2 YOHANIS 1:3 - Susula Malalaok Hehelu Palak Ma Hehelu Beuk

³ Ela leo bee na, Amak Manetualain, ma Yesus Kristus, fo Ama ka Anan ndia, fe ita baba'e-papalak, susue-lalaik ma mole-dame. Ela leo bee na, basa sila la ita tanuus no dale ndoos ma susue-lalaik.

2 YOHANIS 1:3 ပူးပေါင်းရင်းမြစ်များ

ZAKHARIA 8:19

“Ala tao okaaok manai hataholi Yahudi-la bulak ka 4, ka 5, ka 7, ma ka 10-na dalek, neukose ana da'di feta fo henuk no namahokok-ka, ma hika-setelek ba'eneu laun Yehuda-la. Sue-lai ndoos ma mole-dame-a!”

ROMA 1:7

Hu ndia de, au sulak fe emi susulak ia. Ela leo bee na, ita Aman Manetualain ma Lamatuak Yesus Kristus, fe emi baba'e-papalak ma mole-dame.

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

1 TIMOTIUS 1:14

Ma nakalenak bai, ita Lamatua na, Ana fe la'iesak susue-lalain neu au. Ana fe au be'i balakaik, fo au amahelen, ma au sue-lai au nonoo hataholi ngala. Ana fe, be'i balakaik ndia neu basa ita fo manda'di esa to Kristus Yesus a.

2 TIMOTIUS 1:13

Tunga te'e-te'e neu nanoli ndoos fo, au fe basan neu o so. Ma ela leo bee na, o ho'u mahehele namahehelek ma susue-lalaik fo, ana da'di ita nuun, nana ita da'di esa to Kristus Yesus so.

1 YOHANIS 4:10

Fo susue-lalai ka, huu na nde ndia: Ita ta nde sue-lai Manetualain fa te, Manetualain nde sue-lai ita ninik nadenu Ana na mai, fo ela ita sala-singon hapu do'o do ampon tunga Anan ndia.

2 YOHANIS 1:1

Susulak ia neme au, fo mauli-malanga salanik. Au fe susulak ia neu Inak fo Manetualain hele ka, ma Ina ana nala. Au sue-lai emi te'e-te'e. Ta ka'da au mesa nga sue-lai emi fa, te basa hataholi mana malelak Manetualain fo ndo sa, ala sue-lai emi boe.