AMOS 1:11 - Susula Malalaok Hehelu Palak Ma Hehelu Beuk

¹¹ Manetualain nafa'da nae, “Laun Edom-mala lasala-lasingo tataas esa so, hu ndia de, tao leo bee-o, neukose Au hukus. Leu latee-lata'ti no dale susue-lalai tak loo hataholi Israel fo sila tolanoon-nala. Lamanasa lakandoo ma lape'da dalek lahele.

AMOS 1:11 ပူးပေါင်းရင်းမြစ်များ

2TAWARIKH 20:10

Besak ia leoina Amon, Moab ma Edom sapu-la ami. Lelek ami bei-ba'i kaim leme Masir mai, O ta fes loak langatuu-la leoina sila-la nusan-na fa. Boema ala la'ok tunga eno dook de ala ta tao lakalulutuk leoina Amon, Moab ma Edom sila-la fa.

2TAWARIKH 20:11

Besak ia, leoina sila-la tatao-nono'in leoiak soaneu ami. Ala nau usiheni ami neme nusak fo O fen neu ami.

MAZMUR 137:7

Ou Manetualain, mafandendelek hataholi Edom-mala tatao-nono'in, nai lelek, Yerusalem nanatao namopo-namatek-ka. Lafa'da lae, “Tao matu'un leona, tao matu'un losa uma laten-na!”

MAZMUR 85:5

Tao mabebeu ami, Ou Manetualain, fo ami manasoi-manatefam-ma, boso mamanasa seluk ami bai.

PENGKHOTBAH 7:9

Boso haelai mamanasa; ka'da hataholi nggoak kande nape'da dalek.

YESAYA 57:16

Au ta fe salak neu Au anang-ngala, losa dodoon-na fa; Au ta amanasa akandondoo henin fa, fo ela ala manggate lakandoo, te se'kona, Au nde fes maso'dak-ka.

HOSEA 8:3

tehu ala ta nau sipo hata malole-a fa. Hu ndia de, neukose musu noon-nala usis.

YOEL 3:19

Neukose Masir da'di moo solokaek, fo na'u-aiana ta moli fan, ma hataholi ta leo Edom fa, de ana da'di nusa nees. Nana sila latee-lata'ti loo hataholi Yehuda-la so, ma ala taolisa nusa sala tak-ka laun-nala.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

ZAKHARIA 1:15

Tehu Au amanasa anseli, neu leoina fo lame'da nee-nee lino-linok, ma so'da-molek. Nana, nai lelek Au akatatakak Au nasang-nga, neu Au anang-ngala, leoina sila popo-tama seluk doidosok, neu Au anang-ngala.

MALEAKHI 1:2

Manetualain nafa'da anan-nala nae, “Au sue-lai emi.” Tehu, lataa lae, “Tao leo bee de, Manetualain sue-lai ami?” Boema Manetualain nataa nae, “Ade, Yakob ka'an ta Esau fa do? Tehu, Au sue-lai Yakob,

MALEAKHI 1:4

Leouni'ka, Esau tititi-nonosin, fo hataholi Edom sila-la lae, “Ami kotam-mala, nanatao nakalulutu basak so, tehu neukose ami mafofo'a falik-kana,” soona neukose, Manetualain nataa nae, “Sila bole lafofo'a falik-kana, tehu neukose Au tao atu'un. Neukose lokes soona lae, ‘Nusak nanasoo-supak’, ma loke sila soona lae, ‘Leoina manahapu Manetualain nasa-melun, losa dodoon-na.’ ”

EFESUS 5:1

Emi nde bee na, Manetualai nana susuen. Hu ndia de, emi muse sanga enok fo tunga Manetualain heheo-hihilun.

ULANGAN 23:7

Boso makadadaek hataholi Edom-mala, nanahu emi tolanom sila-la. Boeo, boso makadadaek hataholi Masir-ra, nanahu emi leo hai neme sila nusan-na so.