2 TIMOTIUS 4:18 - Susula Malalaok Hehelu Palak Ma Hehelu Beuk

¹⁸ Memak neukose Lamatua ka soi-po'i au eme hataholi mana mape'da dale mangalauk lo au a. Neukose no falik au no so'dak, leo nusa so'da ka neu. Ela leo bee na Lamatua ka nananamatutua-namadedemak losa dodoo na! Amin.

2 TIMOTIUS 4:18 ပူးပေါင်းရင်းမြစ်များ

KEJADIAN 48:16

Ndia nde ata nusa so'dak fo ana se'i-po'i au eme soe lala'en-na mai so. Sa'di leo been-na Manetualain ndia, ba'e-pala ni'iana ia-la. Sa'di leo been-na, au ma Abraham ma Isak na'dem mala nanakoa-nanakiok, hu kande n'iana ia-la! Sa'di leo been-na, ala bongi upu anak, ma tititi-nonosin makadotok nai daebafak-ka.”

1 TAWARIKH 4:10

Tehu Yabes hule-haladoi neu Manetualain fo hataholi Israel-la sene-do'ok-ka nae, “Ou Manetualain, ba'e-pala au leona, ma sa'di leo been-na tao mamaloa au nusang-nga. Masulu-mahapa au, ma madook susa-soe neme au mai, fo ela au boso doi-doso.” Boema Manetualain sipok nonoken-na.

MAZMUR 121:7

Neukose, Manetualain nasulu-nahapa o, neme susa-soe-a mai, Ana nanea o, fo ela o maso'da.

MAZMUR 37:28

Nana Manetualain sue-lai tatao-nono'ik fo malole, ma ndoos ma matetuk-ka, hataholi fo, ana lilineka neun-na, Ana ta po'ilotak-kana doi-doso fa. Ana nasulu-nahapas losa dodoon-na, tehu hataholi mangalauk-ka tititi-nonosin, neukose nanatao namopo-namatek.

MAZMUR 73:24

O hela-nole au, nenik nanoli-nafa'dak, de makabuin-na, O sipok au no ha'da-holomata.

MAZMUR 92:10

Ou Manetualain, ami bubuluk O musum-ma, neukose nanatao namopo-namatek basa hataholi mangalauk-kala, neukose nanatao tapasasalak.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

MATEOS 13:43

Ma hataholi mana tao tunga Manetualain hihii-nanau nala, neukose landela-lasa'a, sama leo le'do a nai sila Aman Manetualain Daebafa Beun dale. Ba'eneu see madi'idook soona, mamanene!”

MATEOS 25:34

Basa ndia soona, Manek ndia nafa'da basa hataholi manai boboa kona na nae, ‘Mai leon emi fo Au Amang ba'e-pala kala lemin! Masok leo nusak fo nanasadiak soaneu emi, ndek daebafa ka da'di makasososa na.

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

LUKAS 11:4

Fe do'o do ampon neu ami sala-singo mala, nana ami boeo fe do'o do ampon neu basa hataholi fo sala-singo neu ami a. Ma boso po'ilotak ami mopo namahehelek nai lelek ami nanasoso'ba-susu'dik.’ ”

LUKAS 12:32

“Emi dede'u ma ka'da lumanak mesa kana de boso bii! Nana emi Amam boeo no namahokok hapu paleta nai emi maso'da ma dalek.

LUKAS 22:29

Sama leo Ama ka fe basa Au hak soaneu paleta, leondiak boe neukose Au fe hak ndia neu emi boe.

YOHANIS 17:15

Au ta oke Ama ka ho'i nalas leme daebafa ka ia mai fa, tehu Au oke ela leo bee na, Ama ka naneas leme Nitu Mangalau ka mai.

ROMA 11:36

Manetualain nde nakadada'dik basa hata lala'ena. Basa-basan da'di neme Manetualain mai, ma basa-basan soaneu Manetualain. Kokoa-kikiok ba'eneu Manetualain losa dodoo na! Amin.

ROMA 16:27

Ndia nde Manetualain fo kisak ma manatee tenok. Ela leo bee na, nanaso'u namadedemak losa dodoo na, tunga Yesus Kristus! Amin. Ha'da-holomata neme ami, Paulus, fo Yesus Kristus ata na

1 KORINTUS 1:21

Nana leomae hataholi daebafa ka malela na leo beek boeo, ana ta hapu nalelak Manetualain ninik ndia malelan ndia fa. Te lena-lenak, hu ka nde Manetualain manatee teno na de, Ana nau soi tefa na hataholi fo lamahele neun, tunga halak fo ami tui-bengan fo daebafa ka nafa'da nae, kokola bafa louk basa sila la.

1 KORINTUS 10:13

Emi la'ola'di soso'ba-susu'di kala nde bee na, soso'ba-susu'di mandoo fai sila. Tehu Manetualain ta nafandele heni hala hehelu na fa. Neukose Ana ta po'ilotak emi nanaso'ba-su'dik lena neme emi balakai ma mai fa. Hu ndia de, metema emi matongo mo soso'ba-susu'di ka soona, Ana fe emi enok fo daenga emi makatatakak mahele.

