AMOS 2:4 - Susula Malalaok Hehelu Palak Ma Hehelu Beuk

⁴ Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

AMOS 2:4 ပူးပေါင်းရင်းမြစ်များ

2RAJA-RAJA 17:19

Hataholi Yehuda-la boeo, ta tunga sila Manetualain hoholo-lalanen-nala fa. Ala tunga hataholi Israel-la, ha'da-tataon,

2TAWARIKH 25:14

Ala sengi basa solda'du Edom-mala boema, Amazia fali no neni hataholi Edom-mala dodoki-dudula sosongo-tatangon, de ana pe'dan nai Yehuda. Boema ana tunu fe dodoki-dudulak sila-la boomenik, de ana sene-do'ok neus.

2TAWARIKH 30:7

Boso sama leo emi bei-ba'i kaim-mala ma hataholi Israel fe'ek-kala fo ala ta lilineka neu sila Manetualain fa. Emi mita matam Ana hukus-sala, belan-na leobeek so.

NEHEMIA 1:7

Ami malelesi basa O ma ami la'olena O paletam-mala so. Ami ta tunga hoholo-lalanek fo O fen neu ami tunga Musa, fo O atam ndia.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

YESAYA 28:15

Emi mafa'da basa, mae emi tao hehelu-balatak mo mamates-sa, ma emi mala halak mo hataholi manamatek-kala, daebafan-na. Emi mame'da mae tao leo bee-o, soe fo manamaik ndia, neukose ana ta tuni la'e emi fa, nanahu emi pake eno tipu-daik, soaneu masulu-mahapa emi aoinam-ma.

YESAYA 44:20

Tatao-nono'ik ndia, sama-na leo na'a afu. Hataholi ndia, dudu'a-aafi nggoan-na, ana taon-nan natofa-natalak, nalosa ana ta hapu tutulu-fafalik so'on. Ana ta hapu manaku, nae dodoki-dudulak fo manai liman dale ndia, ka'da tipu-daik mesan.

YEREMIA 16:11

Mafa'da meu sila mae Au afa'da leo ia, em bei ba'i mamaten-nala la'o ela Au, ‘De ala sene-do'ok ma lamahele neu lamatua daebafak fe'ek. Sila lasanggango heni Au, de ala ta nau tunga Au paletang-nga fa.

YEREMIA 16:12

Tehu emi tao-no'i mangalauk lena selukai. Emi malanga batu ma emi nau tunga ka'da emi hihii-nanaun mesam-ma fo mangalauk ndia. Emi ta nau mamahele Au fa.

YEREMIA 17:27

Basa sila neukose ala da'di metema emi mamahele neu Au, ma tao fao sabat-ta da'di fai hehelik soaneu Au. Boso lu'a-lepa hata beek ndia boe tunga Yerusalem lelesu inan-nala nai faik ndia dalen-na. Metema emi la'o lena Au paletang sila-la soona, Yerusalem lelesu inan-nala ma uma manen-nala neukose Au hotu heni la'i esak-kasa ma ha'i ndia ta hapu nakamate fa.’ ”

YEREMIA 6:19

Taoafik leon, hai daebafak-konei! Au anang-ngala, ta nau sipok Au nanoling-nga, ma ala ta nau tunga Au fa. Au fe soe-a la'es, fo da'di leo sila dale tutu'un-na, buna-boan.

YEREMIA 8:2

ta soaneu latoi-latono seluk-kasa fa, te nanapo'ilotak nai dae lain, fo da'di kadafuk. Hataholi sila-la duin-nala, besenggela-besenggali lai le'do bulak, ma bana-manu fo ala taos da'di lamatua daebafak, fo ala sue-lais, lalalau-laoonos, ala sene-do'ok neus ma loke natutu'duk-ka, matan-na.

YEREMIA 8:9

Basa hataholi manatee-tenok, fo manai emi tala'da heom-mala, neukose nananakamamaek. Neukose mopo manatee-tenon-nala, fo lala hihi'ik dale. Ala ta nau sipo Au nanoli-nafa'dang fa; besak ia, sila bei lanuu manatee-tenok beek-ka bai?

YEREMIA 9:14

Lalanga batu, ma ala sene-do'ok neu sosongo-tatango Baal-la, sama leo hata fo, sila bei-ba'i kain-nala nanolis-sala.

YESKIAL 13:22

Hataholi malole fo, ala ta nau Au taos le'e esa boen-na, emi taom-ma, dalen-nala ba'ihana, nenik emi masapepeko-masandandalim-ma. Emi tao mamatua hataholi mangalauk-kala dalen-na, fo ela lasala-lasingo lahele, ma boso soi-tefas.

