AMOS 1:5 - Susula Malalaok Hehelu Palak Ma Hehelu Beuk

⁵ Neukose Au tao alutu Damsyik lelesuinan-nala, ma neukose Au sapu balisi Bafak Awen laun-nala, neme mamana leleon-nala mai. Neukose Au akona heni hataholi manakoasa manai Bet-Eden-nala leme kandela manen-nala lain mai, ma neukose Siria laun-nala nanafook, fo loos leo nusa Kir-ra neu.”

AMOS 1:5 ပူးပေါင်းရင်းမြစ်များ

2RAJA-RAJA 14:28

Tutui fe'ek la'eneu Mane Yerobeam 2, la'eneu palani ta'ti batun-na nai natee-natatik-kala dalek, ma tao leo beek de, ana natona-na falik Damsyik, ma Hamat neme Yehuda mai, soaneu Israel-la, basa-basan nanasulak nai Mane-manek Israel-la susula Tutuin dale.

2RAJA-RAJA 16:9

Mane Tiglat-Pileser-ra, ana sipok Ahas dokodoen-na, de neu sapu-na Damsyik, de natona-nan. Laun-na, nanafook da'di leo hataholi nanafook leo Kir neu, ma ana taonisa manen-na, fo nde Mane Rezin-na.

YESAYA 22:6

Hataholi Siria-la, ala mai loo ndala ma kaleta musu, hataholi Elam-ma, ala ho'u kokouk ma kokouisik, hataholi Kir-rala, sadia babaa fanan-nala.

YESAYA 43:14

Manetualain nde o manasoi-manatefam, Fo Israel Malalao-malalafun-na, nafa'da nae, “Hu kande emi, de Au haitua solda'du leo Babel neu, ma Au hona akalulutuk lelesu bui-a, ai betubalan-nala; Au tao asafali, hataholi Kasdim-mala eeki-natadalen, da'di kikii-makaleleuk.

YESAYA 8:4

Nana ni'iana ndia beita kokolak nalelak ‘Ama’ ma Ina fa, te basa Damsyik su'i-beten lala'ena, ma basa bua kakalok Samaria-la, neukose nanaso'uk leo mane Asyur-ra neu.”

YEREMIA 50:36

Susa-soe neu Babel nabi-la! Sila manamasapepekok ma nggoak. Susa-soe neu Babel soloda'du fo mahelek-kala! Ala bii lanseli!

YEREMIA 51:30

Babel soloda'dun-nala hahae tao musu so, ma ala leo nai kota musu ma mopo basa sila palanin-na so de ta lapalani so. Lelesu ina manai kota-la nanaboka henik so ma uma-la nanade'de henik.

RATAPAN 2:9

Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

YESKIAL 27:23

Kota Haran, Kane, Eden, manadangan-nala leme Syeba mai, kota Asyur ma Kilmad, basa-basas dangan loo o.

YESKIAL 30:17

Kota Heliopolis ma kota Bubastis-sa, toana muli-solun-nala, neukose mates lai natee-natatik dale, ma inak-kala, neukose nanafoo nenik.

HOSEA 10:8

Uma sosongo-tatangok manai pupuku-pupukuk nai Betel fo hataholi Israel-la mamana sene-do'ok neu sosongo-tatangok-ka, neukose nanatao nakalulutuk. Dila-nggauk ma na'u-la, neukose ala moli nai sila mei tunu-hotun. Boema neukose, laloo lapane'e neu letek-kala lae, “Mapaluni-mala ami leona!” ma laloo neu pupukuk-kala lae, “Tuni-mala ami leona!”

AMOS 5:5

Boso meu sene-do'ok nai Bersyeba. Boso meu sanga Au nai Betel, nana neukose Betel mopon. Boeo boso meu leo Gilgal meu, nana kota ndia laun-nala, neukose nanafook leo mamana tu'u-tapak neu.”

AMOS 9:7

Manetualain nafa'da nae, “Hai hataholi Israel-la lemin, Au taoafik neu hataholi Sudan-nala, sama leo Au taoafik neu emi. Au o falik hataholi Filistin-nala leme Kreta mai, ma hataholi Siria-la leme Kir mai, sama leo Au o emi neme Masir mai.

NAHUM 3:13

O solda'du mala ndole-ndaku, sama leo inak-ka, ma o nusam-ma nasasalematak no musu-a soona, mopo be'i-balakain. Neukose ha'i na'a heni o lelesuinam-mala ai betubalan-nala.