2 TIMOTIUS 2:20 - Susula Malalaok Hehelu Palak Ma Hehelu Beuk

²⁰ Nai uma matu ina esa dalek, hapu bua lo'a uma lo mata-mata kala. Ala tao buas sila la nggelok leme lilo fulak do lilo pilas a mai, tehu nggelok soona, ala taos leme ai, do dae a mai. Buas sila la nggelok soona, fai malole de'i fo ala pakes, boema nggelok soona, ala pakes mandoo fai a.

2 TIMOTIUS 2:20 ပူးပေါင်းရင်းမြစ်များ

EZRA 1:6

Basa sila uma titia-tatain-nala, tulu-falis nenik ala fe bua-lo'as, fo nde, bua-lo'a lilofulak ma lilopilas, tua-lepa fo la'a nai enok, ma bana, fo ala fua bua-lo'an, ma tunu-hotuk soaneu Manetualain Uman-na.

EZRA 6:5

Boeo bua-lo'a lilopilas ma lilofulak, fo nanapakek nai Manetualain Uman, ma Mane Nebukadnezar-ra ho'i nenis leme Yerusalem mai, de nenis leo Babel neu-a, muse tao falik-kasa le'us leu mamana makasososan-na.”

KELUARAN 27:3

Tao uledae, sakop, mango, besi kabaek sama leo po'da, ma la'o. Muse tao bua-lo'as sila-la neme liti-a mai.

RATAPAN 4:2

Makahulun-na kota Sion-na ta'eana-anafe'oanan-nala sama leo lilopilas kabelik, tehu besak ia, ala taon sama leo uledae mesan.

DANIAL 5:2

Lelek ala bei linu-linu te Belsyazar fe paleta fo leu ho'i-la mango lilopilas ma lilofulak fo aman Nebukadnezar loso nenis leme Manetualain Uman manai Yerusalem-ma dalek. Mane Belsyazar-ra dale dodoon-na nde bee soona, fo ela hataholi matua-madema-la saoinan-nala, sao ka dua ka telun-nala, ma ndia linu lenik mango sila-la.

YOHANIS 8:49

Tehu Yesus nae, “Hataholi nitu sa'ek ta Au fa. Au fe ha'da-holomata neu Au Amang, tehu emi makamumuluk-makamamaek Au.

ROMA 9:20

Tehu tolano-tolanoo ngala lemin! Tolanoo kala hataholi daebafak mesan. De tolanoo kala ta bole male'a mo Manetualain fa! Ade pot bunga bole natane hataholi manatao pot bunga ndia nae, “Tao le'e de, o tao ma au da'di tao leoiak?”

1 KORINTUS 3:9

Ami nde bee na hataholi fo sama-sama maue-male'di soaneu Manetualain; ma emi nde bee na, sama leo Manetualain tina-osin. Tolanoo kala nde bee na, sama leo Manetualain uma na boe.

2 KORINTUS 4:7

Tehu hata-heto samanek mana'a hiik ndia nanape'dak nai uledae dale, fonde ami aoinam beli tak ia. No enok ndia nananitak nae, Manetualain nde koasa na lena, te ta ami fa.

EFESUS 2:22

Hu no maso'dak fo da'di esa no Kristu sa de, emi boeo nananafofo'ak sama-sama no hataholi fe'e kala, da'di uma esa soaneu Manetualain; fo Manetualain no Dula dale na, leo lai ndia.

1 TIMOTIUS 3:15

fo ela metema, au bei akamama'ak au nene'i nga boeo, o bubuluk basa tao leo beek fo, ita muse taso'da sama leo Manetualain tei dalen, fo nde Manetualain hataholi kamahehelen fo maso'dak. Salanik leondia ka nde, sama na leo dii mana tia-to'bak esa, fo ana tia-to'ba nahele Manetualain nanoli ndo nala.

1 PETRUS 2:5

Emi sama leo batu maso'dak. Hu ndia de, ela leo bee na emi nau nanapakek soaneu mafofo'a Manetualain Uma samane na. No enok ndia, emi da'di imam, fo emi maso'da hehelik soaneu Manetualain, ma tunga Yesus Kristus, de emi fe tutunu-hohotu samanek neu Manetualain, fo nandaa no Manetualain dale na.