AMOS 1:8 - Susula Malalaok Hehelu Palak Ma Hehelu Beuk

⁸ Neukose Au tipa heok laun-nala loo hataholi manakoasa manai kota Asdod ma Askelon-nala. Neukose Au huku Kota Ekron, ma neukose Au tao amopo-amate bei ela hataholi Filistin-nala.”

AMOS 1:8 ပူးပေါင်းရင်းမြစ်များ

2TAWARIKH 26:6

Uzia natee-natati la'ban hataholi Filistin-nala. Ana tao nakalulutuk kota Gat, Yabne, ma Asdod papala nanadaman-nala, boema napadedeik kota-kota fo lanuu kota musu deka no Asdod ma nusa fe'ek-kala nai Filistin.

MAZMUR 81:14

Ah, ela leo bee-na, Au anang-ngala nau lamanene Au, ela leo bee-na, ala nau tunga neu Au,

YESAYA 1:25

Neukose Au ho'i nakeketuk soaneu emi. Neukose Au fola emi, sama leo hataholi-a fola liti-a; Neukose Au lose heni basa manggenggeok lala'en-na neme emi mai.

YESAYA 20:1

No Sargon fo mane Asyur-ra paletan-na, de solda'du-la malanga matuainan-na sapu-na Asdod, fo kota esa nai Filistin.

YEREMIA 47:1

Manek Masir beita sapun-na Gaza boen te, Manetualain kokolak neu au la'eneu nusak Filistin-na.

YESKIAL 25:16

Hu ndia de, Au po'a-benga ae neukose, Au sapu-a hataholi Filistin-nala, fo Au tao amate-amopos. Neukose Au taoisa, basa hataholi fo bei elak manai Filistin tasi su'un-na.

YOEL 3:4

Emi sanga tao Au ia le'e, hai Tirus, Sidon ma basa nusa Filistin-na lemin? Emi sanga balas nape'da dalek soaneu Au do? Nah, sipo-ma Au babala manamaing-nga no lai-laik.

AMOS 1:7

Hu ndia de, neukose Au haitua ha'i-a leo Gasa papala-nanadaman-nala neu, fo na'a heni kota musun-nala.

AMOS 3:9

Po'a-benga dede'ak ia neu hataholi manaleo nai uma manek Masir-ra, ma Asdod-tala mae leo ia, “Makabubua meu lete-letek manai Samaria boboa-kaisun-nala, fo taoafik neu tasi'bu matuaina ma lumu-esek-ka nai naa.”

OBAJA 1:18

Neukose Au anang Israel sama leo ha'i, fo na'a heni basa Esau tititi-nonosin, sama leo ha'i na'a heni ha'deaik-ka nai tina. Ta hapu hataholi esa boen neme Esau tititi-nonosin mai, neukose naso'da. Au, Manetualain nde manakokolak-ka!

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

ZAKHARIA 9:5

Neukose kota Askelon ma kota Gaza litan, fo ala bii-lamata'u. Neukose Ekron nitan boe, de mopo basa namahehenan lala'en-na. Neukose mopo Gaza manen-na, ma neukose Askelon da'di kota nee-nee lino-linok ma kota louk.

ZAKHARIA 9:6

Neukose hataholi-la leme leoina sese'do-babalik-kala mai, fo ala leo-la Asdod. Manetualain nafa'da nae, “Neukose Au taoisa la'iesak hataholi Filistin manakoao-ndaeaok sila-la.

SEMUEL SUSULAK-KA ESAN-NA 6:17

No enok ndia, hataholi Filistin-nala haitua fe Manetualain tutunu-hohotuk sala-singok nanasoi-tefak soaneu Filistin manek-ka liman fo ala paleta kota ka limak-kala, laun-nala. Kota sila-la nde, Asdod, Gaza, Askelon, Gat ma Ekron. Nai kota sila-la, hapu nggelok lanuu kota musu, ma nggelok ta. Kota sila-la esan-na haitua peta-paek nanataok neme lilopilas esa ma lafo nanataok neme lilopilas esa. Manada'dik ndia buti-na nde batu matuaina, mamanak fo ala pe'da Manetualain Peti Hehelu-balataan. Losa faik ia, batu ndia bei nahele nai Yosua, fo hataholi Bet-Semes ndia, tinan-na.