3 YOHANIS 1:4 - Susula Malalaok Hehelu Palak Ma Hehelu Beuk

⁴ Ta hapu hata esa boen, fo ana tao namahoko au dale nga lena neme, au amanene lae, au ana ngala laso'da tunga Manetualain nanoli nala.

3 YOHANIS 1:4 ပူးပေါင်းရင်းမြစ်များ

1RAJA-RAJA 2:4

Metema o tunga neu Manetualain soona, neukose Ana tao natetu hehelu-balataan nae neukose au tititi-nonosing paleta Israel, sa'di no sila dalek-katema tua na ma ao paa samanen lala'en-na lilineka tataas esa tunga paletan-nala.

1RAJA-RAJA 3:6

Salomo nataa nae, “Manetualain, O matu'du basa mae O sue-lai man seli neu au amang Dauk fo O atam ndia. Au amang ndia malole, ana tao tunga ndoon-na boema ana lilineka neu O. Ma da'dileo buti esa nae losa nakandondoohenin, O sue-lai mahelen, ma O fen ana touk esa fo besak ia ana paleta nggatin.

2RAJA-RAJA 20:3

“Manetualain, mafandendelek te, au ia aso'da nai O matam, no lilinekak ma dale ndoos. Au sanga enok tataas esa, fo tunga O hihii-nanaun.” Boema, Hizkia kii no dale he'dik.

AMSAL 23:24

Amak esa, neukose namahoko-setelee, metema anan-na nanuu dudu'a-aafi malole; ma metema, anan-na da'di hataholi manatee-tenok soona, dalen-na namatua.

YESAYA 38:3

“Manetualain, mafandendelek te, au ia, alalau-aoono basa O no lilinekak ma no dale ndoos so. Au sanga enok tataas esa, fo tunga O hihii-nanaum.” Boema, Hizkia kii no dale he'dik.

YESAYA 8:18

Au ma Manetualain fe au anak-kala nde ia. Manetualain Fo Manakoasa, paleta nai Pupuku Sion-na, nadenu au da'di ta'du-tana soaneu hataholi Israel-la.

2 KORINTUS 6:13

Besak ia, neme na fo au kokolak o emi sama leo au kokolak o au ana bongin. Hu ndia de, buka emi dale ma leona soaneu ami boe.

GALATIA 2:14

Au mete ita heo-hilu nala ta nandaa no Hala Malole ndia eno ndo na so'ok boema, au afa'da Petrus nai hataholi makadotok sila la matan ae, “Tolanoo ka hataholi Yahudi, te se ko na tolanoo ka so'da na, sama leo hataholi ta Yahudi la so'da na, na tao le'e de besak ia, tolanoo ka makaseti hataholi fe'e kala fo, laso'da sama leo hataholi Yahudi la?”

GALATIA 4:19

Au ana susue-lalai ngala lemin! Besak ia, au doidoso seluk, nanahu emi. Au doidoso sama leoinak esa doidoso, nai lelek ana bongi ana na. Neukose au doidoso akandoo, metema Kristus ha'da-tataon, beita nanaselek nai emi ao inam dale fa!

1 TESALONIKA 2:11

Emi bubuluk basa, ami sue-lai emi esa-esak, sama leo amak esa, ana sue-lai ana nala.

FILEMON 1:10

Au fo Paulus, au oke dede'ak esa ia, neme o mai, la'eneu Onisimus fo au ana susueng nai Kristus dalek. Nana nai tahanan ia dalek, au da'di ndia ama mana hela-nolen, nai namahehelek soaneu Kristu sa.

1 YOHANIS 2:1

Ana ngala lemin! Au sulak fe emi susulak ia, fo ela emi boso boe tao sala-singok bai. Tehu metema bei hapu emi nggelok tao sala-singok soona, hapu ita hataholi mana masala'en esa na'de Yesus Kristus. Ana tao tunga ka'da ndo na. Neukose nasala'e ita nai Ama ka matan.

2 YOHANIS 1:4

Au amahoko anseli, nai lelek fo au amanene lae, Ina anan nggelok laso'da tunga Manetualain nanoli nala, sama leo Amak Manetualain paletan neu ita.