AMOS 1:14 - Susula Malalaok Hehelu Palak Ma Hehelu Beuk

¹⁴ Hu ndia de, neukose Au haitua ha'i-a leo kota Raba papala-nanadaman-nala neu, fo na'a heni basa kota musun-nala. Nai lelek ndia, neukose lamanene musu nangguu mai, ma natee-natatik doto-doto sama leo ani-sangu.

AMOS 1:14 ပူးပေါင်းရင်းမြစ်များ

2 SEMUEL 11:1

Nai faik fo manek-kala leu latee-lata'ti, Dauk nadenu Yoab no basa malanga solda'du matuaina-nala, ma solda'du Israel-la lala'en-na, leu latee-lata'ti; boema, ala sengi hataholi Amon-nala, ma lakahapi-la kota Raba. Tehu Dauk leo neme Yerusalem.

2 SEMUEL 12:26

Ndia te, Yoab bei natee-nata'ti la'ban Rama, fo nusa Amon kotan-na polon-na, de hihii nae nangatuu-nan so.

2 SEMUEL 12:31

Fe'ek neme ndia mai, ana foo neni laun-nala, de nadenus ho'i leni hoholok, tata'tis, ma taka besi, fo nadenus tao bela-ba'uk nai mamana tao batu bata boe. Laun manai Amon kota fe'en-nala boeo, ana tao taos leondiak boe. Basa ndia boema, Dauk no solda'dun-nala lala'en-na, fali le'us leo Yerusalem leu.

1 TAWARIKH 20:1

Fai sele-nggali manamaik ka, fo mane-manek-kala biasa na leu latee-latati boema, Yoab nadenu solda'dun nala leu de ala loso la nusak Amon na. Nai lelek ndia, Manek Dauk ka nahele neme Yerusalem, de ana ta tunga fa. Yoab no solda'dun nala lakahapi la kota Raba, boema ala sapu lan de ala tao lakalulutuk kota ndia.

AYUB 39:25

Metema pupuuk-ka nanapuuk soona, nasakukuu, ana hae-na natee-natatik-ka boon-na, neme dook-ka mai. Nai lelek malanga solda'du manai lain-nala, ala eki, fo ala fe paleta soona, namanene.

MAZMUR 83:15

Sama leo ha'i-a na'a heni nula, ha'i pilak fo, na'a naputu letek-kala.

YESAYA 29:6

Manetualain Fo Manakoasa, neukose soi-po'i kota ndia nenik ani matuaina ma daebafak-ka nanggengo matuainan-nanseli. Neukose Ana fe sangu, ma ha'i-a mai, fo na'a-henin.

YESAYA 30:30

Neukose Manetualain fe hataholi namanene hala matua-mademan, ma basa hataholi-la, neukose lame'da lita koasa matuainan-na. Neukose nasa-melun neni ha'i mana'a naputuk-ka, u'da matuaina, u'da batu, ma ani-sangu.

YESAYA 9:5

Ni'iana esa, nanabongi basak ba'eneu ita so; ni'iana touanak esa, nanaba'e-batik ba'eneu ita. Neukose ana da'di ita mauli-malangan. Ni'iana ndia nanafoik na'de: “Manamanoli-mafa'da Manatee-tenok”, “Manetualain Makadelek”, “Ama Manaketu basa tak”, “Manek Mole-dame!”.

YEREMIA 23:19

Manetualain nasa-melun nonokabai ani sangu-a fo manasa ina fo ana tuni-ndeni hataholi-hataholi mangalauk-ka.

YEREMIA 49:2

Tehu losa fain-na Au tao-a laun Raba, Amon kota inan ndia lamanene hala natee-natatik. Kota ndia da'di nakalulutuk ma nggolok-nggolok manai na-la nanahotu henik. Boema neukose Israel-la ho'i falik dae-na fo neme hataholi manaho'i na makahuluk-kala.

YESKIAL 21:22

Metema, kokouisik-ka tu'da leo lima konan dale neu soona, la'e Yerusalem! Fo ndia sosoa-ndandaan nae manek-ka, muse sapu-na kota Yerusalem-ma, soona ana eki eeki natee-natatik-ka, fo ela solda'dun-nala lakaduduluk taka-besi, soaneu ala hona lakalulutuk Yerusalem lelesuinan-nala, ma ala tao ladodou dae fo ana da'di papala nanadamak manata'da musu, ma ala kali oelolok.

YESKIAL 21:25

Ma Au afa'da manek Israel-la ae, ‘Hai manek fo mangalauk ma malelesik-konei! O fai huhuku mate'em-ma, ana deka so.

YESKIAL 25:5

Neukose, Au tao asafali kota Raba da'di mamana foo onta, ma basa nusa Amon-na lala'en-na, ana da'di mamana foo bi'ilopo. Soona besak-ka emi bubuluk mae Au nde, Manetualain-na.’ ”

YESKIAL 25:7

Hu ndia de, neukose Au fe emi leo leoina-kala meu, fo ala lamanako ma ala loso-la, basa emi hata-hetom lala'en-na. Naukose, Au tao amate-amopo emi, nalosa emi ta da'di leoina esa so'on, ma boeo emi nusa mesam ta so. Soona besak-ka emi bubuluk mae Au nde, Manetualain-na.”

DANIAL 11:40

Metema manek nusa kii ndia, koasan-na sanga deka basan soona, manek nusa kona sapu-nan. Boema manek nusa kii-a, neukose ana balas natee-natatik ndia no mamate-momopon. Neukose neni kaleta musu, ndala ma ofak makadotok. Neukose ana sapu sama leo faa oek-ka, de nangatuu-na nusak makadotok.

AMOS 2:2

Hu ndia de, neukose Au haitua ha'i-a leo nusa Moab-pa neu, fo na'a heni kota musu Keriot-ta. Neukose mate hataholi Moab-pala nai natee-nata'ti manadodolok-ka tala'da, nai lelek bei puu pupuuk-ka, ma eeki musu-a dolo-dolo.

ZAKHARIA 7:14

Au sapu balisis, sama leo ani-sangu-a, nalosa no nakasetik, leu leo nai nusa dea-la. Dae maisi-mamina ia, ana da'di nee-nee lino-linok, hataholin ta, ma na'u-aianan ta.”

ULANGAN 3:11

Hataholi Refaim fo maso'dak-ka, ela ka'da Mane Og-ka mesak-kana. Kopan-na, nanataok neme batu-a mai, nanataok neme batu mai, nanalun-na metel haa, ma loloan-na hihii nae metel dua, uukuk ia, tunga uukuk fo nananaketu basak-ka so. Losa besak ia, kopak ndia bei titan nai Raba fo hataholi Amon-nala kotan-na.)