-nono'in. Te'e-te'e, ala lena-la'ban Au!

AMOS 3:14

Nai faik fo Au huku hataholi Israel-la, hu kande sala-singon-nala soona, neukose Au tao akalulutuk basa mei tunu-hotuk manai Betel-la. Neukose Au helu la'di mei tunu-hotuk-kala esa-esak pe'dan-na, fo ala tu'da leo dae lain neu.

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

AMOS 6:4

Soe ba'eneu emi fo mangape'uk nai pepe'u malole mana'a lain, ma tao feta-dote nenik paa sapi ma paa bi'ilopo ana!

AMOS 6:6

Emi minu angol soona, emi di'a mahenu nggalas-sa, ma emi pake mina kabomni neulauk, tehu emi dalem-ma ta he'dis neu Israel nakalulutun-na fa.

1 KORINTUS 10:21

Emi ta bole minu neme Lamatua ka nggala ango la, ma minu neme dula dale mangalau kala nggala ango la mai boen. Emi ta bole mi'a nai Lamatua ka mei na ma nai dula dale mangalau kala mei na fa.

1 KORINTUS 10:7

Fo ela ita boeo boso songo-tango sama leo sila nggelok tao-no'in. Nai Susula Malalaok dale nanasulak nae, “Boema leoina ndia mulai la'a-linu ma ala foti-longe soaneu sene-do'ok neu sosongo-tatango ka.”

1 KORINTUS 8:10

Au dudu'a nga leo iak: Leo uni ka emi namahehele na natea-nahele so, boema emi bei mangatuuk mi'a nai uma sosongok dale. Basa boema hataholi esa nita emi mangatuuk mi'a nai ndia. Metema hataholi ndia namahehele na beita natea-nahele fa soona, ade neukose emi ta nde tao ma hataholi ndia napalani na'a nana'ak fo nanafe basak neu sosongo-tatangok ndia fa do?

HAKIM-HAKIM 9:27

Leu seu angol nai osi angol-la, boema ala nasu angol, fo ala tao feta. La'a-linu nai sila lamatua daebafan-na, mamana sosongon-na, boema ala soo-supa Abimelekh lae,