1 KORINTUS 15:50

Tolano-tolanoo ngala lemin, au dudu'a nga nde bee na: ao paak fo nananakadada'dik neme daak ma paa ia, ana ta hapu masok leo Manetualain Daebafa Beu na fa; ma ao paak fo hapu maten ia, ana ta hapu da'di matea-mahelek fa.

2 KORINTUS 1:10

Ndia nde soi-tefa nala ami neme susa-soe mamates matuaina ndia mai. Ma mahani te neukose Ndia boeo nde neukose soi tefa nala ami nai fai makabuin, nana ami tao ami namahehena ma neu ka'da Ndia mesa kana.

GALATIA 1:5

Kokoa-kikiok neu Manetualain losa dodoo na! Amin.

1 TESALONIKA 5:23

Manetualain nde fe ita mole-dame ndia. Ela leo bee na, Ana tao na emi, te'e-te'e maso'da ka'da soaneu Ndia mesa kana. Ami hule-haladoi, fo ela leo bee na, nanea emi dale nakababale ma, dudu'a-aafim, ma emi tatao-nono'im, ta hapu sala-singok faa anak boen, nai faik fo ita Lamatuan Yesus Kristus fafali ma'i na.

2 TESALONIKA 3:3

Tehu Lamatua ka, mana lilinekak. Neukose natetea-nahehele emi, ma nasulu-nahapa emi neme Hataholi Mangalauk ndia mai.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

1 TIMOTIUS 6:16

Ka'da Ndia mesa kana nde, mamate sa ta koasa nala fan; Naso'da nai ndela-sa'a ka dalek, fo ta hapu hataholi esa boen, deka no fan. Ma hataholi daebafak esa boeo, beita nitan la'iesa boen, do hapu nita hai son. Basa ha'da-holomata ma koasa ba'eneun, losa dodoo na! Tete'e ka.

2 TIMOTIUS 1:12

Hu ndia de, au lu'a-lepa basa doidosok ia la, tehu au amahele ahele, nanahu au bubuluk te'e-te'e, see hataholi fo au amahelek ndia. Au amahele, hata fo Ana fe basan neu au ndia, nanea nabe'in, losa Fai Mate'e ka.

2 TIMOTIUS 4:1

Neukose Kristus Yesus, Ana fali seluk leo daebafak ia mai, fo naketu-nala'di hataholi maso'da kala ma hataholi mana mate kala; ma neukose Ana mai fo, Ana paleta leo Mane ka. Hu ndia de, au oke anseli neu o, nai Manetualain ma Kristus Yesus matan fo:

IBRANI 11:16

Tehu nananitak, sila lahiik nusak esa fo malole na lena, fo nde nusak manai nusa so'da ka. Hu ndia de Manetualain ta mae, metema loken lae, sila Manetualai na. Lena-lenak Manetualain sadia basa kota esa soaneu sila so.

IBRANI 12:22

Nasafali na, emi mai leo Pupuku Sio na mai, ma Manetualain kotan fo maso'da ka, fo nde Yerusalem manai nusa so'da ka no ata nusa so'da lifu-lifu nala.

IBRANI 13:21

Sa'di tao leo bee na Manetualain, fo oe mata mole-dame ndia, tao natetu-nandaa emi, ninik basa hata malole fo emi paluun soaneu tao-no'i hihii-nanaun. Sa'di leo bee na, no Yesus Kristus hehela-nonolen, de Manetualain tao-no'i nai ita dalek, hata fo nahii kana. Ela leo bee na, Kristus nanakoa-kiok losa dodoo na! Amin.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

1 PETRUS 5:11

Ndia nde mana koasa losa dodoo na! Amin.

2 PETRUS 1:11

No enok ndia, neukose emi hapu hak matetuk soaneu masok leo Lamatuak fo ita Mane Mana Fe So'dan, Yesus Kristus nusa mana ketu basa ta na dalek meu.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus

YUDAS 1:1

Tolano-tolanook fo, Manetualain nalo basak, ma sue-lai ma naneas soaneu Yesus Kristus. Da'dileo Yesus Kristu satan, au – Yudas – fo Yakobis tolanoo na,

SEMUEL SUSULAK-KA ESAN-NA 17:37

Manetualain soi-tefa-na atam-ma neme singa ma meoasu-a mai so, de Ndia boeo neukose soi-tefa-na atam-ma neme hataholi Filistin ndia mai.” Boema Saul nafa'dan nae, “Hei, sa'di leo been-na, Manetualain, tulu-fali o.”

SEMUEL SUSULAK-KA ESAN-NA 25:39

Dauk namanene Nabal maten boema nafa'da nae, “Koa-kio Manetualain! Nanahu Ana balas Nabal dodoki-aali au, boema Ana kena ka'i au fo ela au boso tao mangalauk. Manetualain huku basa Nabal nanahu tatao-nono'i mangalaun-na.” Basa boema, Dauk nadenu hataholi neu adu-natane Abigail, fo ana taon da'di ndia saoinan.