3 YOHANIS 1:8 - Susula Malalaok Hehelu Palak Ma Hehelu Beuk

⁸ Hu ndia de, ita hataholi Salani ka, muse tulu-fali ita tolano Salanin leo sila kala, fo ela ita basa-basa tala tao tamaloloa Manetualain nanoli ndo na.

3 YOHANIS 1:8 ပူးပေါင်းရင်းမြစ်များ

MAZMUR 94:16

See nasala'e au, neme hataholi malelesik-ka mai? See nook au, fo la'ban hataholi manatao tatao-nono'i mangalauk-ka?

MATEOS 10:14

Makanaema hapu uma do kota esa, ala ta nau sipok emi, do ala ta nau lamanene emi tutui-bebengam fa soona, la'oela mamanak ndia, tehu ngganggafu heni afu manai emi ei dale ma.

MATEOS 10:40

“Hataholi mana sipok emi a, ana sipok Au boe. Boema hataholi mana sipok Au a, ana sipok Ndia fo mana madenu Au a.

LUKAS 11:7

Masa bole o nonoom fo o muk ndia nataa neme uman dale mai, nae leo ia, ‘Boso tao susa au! Lelesu a nananggoe basak, ma au o au ana ngala sungu so. Au ta hapu fo'a fo fe o hata-hata fa.’ ”

2 KORINTUS 6:1

Hu ka nde ami maue-male'di sama-sama mo Manetualain de ami dokodoe manseli fo emi boso makamiminak Manetualain dale malolen ndia.

2 KORINTUS 8:23

La'eneu Titus ia nde bee soona, au nonoong fo naue-nale'di no au soaneu tulu-fali emi. Ma la'eneu tolanoo kaduak fo leu sama-sama lo na, sila nde bee na hataholi fo nanadenuk neme salani kala mai ma ala da'di namatutua-namadedemak ba'eneu Kristus.

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

KOLOSE 4:11

Yesus fo na'de Yustus boe. Neme hataholi Yahudi fo lamahele basa neu Lamatuak Yesus a, ka'da sila telu mesa kasa nde besak ia, ala tao-no'i lo au a, fo ami sama-sama makalala'ok Manetualain bela ba'un. Ala tulu-fali au te'e-te'e.

1 TESALONIKA 3:2

ami madenu ita tolanon Timotius ne'i. Timotius ia, Manetualain malalau-maoonon esa, fo nalalau-naoono sama-sama no ami, soaneu ami tui-benga Hala Malole la'eneu Kristus. Ami madenu Timotius ne'i fo natetea-nahehele emi, fo ela emi boetai mamahele seluk neu Kristus.

FILEMON 1:2

ma basa hataholi kamahehelek fo mana lakabubua nai o uma ma; ma ita tolanoo inan Apfia no nonoon Arkhipus, fo ana puse laipana no ita boe.

FILEMON 1:24

Sipo ma nate'ak neme au tia-lai malalau-maoonong Markus, Aristarkhus, Demas ma Lukas mai boe.

3 YOHANIS 1:10

Mahani te, metema au ne'i soona, de'i fo au ofe heni basa tatao-nono'in lala'ena, fo nde tatao-nono'i mangalaun ma masapepeko-masandandalin neu ami a! Tehu tatao-nono'in ndia, beita dai fan. Nai lelek fo nonoo Salani kala leu leo kota ndia leu boeo, ana ta nau sipo kasa fa. Lena-lenak bai, nafa'da hataholi mana sipok tolanook sila la, fo ladenu hataholi sila kalua la'oela Salani kala!

3 YOHANIS 1:7

nana nai sila leleo-lala'on soaneu lalalau-laoono Kristu sa, ala ta sipo tutulu-fafalik hata esa boen, neme hataholi mana malela Manetualain taa kala mai.

3 YOHANIS 1:9

Au sulak fe Salani kala, susula keke'u anak ia so, tehu Diotrefes fo ana hii da'di mauli-malangan nai Salani ka dalek ndia, ana ta nau tunga au fa.