2 YOHANIS 1:6 - Susula Malalaok Hehelu Palak Ma Hehelu Beuk

⁶ Tasue-talai ao soona, sosoa na nae, emi maso'da tunga Manetualain paleta nala. Paleta sila la, emi mamanenes ndek makasososa na nae, emi muse maso'da nai nasue-nalai ao ka dalek.

2 YOHANIS 1:6 ပူးပေါင်းရင်းမြစ်များ

YOHANIS 14:15

“Metema emi sue-lai Au, ma emi makalala'ok Au paleta ngala soona,

YOHANIS 14:21

Hataholi fo ana sipok Au paleta ngala fo ana tao tungan soona, ndia nde sue-lai Au a. Boema Au Ama nga sue-lai hataholi manasue-lai Au a. Neukose Au boeo sue-lai hataholi ndia, fo Au atu'du Au aoina nga neu hataholi ndia.”

YOHANIS 14:23

Boema Yesus nae, “Hataholi mana sue-lai Au a, neukose ana tunga Au nanoli nga fo Au Amang sue-lai hataholi ndia. Neukose Ama ka, ma Au mai leo hataholi ndia fo ami leo makabubua mon.

YOHANIS 15:10

Makanaema emi makalala'ok Au paleta nga, ma emi ho'u mahele Au susue-lalaing sama na leo Au ho'u ahele Ama ka susue-lalain, hu ka nde Au akalala'ok paleta nala.

YOHANIS 15:14

Metema emi tao hata fo Au paletan soaneu emi soona, Au tolanoong emi.

ULANGAN 13:4

Hataholi matak leondiak-ka, muse hukunisan, nanahu ana nau taon-na emi, matofa-matalak meme enok fo, emi Manetualaim-ma paletan neu emi. Hataholi ndia nde been-na, hataholi mangalauk, nanahu ana nadenu emi, lena-la'ban emi Manetualaim-ma fo, manasoi-po'i emi meme Masir mai, mamanak fo emi da'di ata. Da'di, muse tao nisa hataholi ndia, fo ela mopo tatao-nono'i mangalauk ndia. Tehu, ela leo been-na, emi tunga emi Manetualaim-ma, ma fe ha'da-hoholomata neun; tungan ma tao-no'i basa paletan-nala lala'en-na. Lilineka mahele, ma mamahele neun.

1 YOHANIS 2:24

Hu ndia de, lelek emi mulai mamahele boema emi mamanene makasososa hala ka, ela leo been-na emi manea matalololen nai emi dalem dale. Nana metema emi taoafik matalolole halak ndia soona, neukose emi maso'da tatas esa moo Ana ka ma Ama ka.

1 YOHANIS 2:5

Tehu hataholi mana tunga Manetualain hala-kokola na, hataholi ndia ana sue-lai Manetualain tunga matetu na. Soona ndia da'di ta'du esa nae, ita taso'da to Manetualain.

1 YOHANIS 2:7

Tolano susue-lalai ngala lemin! Au ta sulak paleta beuk fe emi ia fa, te paleta ia la paleta palaak fo lafa'dan neu emi, ndek emi mulai mamahele Yesus; paleta maneme Manetualain mai a. Fo halak ndia, emi mamanenen so.

1 YOHANIS 5:15

Nana ita bubuluk basa, metema ita token soona, namanene ita nonoken ndia, boema ita bubuluk boeo, metema ita token beek soona, tao leo beeo Ana fe ita.

1 YOHANIS 5:3

Nana metema o sue-lai Manetualain soona, o muse tunga paleta nala. Nana paleta nala ta mabela fa.

2 YOHANIS 1:5

Hu ndia de, au oke anseli neu Ina, fo daenga ita basa-basa tala, tasue-talai ao. Au ta afa'da paleta beuk ia la fa; lafa'da basa paleta ia la neu ita, ndek ita tamahele makasososa na so.