2 TIMOTIUS 4:5 - Susula Malalaok Hehelu Palak Ma Hehelu Beuk

⁵ Leomae leondiak boe, o muse makatatakak maa o ao ina ma, nai fai leo beek ndia boe. Makatatakak nai doidoso ka dalek, tao-no'i o bela ba'um sama leo hataholi mana tui-benga Hala Malole a, ma makalala'ok matalolole o bela ba'um sama leo Manetualain hataholi malalau-maoonon.

2 TIMOTIUS 4:5 ပူးပေါင်းရင်းမြစ်များ

YESAYA 62:6

Au pe'da manamanea nai Yerusalem papala nanadaman-na; Lele'do le'odaen, ala ta bole denge-denge fa, tehu muse ala fe nasanene'dak nakandoo, neu Manetualain, soaneu hehelu-balataak, fo Ana tao basan so.

YEREMIA 6:17

Boema Manetualain so'u manamanea la'inono'ik, fo fes nasanene'dak, fo ela lamanene pupuuk ta'du-tana liin-na. Tehu lafa'da lae, “Ami ta nau mamanene fa.”

YESKIAL 3:17

“Hai, hataholi daebafak fo, manasapu-manalalok-konei, Au so'u o da'di manamanea neu leoina Israel-la. Manduku-malosak nasanene'dak fo, Au fek ia-la neus.

YESKIAL 33:2

“Hai hataholi daebafak fo, manasapu-manalalok-konei, mafa'da o leoina, mae metema Au fe natee-natatik neu nusak esa soona, nusak ndia laun-na, hele sila hataholin esa, fo ana da'di manamanea.

YESKIAL 33:7

Hai hataholi daebafak fo, manasapu-manalalok-konei, Au so'u o da'di leoina Israel-la, manamanean. Manduku-malosak nasanene'dak-ka nde ia neus:

MATEOS 25:16

Touk ia la'o boema, malalau-maoono mana sipo doi isi lilopilas lifu kalima ka, lai-lai neu dangan besak ndia leona. Boema ana hapu bunak lifun lima seluk.

MARKUS 13:34

Dede'ak ndia lakasasama kana sama leo hataholi esa la'oela uma na, fo neu leo mamanak dook neu. Nadenu malalau-maoono nala lanea uma na, ma ana ba'e fe esa-esak nok ndia bela-ba'un. Ana helu manamanea lelesu fo nanea matalolole.

MARKUS 13:37

Hata fo Au afa'dan neu emi ia, Au afa'dan neu basa hataholi la ae, manea leona!”

LUKAS 12:37

Ua-nalek ba'u na seli ba'eneu malalau-maoono fo tua na hapu nan bei nahani lahele nai lelek tua na mai. Mamahele leona! Neukose tuan ndia nahehele aon fo nadenu malalau-maoonon sila la langatuuk fo nalalau-naoonos.

HATAHOLI 21:8

Balahaa boema ami la'o seluk de ami losa Kaisarea. Ami kona ndia boema, ami meu leo tou mana tui-benga esa na'de Felipus boema ami leo meme uman. Ala hele hataholi kahituk manai Yerusalem mala, hataholi esa nde Felipus ia.

ROMA 15:19

ma ninik manda'di beu kala ma dede'a matua ina la; basa sila la leme Manetualain Dula Dale na koasa na mai. Hala Malole la'eneu Kristu sa, au tui-benga basa-basan neu hataholi la, mulai neme Yerusalem losa Ilirikum.

EFESUS 4:11

Ndia nde “fe baba'e-babati hehelik neu hataholi daebafa ka”; Ana so'u nggelok da'di Lamatua ka ana mana tungan, ma nggelok da'di nabi; ma nggelok seluk bai soona, ala da'di mana tui-benga Hala Malole ndia, ma nggelok seluk, Ana so'us da'di mesen, ma manamete-makanae hataholi kamahehele kala.

EFESUS 4:12

Ana tao leondiak, fo sue ka nde Manetualain hataholi kamahehele nala nanasadia matalololek soaneu lalalau-laoono Lamatua ka ma lafofo'a hataholi kamahehele kala fo nde Kristu sao paa na.

KOLOSE 1:25

Manetualain hele au da'di malalau-maoono neu salani nala, fo emi paluu ma. Au muse tui-benga la'i esak Manetualain Halan ndia lala'e na. Au tui-benga;

KOLOSE 4:17

Ma mafa'da Arkhipus fo, “Ana tao nakababasak ndia bela-ba'un, soaneu nalalau-naoono Lamatua ka.”

1 TESALONIKA 5:6

Hu ndia de, ita bole sungu-sungu mesan, sama leo hataholi fe'e kala fa. Ita muse tanea matalolole, ma ita dudu'a-aafin, muse mangale'dok.

1 TIMOTIUS 4:12

Boso fe hataholi nakadadaek o, hu ka nde o bei muli soluk. Te ela leo been-na, o da'di natutu'duk esa ba'eneu hataholi kamahehele kala, nai o dede'a-kokolam ma o ha'da tataom dalek, nai o susue-lalaim neu o nonoo hataholi ma dalek, nai o namahehelem neu Kristus Yesu sa dalek, ma nai o so'da malalao-malalafu ma dalek.

1 TIMOTIUS 4:15

Tao-no'i basa sila la no o dale katema tua ma, fo ela basa hataholi la lita, o ue-le'dim nini buna-boa malole.

2 TIMOTIUS 1:8

Hu ndia de, o boso bii-mae da'di sakasii la'eneu ita Lamatua na neu su'di see a, ma boeo boso bii-mae malelak au fo, hataholi nanahukuk, hu ka nde Lamatua ka. Te ela leo bee na, no Manetualain be'ibalakain de, o doidoso soaneu Hala Malole ndia.

2 TIMOTIUS 2:10

Hu ndia de au akatatakak, fo au lu'a-lepa basa sila la, soaneu Manetualain hele basa hataholi la paluu na, fo ela hataholi sila la boeo, hapu so'dak fo Manetualain fen tunga Kristus Yesus, ma no matua-mademan fo mana ketu basa ta ka.

2 TIMOTIUS 2:3

O boeo muse doidoso, sama leo Kristus Yesus solda'du mana lilineka mahelen.

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.

IBRANI 13:17

Tunga emi mauli-malangam paleta na leona, ma makatele neus. Nana sila nde taoafik tatas esa neu emi samane ma, ma sila nde muse lataa neu Manetualai na. Metema emi tungas soona, sila hapu laue-lale'di no dale namahokok; metema ta, soona neukose laue-lale'di no dale he'dik, fo ndia ta nini nanalak fe emi fa.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.

NINITAK 3:2

Nanahu au mete emi so'dam fo da'dileo hataholi Salani ka, beita natetu no hata fo Manetualain nahii kana. Da'di fo'a leon meme emi susungu samanem ndia mai, fo tao matea-mahele ha'da tataok ma so'da Salani ka eno dalan fo emi bei manuu fan bei dai basa sila la te'e-te'e beita sapu-lalo fa.