2 TIMOTIUS 2:15 - Susula Malalaok Hehelu Palak Ma Hehelu Beuk

¹⁵ Ela leo bee na, o sanga enok te'e-te'e, fo Manetualain manaku o da'dileo hataholi fo nandaa da'di Ndia malalau-maoonon. Sanga enok, fo o boso bii-mae o tatao-nono'im ndia, fo ela o nanoli ma, nandaa no nanoli ndoos fo maneme Manetualai na mai a.

2 TIMOTIUS 2:15 ပူးပေါင်းရင်းမြစ်များ

MATEOS 13:52

Boema Yesus nafa'das nae, “Hu ndia de mese agama see, fo ana da'di Manetualain hataholi kamahehelen soona, hataholi ndia sama na leo uma lamatuak esa, fo ana kalua bua beu palan neme petin dale mai.”

MARKUS 4:33

Yesus nanoli hataholi la ninik nakandandaak leondiak ba'u ka, fo nandaa no hataholi sila la malela na.

LUKAS 12:42

Lamatua ka nataa nae, “See ka nde malalau-maoono mana lilinekak ma manatee tenok ndia, de nalosa tua na so'un da'di malangan neu malalau-maoono fe'e kala, fo daenga ana fes la'a-linu la'e fai na?

HATAHOLI 2:22

Tolano-tolanoo Israel ngala lemin! Mamanene hata fo au afa'dak ia la. Manetualain fe basa bela-ba'uk neu Yesus fo hataholi Nazaret ndia, soaneu tolanoo kala so. Ita titan no mangale'dok nai manda'di beu kala ma dede'a matua ina la dalek, fo Manetualain taon nai emi tala'da tunga Yesus ndia. Emi bubuluk basa dede'ak sila la so.

HATAHOLI 20:27

Beita la'iesa fo au alai la'oela au bela-ba'ung boen, soaneu au afa'da mangalele'do emi, Manetualain dale tutu'un lala'ena fa.

ROMA 14:18

Hataholi fo nalalau-naoono Kristus no enok leondia ka, hataholi ndia nandaa no Manetualain dale na, ma hataholi fe'e kala fe ha'da-holomata neun.

ROMA 16:10

Manduku-malosak au nate'a nga neu Apeles. Lilinekan neu Kristu sa, nananitak so. Manduku-malosak au nate'a nga neu Aristobulus tolano ka'a fa'di nala,

ROMA 6:13

Boso fe emi ao paa ma neu sala-singo ka fo ana paken, soaneu tao-no'i tatao-nono'i mangalau ka. Te fe emi so'da ma leo Manetualain neu, sama leo hataholi manalali neme mamate sa leo maso'da ka dalek neu. Fe la'iesak emi so'da ma leo Manetualain neu, fo Ana paken soaneu makalala'ok hihii-nanaun.

1 KORINTUS 2:6

Leomae leondiak boe, nai hataholi fo so'da samane na natea-nahele soona, memak au kokolak la'eneu manatee teno ka. Tehu manatee tenok ia, manatee teno daebafak ta ndia fa, do mana koasa lelek besak ia la manatee tenon fo koasa na neukose manasapu-manalalok.

2 KORINTUS 10:18

Nana hataholi nanakoa-kio ka nde bee na hataholi fo Lamatua ka koa-kion, te ta nde hataholi fo ana koa-kio seluk aoina na fa.

2 KORINTUS 3:6

Ndia nde tao na ami mapalani da'di malalau-maoono soaneu hehelu beuk esa, fo nde Heheluk fo namahena neu Manetualain Dula Dale na, ta neu hoholo-lalane nanasula ka fa. Nana nanasulak ndia nini mamates, tehu Manetualain Dula Dalen ndia ana fe maso'dak.

2 KORINTUS 4:2

Ami ta pake eno-dala makahatuk fo nini bibii-mamaek fa. Ami ta nau maue-male'di no tipu-daik do puputa-papaik Manetualain dede'a-kokolan fa. Ami malalau-maoono Manetualain no dale neuisik tunga hihii-nanaun. Hu ndia de, ami mamahena basa hataholi la tai-dodoo ami no malole, nandaa no dale bobongoana nala.

2 KORINTUS 5:9

Hu ndia de, ami sanga enok te'e-te'e, fo ela ami so'da ma nandaa no Lamatua ka dale na, nau nai lelek fo ami bei leo nai uma manai daebafak ia, do nai lelek fo ami leo nai uma manai nusa so'da ka boe.

GALATIA 1:10

Ade no enok ndia fo meten soona, nonoo ka bai de, au amahena hataholi daebafa ka, manaku au do? Ta leondiak fa! Au amahena ka'da Manetualain nde manaku au a. Ade au bei sanga enok fo, au ho'i hataholi daebafa ka dale na, fo ela ala manaku au do? Metema au bei tao leondiak soona, Kristu satan ta au fa.

EFESUS 1:13

Emi boeo da'di Manetualain hataholi kamahehelen, ndek lelek fo emi mamanene Manetualain hala-hehelu na, fo nde Hala Malole fo mana fe so'dak neu emi a. Emi mamahele neu Kristus Yesus, hu ndia de Manetualain tao ta'du-tana neu emi, fo emi da'di Ndia nuun. Ta'du-tana ndia nde, Dula dalek fo Ana helu ka.

1 TESALONIKA 2:4

Ta! Ami ta kokolak soaneu tao mamahoko hataholi dalen fa te, soaneu tao mamahoko Manetualain dale na, fo mana so'ba ami dale'ma. Nana Manetualain nafa'da nae, ami mandaa tui-benga Hala Malole ndia.

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

1 TIMOTIUS 4:6

Metema o manoli basa dede'ak sila la neu tolano kamahehele kala soona, o da'di Kristus Yesus malalau-maoono malolen. Boema o fufu'a-kakali makandoo o namahehele ma ninik Manetualain dede'a-kokolan fo ita tamahele ka, ma ninik nanoli ndoos fo o tungan dodoo basa ia so.

IBRANI 4:11

Hu ndia de, mai leona, fo ata sanga enok te'e-te'e, soaneu ita masok leo mamana hahae aok fo Manetualain heluk ndia. Boso nalosak hataholi esa boen neme ita mai a, ana ta da'di masok leo mamana hahae aok ndia, sama leo sila fo makahulu na, nana ta lamahele neu Manetualain fa.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

YAKOBIS 1:18

No dale hihii mesa na de, Ana tao ita da'di Ndia anan, tunga hala-kokola ndo na. Ana tao leondiak, fo ela ita hapu mamana matua-madema lena heni basa hata maso'dak fo nakadada'di kasa.

2 PETRUS 1:10

Hu ndia, tolano-tolanoo ngala lemin! Boetai sanga enok seluk, fo ela Manetualain nalo ma Ana hele nahele emi ndia, boetai natea-nahele. Metema emi tao tungan leondiak soona, neukose emi ta fali deak so'on.

2 PETRUS 1:15

Hu ndia de, au sanga enok, fo leomae mate au so boeo, emi mafa ndendelek mahele dede'ak sila la.

2 PETRUS 3:14

Hu ndia, tolanoo susue-lalai ngala lemin! Nai lelek fo emi mahani Faik ndia, emi muse sanga enok te'e-te'e, fo emi so'da ma malalaok ma sala-singo tak nai Manetualain matan, Boema makaboboi emi tututi-nanatom no Manetualai na fo, malole nahele.