AMOS 1:3 - Susula Malalaok Hehelu Palak Ma Hehelu Beuk

³ Manetualain nafa'da nae, “Laun Damsyik-kala lasala-lasingo tataas esa so, hu ndia de, tao leo bee-o, neukose Au hukus. Ala tao hataholi Gilead-tala no dale susue-lalai tak,

AMOS 1:3 ပူးပေါင်းရင်းမြစ်များ

1RAJA-RAJA 19:17

Su'di see fo Hazael ta taonisa fan, neukose Yehu taonisan, ma sila fo laladeak leme Yehu liman dale mai-a, neukose Elisa taonisas.

2RAJA-RAJA 13:3

Hu nde de Manetualain namansa Israel, nalosa Ana po'ilotak Hazael, fo mane Siria, no anan Benhadad, sengi Israel-la'i nono'ik.

2RAJA-RAJA 13:7

Mane Siria, ana tao nakalulutuk Israel solda'dun-nala so, nalosa ela ka'da mane Yoahas-sa, solda'du manasa'e ndalan 50, kaleta musu 10, ma solda'du anak 10.000.

2RAJA-RAJA 16:9

Mane Tiglat-Pileser-ra, ana sipok Ahas dokodoen-na, de neu sapu-na Damsyik, de natona-nan. Laun-na, nanafook da'di leo hataholi nanafook leo Kir neu, ma ana taonisa manen-na, fo nde Mane Rezin-na.

2RAJA-RAJA 8:12

Hazael natane nae, “Tao le'e de, Tuan kii?” Boema, Elisa nae, “Nana au bubuluk, tatao-nono'i mangalauk fo, neukose o taon soaneu hataholi Israel-la. Neukose, o hotu heni kota-kota makota musun-nala, o taomisa hataholi muli-solu neulaun-nala, ma o ki'dumisa, ni'iana bongi beuanan-nala, boema o saika'di, inak-kailun-nala te'in-nala.”

AYUB 19:3

Emi makamumulu-makamamaek au, la'inono'ik, ma emi ta bii-mae, fepa-li'u au fa.

AYUB 5:19

Metema, soe-a mai soona, o nanasoi-tefak tataas esa.

AMSAL 6:16

Manetualain ta hii dede'ak hitu fa, de Ana ta bisa po'ilotak-kana fa: Heheo-hihiluk fo, manakoa-ndaeaok-ka, bafak fo, masapepeko-masandandalik-ka, limak fo, manatao nisa hataholi sala taak-ka, dodolek fo, manatutu'u hata mangalauk-ka, eik fo, lai-lai neu leo mangalauk-ka neu, sakasii fo, nasapepeko-nasandandali nakandondoo henin, ma hataholi fo, nakadada'dik musu nai nonoon-nala dalek.

PENGKHOTBAH 11:2

Pe'da o doi pokom-ma neu manadangan mata-matak-kala, sanga-ma enok makadotok. Nana hataholi-a paluu nanea, nai lelek soe-a beita tuni la'e fan.

YESAYA 28:27

Ana ta fepa jintan nggeok-ka nenik sapi-la ai lukun-na fa, do po'de jintan fulak-ka nenik gelobak-ka ein-na fa. Hu ndia de, ana pake aitete'ek da'uanak.

YESAYA 41:15

Mete leona, te Au tao o da'di papa kee-keek, fo beuk, matane ma nisin dua, lakadadalak. Neukose o kee-kee letek-kala, ma o tao makalulutuk-kasa; o tao pupukuk-kala da'di sama leo ha'deuk-ka.

YESAYA 7:16

Nana faik ndia beita losa fa, te o bii-mamata'u neu mane-manek fo manapaleta nusa ka duak-kala, neukose nanala'o elak da'di nusa louk.

YESAYA 7:8

nanahu Siria balakain-na, ta lena neme Damsyik fo Aram nusan-na polon-na, ma Damsyik balakain-na, ta lena neme Manek Rezin-na mai fa. Te se'kona nai teuk neehulu lima dalen-na, neukose Israel heaba'en, nalosa ana ta hapu nakatatakak da'di leo leoina so'on.

YESAYA 8:4

Nana ni'iana ndia beita kokolak nalelak ‘Ama’ ma Ina fa, te basa Damsyik su'i-beten lala'ena, ma basa bua kakalok Samaria-la, neukose nanaso'uk leo mane Asyur-ra neu.”

AMOS 1:11

Manetualain nafa'da nae, “Laun Edom-mala lasala-lasingo tataas esa so, hu ndia de, tao leo bee-o, neukose Au hukus. Leu latee-lata'ti no dale susue-lalai tak loo hataholi Israel fo sila tolanoon-nala. Lamanasa lakandoo ma lape'da dalek lahele.

AMOS 1:13

Manetualain nafa'da nae, “Leoina Amon-nala lasala-lasingo tataas esa so, hu ndia de, tao leo bee-o, neukose Au hukus. Lelek latee-lata'ti fo ala tao lamaloa sila nusan-na, ala saika'di inak-kailus manai Gilead-tala tein-nala.

AMOS 1:6

Manetualain nafa'da nae, “Nusa Gasa laun-nala lasala-lasingo tataas esa, hu ndia de, tao leo bee-o, neukose Au hukus. Ala foo leni leoina esa lala'en-na, de lase'os da'di leo ata neu hataholi Edom-mala.

AMOS 1:9

Manetualain nafa'da nae, “Laun Tirus-sala lasala-lasingo tataas esa so, hu ndia de, tao leo be o, neukose Au hukus. Ala foo leni leoina esa lala'en-na leo mamana tu'u-tapak neu, de ala fes leo Edom neu. Ala la'olena hehelu-balataa tia-laik-ka so.

AMOS 2:1

Manetualain nafa'da nae, “Laun Moab-pala lasala-lasingo tataas esa so, hu ndia de, tao leo bee-o, neukose Au hukus. Lakadadaek Mane Edom fo manamatek basak ndia, nenik ala kali laten-na, boema ala ho'i-la duin-na, de ala hotun da'di afu.

AMOS 2:4

Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

AMOS 2:6

Manetualain nafa'da nae, “Hataholi Israe la lasala-lasingo tataas esa so, hu ndia de, neukose Au hukus. Hataholi manatao tunga ndoon-na, tehu ana ta hapu nggati falik hata totona-na fa, lase'o henin fo ana da'di ata. Leondiak boe, sila ha'da-tataon neu hataholi nuu-taa hata-taak fo ana ta hapu bae hutan-na, leomae hutan ndia belin-na ka'da ta'bueis pasan esa.

ZAKHARIA 9:1

Manetualain hala hehelun-na nde ia. Naketu basa soaneu huku nusa Hadrakh ma kota Damsyik-ka. Manetualain nuun ta ka'da Israel leon-nala fa, tehu Siria nusan-na, polon-na boe.

ZAKHARIA 9:2

Hamat fo nakatoo no Hadrakh boeo, Ndia nuun leondiak boe, kota-kota Tirus ma Sidon, no basa laun malelainan-nala lala'en-na.