2 TIMOTIUS 4:1 - Susula Malalaok Hehelu Palak Ma Hehelu Beuk

¹ Neukose Kristus Yesus, Ana fali seluk leo daebafak ia mai, fo naketu-nala'di hataholi maso'da kala ma hataholi mana mate kala; ma neukose Ana mai fo, Ana paleta leo Mane ka. Hu ndia de, au oke anseli neu o, nai Manetualain ma Kristus Yesus matan fo:

2 TIMOTIUS 4:1 ပူးပေါင်းရင်းမြစ်များ

MAZMUR 50:6

Lalai tui-benga nae Manetualain naketu-nala'di anan-nala, ma nae Ndia mesak-kana nde manakee-manafulan-na.

MAZMUR 96:13

Nana Manetualain mai paleta nai daebafak-ka, Neukose Ana naketu-nala'di leoina-la no ndoos ma matetuk, ma tunga ndoo-na.

MAZMUR 98:9

Nana, Ana mai, fo naketu-nala'di daebafak-ka; neukose, Ana naketu-nala'di leoina-la no ndoos ma matetuk ma la'en.

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

LUKAS 19:12

Yesus nae, “Hapu maneana esa neu leo nusa dok neu soaneu so'un da'di manek de basa boema ana fali ma'in.

LUKAS 19:15

Tehu maneana ndia ka'da ala so'un da'di manek. Basa boema ana fali leo nusa na neu. No lai-laik nalo malalau-maoono nala mai lataa, soaneu ana bubuluk ala hapu bunak de'ubee.

LUKAS 23:42

Boema nafa'da Yesus nae, “Mafandendelek au leona, metema O fali ma'i ma da'dileo Manek!”

HATAHOLI 10:42

Boema nadenu ami tui-benga Hala Malole ndia neu hataholi la, ma ami fe sakasii mae, Ndia nde Manetualain so'un da'di Mana Maketu-Mala'di neu hataholi maso'da kala, ma hataholi mana mate basa kala.

HATAHOLI 17:31

Nana naketu basa faik esa soaneu naketu-nala'di basa daebafak ia lala'ena tunga matetu na. Manetualain hele basa hataholi esa soaneu nakalala'ok bela ba'uk ndia. Boema fo ela basa hataholi lala'ena lamahele dede'ak ndia de Manetualain tao naso'da falik hataholi ndia neme mamate sa mai so!”

ROMA 2:16

Mahani te neu faik fo Manetualain naketu basa ka te, neukose ana da'di tao leondiak, nai faik ndia, tunga Hala Malole fo au tui-benga ka, neukose Manetualain naketu-nala'di basa hata nananafunik nai hataholi a dalen dale ma dudu'a-aafi na dalek, tunga Yesus Kristus.

KOLOSE 3:4

Ma nai lelek fo Ana natu'du seluk ao ina na soona, emi boeo nananitak, emi mandela-masa'a sama na leo Ndia boe!

2 TESALONIKA 2:8

besa ka Hataholi Mangalauk ndia nananitak. Tehu metema Lamatuak Yesus mai soona, Ana taonisa Hataholi Mangalauk ndia, ninik ani hahae na. Ma neukose nanatao nakalulutuk ninik Lamatua ka mamai mandela-masa'a na.

1 TIMOTIUS 5:21

Nai Manetualain, Kristus Yesus ma ata nusa so'da nanahele kala matan, au oke fo ela o tunga basa nanoli-nafa'dak ia la no boso neo hataholi esa boen, ma boso metematak.

2 TIMOTIUS 1:10

Boema besak ia, Manetualain natu'du susue-lalain ndia neu ita, ninik ita Mane Mana Fe So'da na fo Kristus Yesus mamai na. Yesus sengi mamate sa koasa na, de nini so'da mana ketu basa ta ka, tunga Hala Malole ndia.

2 TIMOTIUS 2:14

Ela leo bee na, o mafa'da hataholi la, fo lafandendelek basa dede'ak ia la. Manoli-mafa'das nai Manetualain matan, fo ela ala boso lale'a la'eneu dede'ak esa sosoa-ndandaan, te ndia sosoa-ndandaan ta, ma ana tao na, hataholi mana mamanene kala, lapangamak.

2 TIMOTIUS 4:18

Memak neukose Lamatua ka soi-po'i au eme hataholi mana mape'da dale mangalauk lo au a. Neukose no falik au no so'dak, leo nusa so'da ka neu. Ela leo bee na Lamatua ka nananamatutua-namadedemak losa dodoo na! Amin.

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

TITUS 2:13

Besak ia, ita beitahani Faik fo ita tamahehenak ndia; Neu Faik ndia te, neukose daebafa ka nita Yesus Kristus matua-mademan, fo nde Manetualain fo Matua Madema, ma ita Mane Mana soi-mana tefa na.

1 PETRUS 1:7

Dede'ak ia tetee-tutu'dan nde, fo ela ana da'di buti esa nae, ade te'e-te'e, emi mamahele Lamatua ka do ta. Lilopila sa hapu nalutun boeo, bei nanaso'bak ninik ha'i. Na, emi namahehele ma nde bee na, beli na lenaheni lilo pilasa, da'di muse so'ban boe, fo ela natea-nahele. Fo no enok ndia, neukose emi nanakoa-nanakiok, ma nanafe ha'da-holomata, boema nana namatutua-namadedemak nai faik fo Yesus Kristus fafali ma'i na.

1 PETRUS 4:5

Tehu neukose, sila muse fe natataak neu Manetualain fo, nahehele aon basa, soaneu naketu-nala'di hataholi maso'dak ma mana mate kala so.

1 PETRUS 5:4

Soona mahani te, neu faik fo Mana Foo-lolo Matua Ina ndia Ana mai soona, neukose emi sipo ti'ilanga mandela-masa'a ka, fo ndela-sa'an ta kou mosa fa.

2 PETRUS 1:11

No enok ndia, neukose emi hapu hak matetuk soaneu masok leo Lamatuak fo ita Mane Mana Fe So'dan, Yesus Kristus nusa mana ketu basa ta na dalek meu.

2 PETRUS 1:17

Nanahu, nai lelek fo Manetualain fen ha'da-holomata ma namatutua-namadedema nana, ami nai ndia. Lelek ndia, hala ka nananamanenek neme Ndia fo Mandela Masa'a ka, nafa'dan nae, “Au ana susue nga nde ia, fo nandaa no Au dale nga!”

1 YOHANIS 2:28

Hu ndia ana ngala lemin! Maso'da mahele mo Kristus, fo ela neu faik fo Ana mai a, ita tapalani teu tataan, te ita ta teu ke'ke, hu ka nde bibii-mamae ka fa.

NINITAK 1:7

Mete leona! Yesus mai no ko'a sa ana poti nan! Basa hataholi la neukose litan, nai dalek sila fo manapau nana boe. Basa leoina manai daebafa ka lala'ena neukose ala kii-makaleleu nanahu Hataholi ndia. Hei, dede'ak ndia neukose ana da'di! Amin!