2 TIMOTIUS 4:2 - Susula Malalaok Hehelu Palak Ma Hehelu Beuk

² ela leo bee na, o tao mamaloa halak fo maneme Manetualai na mai a, ma boso hahae sanga enok, fo ela hataholi la lamanenen, nana hataholi nggelok nau lamanene ma nggelok ta nau lamanene fa. Ela leo bee na mafa'das fo lamahele, mafa'da sala nala, matetea-maheheles. Boso manoli hataholi no nasak.

2 TIMOTIUS 4:2 ပူးပေါင်းရင်းမြစ်များ

MAZMUR 40:9

Au amahoko tao-no'i O hihii-nanaum, ou Manetualain, au pe'da O hoholo-lalanem nai au daleng dale.”

YUNUS 3:2

Nae, “Muu leo Niniwe, fo kota matua ndia, fo manduku-malosak neu laun-nala, hala heheluk fo Au fen neu o.”

LUKAS 7:23

Maua-manalek neu hataholi fo ta hapu ne'ek soaneu tipa Au fa.”

LUKAS 7:4

Lelek ala losa Yesus boema hataholi sila la dokodoe lanseli, fo ela Ana tulu-fali malanga solda'du matuaina ndia. Lafa'da Yesus lae, “Malanga solda'du matuaina ndia nandaa Ama tulu-falin,

LUKAS 9:60

Yesus nataa nae, “Nemena fo hataholi manamate ka natoi ndia hataholi manamate na mesa kana. Tehu o mu tui-benga hala ka nae Manetualain mulai paleta so.”

HATAHOLI 13:5

Lelek ala losa Salamis boema, ala tui-benga Manetualain dede'a-kokolan nai uma mamaso Yahudi la. Yohanis Markus tulu-fali duas nai leleo-lala'o nala dalek.

HATAHOLI 16:13

Lelek fai Saba ta losa boema, ami meu leo lee esa su'u na meu, fo lee ndia nai kota lelesuina na deak, nana ami bubuluk hataholi Yahudi la mamana huhule-haladoin nai ndia. Boema ami mangatuuk, de ami kola-kola mo inak mana makabubuak manai sila la.

HATAHOLI 20:7

Mamaso na fai makasososa na le'odae boema, ami makabubua de ami mi'a-minu sama-sama nono'ka bai tolanoo ka. Le'odaen ndia, Paulus kokolak no hataholi sila la, nana balahaa te ana sanga la'o ndia so. Fatila'da so, te Paulus bei kokolak nakandoo.

HATAHOLI 28:16

Lelek ami losa Roma boema, ala nau Paulus mesa kana leo fe'e, de ala fe solda'du esa nanean.

ROMA 10:15

Ma tao leo beek fo hataholi hapu tui-benga halak ndia, metema hataholi sila ta nanadenu fa? Nai Susula Malalaok dale nanasulak nae leo ia, “Malole na seli, metema hataholi mai fo nini Hala Malole maneme Manetualai na mai!”

ROMA 12:12

Ela leo bee na mamahena neu ka'da Lamatua ka no namahokok, boso haelai mamanasa nai toto'a-tataa ka dalek, ma hule-haladoi mahele.

GALATIA 6:6

Hataholi mana sipo Kristus nanoli na, ela leo bee na, ana tulu-fali ndia mese na, ninik hata malole beek fo ndia nanuun.

KOLOSE 1:25

Manetualain hele au da'di malalau-maoono neu salani nala, fo emi paluu ma. Au muse tui-benga la'i esak Manetualain Halan ndia lala'e na. Au tui-benga;

KOLOSE 4:3

Hule-haladoi fe ami boe, fo ela Manetualain fe ami fai loak malole, soaneu ami tao mamaloloa halak la'eneu Kristus dede'a nafufuni na. Nana hu ka nde dede'ak ndia de, au masok bui.

1 TESALONIKA 1:6

Emi tunga ami heheo-hihilum, ma Lamatua ka heheo-hihilun. Leomae emi doidoso manseli, tehu emi sipok no namahokok, halak fo ami tui-bengan neu emi a. Namahokok ndia, nanafek neme Manetualain Dula Dale na mai.

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

1 TESALONIKA 5:20

Boso heheta-aa'i hala-kokolak fo Manetualain Dula Dale na nafa'dan neu emi a.

1 TIMOTIUS 4:13

Fo losa au ne'i te, o manoli matalolole Susula Malalao ka isi liin neu basa hataholi lala'ena boema mafa'das fo ala boetai manggate ka.

1 TIMOTIUS 5:20

Hataholi mana tao sala-singo ka, muse kena-ka'in nai basa salani kala matan, fo ela salani fe'e kala, ala bii.

2 TIMOTIUS 2:21

Leondiak boe, hataholi fo ana hahae tao-no'i tatao-nono'i managalau ka, neukose hataholi ndia nanapaluuk nanseli. Nana so'da na malalaok, ma nandaa no ndia malanga na, dale na. Hataholi leondia ka, neukose nananamahelek soaneu ana tao basa tatao-nono'i malole lala'ena.

2 TIMOTIUS 2:25

Hataholi ndia, muse nanoli hataholi mana lena-la'ba kala no mangana'uk; fo ela leo bee na, Manetualain fe hataholi sila la, fai loak soaneu ala tuka tei-sale dale leme sala-singo nala mai, fo lalelak nanoli ndo sa.

2 TIMOTIUS 3:10

Tehu o soona, o tunga au nanoli-nafa'dang, au ha'da-tataong, au so'da nga tetee-tutu'dan so. O mita matam, tao leo beek de, au amahele te'e-te'e neu Yesus Kristus, ma au sue-lai nonoo hataholi ka so. O boeo bubuluk basa, au ta hae lai amanasa ma au nakatataka nga so.

TITUS 1:13

Nabi ndia hala-kokolan sila la, memak tete'e ka leondiak. Hu ndia de, o muse kena ka'is no balakaik; fo ela ala ho'u lahele nanoli ndo sa,

TITUS 2:15

Manolis basa dede'ak sila la, ma manoli-mafa'das, ma kena-ka'i basa o hataholi mana mamanene kala, no malole. Boso po'ilotak hataholi esa boen, nakadadaek o.

IBRANI 13:22

Au dokodoe, fo ela emi taoafik neu au nanoli-nafadang ia, no boso haelai mamanasa, nanahu au susulang ia, ta manalu nanseli fa.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.