2 TIMOTIUS 2:7 - Susula Malalaok Hehelu Palak Ma Hehelu Beuk

⁷ Tai dodoo, au hala-kokolang ia la, nana neukose Lamatua ka fe o dudu'a aafi matane, fo o malelak basa au hala-kokolang ia la, sosoa-ndandaan.

2 TIMOTIUS 2:7 ပူးပေါင်းရင်းမြစ်များ

1 TAWARIKH 22:12

Ma ela leo been-na o Amam Manetualaim fe o manatee-tenok ma dudu'a-aafi maneu soaneu paleta Israel nandaa no hoholo-lalanen.

1 TAWARIKH 29:19

Fe au anamaneng Salomo hihii-nanau matea-mahelek soaneu tunga basa O paletam-mala ma soaneu nafofo'a uma makaluku-makatele ndia, fo au sadia basa ai batun so.”

MAZMUR 119:125

O atam au, de tao-ma au alelak, fo ela au alelak matalolole, O paletam-ma.

MAZMUR 119:144

O nakanenetem-ma, ndoos ma matetuk tataas esa; fe au malelak, fo ela au aso'da.

MAZMUR 119:73

O nde makadada'dik, ma fe au lupa-aok, fe au malelak, fo au anoli O paletam-mala.

MAZMUR 64:9

Mopo-mates, nanahu hala-kokolan-nala, basa hataholi fo, manalitas-sala, lakakale langa.

AMSAL 24:32

Lelek au taoafik, ma au tai-dodoo dede'ak ndia boema, au hapu nanolik-ka nde ia nae,

YESAYA 1:3

Sapi nalelak lamatuan-na, keledei nalelak mamana nana'an fo lamatuan-na sadiak-ka. Tehu Au anang Israel, ta; ta lalelak-kana fa.”

YESAYA 28:26

Ana foi-fala nalelak-kana, nana ndia Manetualain-na, nanoli basan so.

YESAYA 5:12

Nai emi feta-dotem-mala dalek, hapu kecapi liik, gambus liik, rebana liik, ma kinu liik, ma nininuk angol. Tehu emi ta taoafik neu Manetualain ue-le'din, ma hata fo Ana taon fa.

DANIAL 1:17

Manetualain fe touana muli-solu ka haak sila-la manatee-tenok ma malelak matuaina nai nanoli mademaina-la dalek. Fe'ek neme ndia mai, Ana fe Danial malelak boe, fo nafa'da mangalele'do ninitak ma me'is-sala sosoa-ndandaan.

LUKAS 21:15

Au nde neukose fe emi dede'a-kokolak ma manatee tenok ndia, nalosa ta hapu hataholi esa boen neme emi musu noo ma hapu la'ban do lalelesi hata fo emi mafa'da ka.

LUKAS 24:45

Basa boema, Yesus buka dudu'a-aafi nala fo ela lalelak Susula Malalao ka sosoa-ndandaan.

LUKAS 9:44

“Taoafik matalolole, ma boso mafandele heni Au dede'a-kokolang ia: Ana Hataholi ka neukose nanafek leo hataholi daebafa ka koasan dale neu.”

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

YOHANIS 16:13

Tehu metema Dula Dalek fo manamafa'da ndoos soaneu Manetualai na, ana mai soona, neukose Ana hela nole emi, fo emi malelak basa eno ndoos lala'ena. Neukose Ana ta nafa'da seluk aoina na nde ndia fa, tehu nafa'da hata fo namanenen, boema neukose nafa'da emi, hata fo neukose ana da'di nai fai makabuin.

HATAHOLI 7:10

de ana soi nan neme basa toto'a-tatan dalek mai. Manetualain ba'e fen dale malole, ma ndolu malelak nai lelek neu nataa mane Masi ra fo Firon, nalosa ana so'un da'di Gobelnol nai nusa Masi ra, ma ana paleta koasa mane Firo na uma mane na.

1 KORINTUS 12:8

Dula Dalek ndia fe be'ibalakaik neu hataholi esa fo ana kokolak ninik heohak. Neu fe'e kala soona, Dula Dalek fo sama ndia, ana fen be'ibalakaik fo lafa'da mangalele'do see Manetualain ndia.

ULANGAN 32:29

Ela leo been-na, ala da'di manatee-tenok, fo neukose, ala lalelak, fo ala dudu'a-dodoo sila soda mate'en-na.

ULANGAN 4:39

Hu ndia de faik ia, mame'dak leona, fo boso mafandele henin: te ka'da Manetualain mesak-kana nde Manetualain fo nai lalai ma daebafak-ka; ta hapu lamatua daebafa fe'ek fa.

FILIPI 4:8

Mate'e na, tolanoo kala tao mahenu dudu'a-aafi mala ninik dede'a kabelik, fo nandaa nanakoa-kiok, fo nde dede'a ndoos, ha'da-holomata, tunga ka'da ndo na, matetuk, manini suse-lalaik ma malole.

KOLOSE 1:9

Hu ndia de ami mamanene dede'ak ndia boema, ami hule-haladoi fe emi tataas esa. Ami moke Manetualain, fo daenga Manetualain Dula dale na fe emi dudu'a matane ma malelak, nalosa emi bubuluk matalolole Manetualain hihii-nanaun.

1 TIMOTIUS 4:15

Tao-no'i basa sila la no o dale katema tua ma, fo ela basa hataholi la lita, o ue-le'dim nini buna-boa malole.

2 TIMOTIUS 2:6

Hataholi mana tao tina osi esa, ana puselaipana no ue-le'din soona, ndia nde nanuu haak, hapu bubu'u-palusan buna boan.

2 TIMOTIUS 2:8

Mafandendelek dede'ak ia: Hala Malole fo au tui-bengak ndia, nde bee na, halak la'eneu Yesus Kristus, fo Dauk tititi-nonosin nde ndia; Ndia nde Kristus fo naso'da falik neme mamate sa mai so.

IBRANI 12:3

So'ba dodoo su'dik, Yesus doidoso na leo beek nai lelek nasasale matak no hataholi masala-masingok fo ala la'ba no lakakaa timi! Hu ndia de dale mala boso ba'ihana, ma boso ketu namahehena mala.

IBRANI 13:7

Boso mafandeleheni emi mauli-malangam fo mana manduku-malosak Manetualain hala hehelu na neu emi a. Taoafik neu, tao leo bee fo sila laso'da, ma tao leo beek fo sila mate, ma tunga sila namahehele nala.

IBRANI 3:1

Tolano-tolanoo kamahehelek esa fo Manetualain nalo basa kala lemin! So'ba dodoo matalolole la'eneu Yesus ia dei! Manetualain nadenu hehelin Ana da'di Imam Matua ina nai ita agama na dalek.

IBRANI 7:4

Da'di ita titan nai ia, Melkisedek ia ba'u na seli; hu ka nde ba'u na seli leondia ka, de nalosa Abraham, fo ita leoina nala ama kai na, ana fen baba'ek esa neme baba'ek sanahulu neme basa hata lala'en fo ana hapun neme musu dale ndia.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

YAKOBIS 3:15

Manatee teno matak leondia ka, ana ta mai neme nusa so'da ka mai fa te, ana mai neme daebafa ka, neme nasa melu ka, ma neme nitu a mai!

YAKOBIS 3:17

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.