YESKIAL 20:13

Tehu, ala la'ban Au neme moo solokaek-ka boe. Ala la'olena Au paletang-ngala, ma ala ta sipok Au hoholo-lalaneng fo, metema hataholi-a tao tungan soona, naso'da nahele. Ala tao langgenggeo fai Sabat-ta, nanseli. Hu ndia de, bei leme moo solokaek-ka ndia, Au sadia basa, sanga kalua Au nasa-melung soaneus, fo Au tao amate-amopos.

YESKIAL 20:16

Au kokolak nasanene'da mahelek ndia, nanahu ala ta taoafik neu Au paletang-ngala fa, ala la'olena Au hoholo-lalaneng, ma ala tao langgenggeo fai Sabat-ta. Ala hii ka'da sene-do'ok neu sila sosongo-tatangon-nala.

YESKIAL 20:18

Nasafalin-na, Au anoli-afa'da sila ana muli-solun-nala ae leo ia, ‘Boso tunga emi bei-ba'i kaim-mala, tao nakanenetek-kala. Boso na'de dulak neme sila ha'da-tataon-nala mai, ma boso tao manggenggeo emi aoinam-mala nenik, sene-do'ok neu sila sosongo-tatangon-nala boe.

YESKIAL 20:24

nanahu ala ta taoafik neu Au paletang-ngala, ala la'olena Au hoholo-lalaneng, ala tao langgenggeo fai Sabat-ta, ma ala sene-do'ok lahele neu sila bei-ba'i kain-nala, sene-do'ok neu lamatua daebafak-kala.

YESKIAL 20:30

Da'di, mafa'da hataholi Israel-la, hata fo Au, Manetualain Fo Mademaina, afa'das: ‘Tao le'e de, emi tao sala-singok, sama leo emi bei-ba'i kaim-mala tao no'in-nana? Emi sama leo sila boe, de emi tunga sosongo-tatangok fo nanamaluak sila-la.

YESKIAL 22:28

Basa nabin-nala, lafuni sala-singok sila-la, sila sama leo hataholi fo, ana lose ha'o neu papala nanadama manggenggeok-ka. Sila ninitan-nala, pepekok, leondiak boe, sila dede'a nananafa'da elan-nala. Ala manaku lae sila landuku-lalosak hala heheluk-ka nde been-na, sila sipon neme Manetualain Fo Mademaina mai, te se'kona, Au ta kokolak o sila la'iesa boen.

YESKIAL 22:8

O tao manggenggeo, Au mamana huhule-haladoing-ngala, ma o ta taoafik neu fai Sabat-ta fa.

HOSEA 12:2

Basa hata lala'en fo hataholi Israel-la tao-no'in, neme fafaik losa le'odae, sosoa-ndandaan ta, te neni ka'da momopo-mamatek sama leo ani timu-a. Dale manake'di-ndiun-nala, ma tatao-nono'i ha'da hataholi taan-nala, boetai nakadele nai sila dalek. Ala tao hehelu-balataak loo Asyur, ma leni mina leo Masir neu, fo da'di leo ta'du-tana tia-laik.”

HOSEA 12:3

Manetualain nanuu dede'ak no leoina Yehuda. Boeo, neukose Ana huku Israel, nanahu ha'da-paliin-nala. Neukose Ana balas tatao-nono'in-nala.

HOSEA 6:11

Hai hataholi Yehuda-la lemin! La'eneu emi soona, Au aketu basa fain-na so, soaneu huku emi boe, nanahu emi tatao-nono'im.”

AMOS 1:3

Manetualain nafa'da nae, “Laun Damsyik-kala lasala-lasingo tataas esa so, hu ndia de, tao leo bee-o, neukose Au hukus. Ala tao hataholi Gilead-tala no dale susue-lalai tak,

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

MIKHA 6:12

Hataholi kamasu'ik manai emi kotam-ma, ala tuni-ndeni hataholi nuu-taa hata-taak-ka, ma emi basa-basam-mala masapepeko-masandandalik.

HABAKUK 2:18

O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

ROMA 1:25

Ala nggati Manetualain fo ndoos ndia, ninik ai batu nanadoli-dulak. Ala ta sene-do'ok neu mana makadada'dik daebafa ka fa, te ala sene-do'ok ma lalalau-laoono hata manasapu lalo kala. Te se'ko na tunga ndo na soona, muse koa-kio mana makadada'dik ndia losa dodoo na! Amin.

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

1 PETRUS 1:18

Emi bubuluk hata fo nanabae basak soaneu se'i po'i emi neme so'da manda'di tak fo emi bei ba'i mala ue ela kala. Baba'e na ta nanabaek ninik hata fo hapu nalutu fan sama leo lilo fulak do lilo pilas a,

HAKIM-HAKIM 10:6

Hataholi Israel-la, lasala-lasingo seluk neu Manetualain. Ala ta taoafik neu Manetualain fa, ma ala ta sene-do'ok-kana so'on. Ala sene-do'ok neu lamatua daebafak Baal ma Asytoret, boema leoina Siria, Sidon, Moab, Amon ma Filistin lamatua daebafan-nala.