2 TIMOTIUS 2:14 - Susula Malalaok Hehelu Palak Ma Hehelu Beuk

¹⁴ Ela leo bee na, o mafa'da hataholi la, fo lafandendelek basa dede'ak ia la. Manoli-mafa'das nai Manetualain matan, fo ela ala boso lale'a la'eneu dede'ak esa sosoa-ndandaan, te ndia sosoa-ndandaan ta, ma ana tao na, hataholi mana mamanene kala, lapangamak.

2 TIMOTIUS 2:14 ပူးပေါင်းရင်းမြစ်များ

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YEREMIA 2:11

Beita hapu leoina esa, ana tuka heni lamatuan-na, leomae lamatuak ndia, Manetualain ta nde ndia fa. Tehu, Au anang-ngala tuka heni Au, fo sila mandela-masa'an-na, nenik hata esa fo, sosoa-ndandaan ta.

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

YEREMIA 23:32

Au, Manetualain, neukose la'ban nabi sila-la fo nde landuku-lalosak sila me'i-afen-nala fo uk no masapepeko-masandandalik. Ala lakatutu'dak Au anang-ngala nenik masapepeko-masandandalik ma nenik sila bafa loun-nala. Au ta adenu nabi sila-la fa. Sila sosoa-ndandaan tak makandondook soaneu Au anang-ngala. Au, Manetualain, fo manakokolak-ka.”

YEREMIA 23:36

Sila ta bole pake dede'ak si'ek lae ‘Manetualain lelepa mabelan-na’. Metema bei hapu fo mana pake dede'ak si'ak ndia soona, neukose Au tao Au hala haituang-nga te'e-te'e ana da'di lelepa mabela soa neun. Hataholi fo manamafa'da nae, ‘Manetualain lelepa mabelan-na’ ka'da ana puta-pai Au hala kokolang-nga, fo sila Manetualain-na, Manetualain fo maso'dak-ka, Manetualain Fo Manakoasa.

YEREMIA 7:8

Tehu, te'e-te'e palsuma la'iesak-kana, emi mamahele dede'a masapepeko-masandandalik.

HABAKUK 2:18

O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

MATEOS 16:26

Ade hataholi esa hapu nanalak hata, metema ana hapu daebafa ka lala'ena, tehu namopo so'da samane na? Ade so'dak ndia hapu tukan ninik hata esa do?

HATAHOLI 13:10

boema nafa'dan nae, “Hei hataholi mana tipu-daik ma nanasoo-supa ko nei! O musu mo basa hata malole lala'ena. Tao le'e de o ta hahae tao malutu Manetualain dale tutu'un soaneu Ana soi-tefa hataholi daebafa ka fa?

HATAHOLI 15:24

Ami mamanene, ami hataholim de'ubee le'i de ala tao tasi'bu, ma ala tao la emi mapangamak ninik sila nanoli nala. Te se'ko na, ami ta madenu hataholi sila la tao tataos ndia fa.

ROMA 14:1

Hataholi fo ta namahehele hata fo namahelen soona, emi muse sipo kana no malole. Boso male'a moon, la'eneu ndia hahapun ndia.

GALATIA 1:7

Tunga ndo na, ta hapu “hala malole fe'ek” fa. Te hapu ka'da hataholi tui-benga fe emi “hala malole” fe'ek la'eneu Kristus. Fo ala tui-benga popo'de-papaik de, nalosa ala tao tasibu emi.

EFESUS 4:17

Hu ndia de, no Lamatua ka na'de na, au sanga afa'da dede'a ka nde ia no balakaik ae, boso boe maso'da sama leo hataholi fo beita nalelak Manetualain fa, fo ana dodoo ka'da hata mana da'di ta kala.

1 TESALONIKA 4:1

Tolano-tolanoo ngala lemin! Mate'e na, ami fe basa emi natutu'duk la'eneu emi muse maso'da tao leo beek fo, nandaa no Manetualain dale na. Memak emi maso'da leondiak so. Tehu besak ia, no Lamatuak Yesus koasa na, ami moke manseli, ma ami makaseti emi, fo ela emi boetai sanga enok seluk, nai basa dede'ak sila la dalek.

2 TESALONIKA 3:6

Tolano-tolanoo ngala lemin! No Lamatuak Yesus Kristus koasa na, ami moke neu emi, fo madook ao mala neme basa hataholi mana pela-bale kala mai, ma hataholi fo ala ta tunga nanolik fo ami manoli sala fa.

1 TIMOTIUS 1:4

Mafa'das fo daenga, ala hahae kokolak la'eneu dede'a me'i-afek, ma tutui momoli-dada'di manalu ina sila la. Nana basa sila la, lini ka'da nasi'da-naba'ek mesa kana, te ta lini nafofo'ak soaneu Manetualain dale tutu'un, fo hapu lalela kasa, tunga ka'da namahele neu Manetualain.

1 TIMOTIUS 1:6

Hapu hataholi nggelok, ta laso'da leondiak so'on, ma mopos lai nale'a-napili sosoa-ndandaa ta ka dalek.

1 TIMOTIUS 4:8

Nanoli ao paa ka, sosoa-ndandaan ka'da faa anak mesa kana, tehu nanoli samane ka, sosoa-ndandaan ba'una seli nai basa dede'ak lala'ena dalek, nana isi na, hehelu balataak soaneu ita maso'dan nai besak ia ma nai fai mana mai ka.

1 TIMOTIUS 5:21

Nai Manetualain, Kristus Yesus ma ata nusa so'da nanahele kala matan, au oke fo ela o tunga basa nanoli-nafa'dak ia la no boso neo hataholi esa boen, ma boso metematak.

1 TIMOTIUS 6:13

Ma besak ia, nai Manetualain fo mana fe hahae maso'da ka neu basa hata lala'ena matan, ma nai Kristus Yesus fo mana mafa'da ndoos neme Pontius Pilatus mata na, au oke dede'ak esa nde ia neme o mai:

2 TIMOTIUS 1:6

Hu ndia de, au fe o nasanene'dak, fo ela o tao maso'da falik baba'e-babatik hehelik fo, Manetualain fe o, nai lelek fo, au lalaa au lima nga neu o langam lai na.

2 TIMOTIUS 2:16

Madook ao ina ma neme hataholi mana kokolak dede'a-kokola sosoa-ndandaa ta kala, ma kokola nakamumulu-nakamamaek Manetualai na mai. Dede'a-kokola matak leo sila kala, ka'da tao na hataholi a, boetai da'di hataholi mangalauk.

2 TIMOTIUS 2:23

Boso matuik moo hataholi nggoak fo ta lalelak hata esa boen. O bubuluk basa sila la, nini ka'da nale'a-napilik.

2 TIMOTIUS 4:1

Neukose Kristus Yesus, Ana fali seluk leo daebafak ia mai, fo naketu-nala'di hataholi maso'da kala ma hataholi mana mate kala; ma neukose Ana mai fo, Ana paleta leo Mane ka. Hu ndia de, au oke anseli neu o, nai Manetualain ma Kristus Yesus matan fo:

TITUS 3:1

Mafa'da o salani mala, fo ala boso laban mauli-malangan ma mana koasa nai nusak dale a, boema ala tao-noi tatao-nono'i malole tataas esa.

IBRANI 13:9

Boso po'ilotak nanoli matabeu mata-matak lala'ena, ala tao latofa-latalak emi. Ita dale na, muse nananatetea-nahehelek ninik Manetualain dale malole na, fo ndia nde malole a. Boso hu ka nde nananaketuk neme ito-atok la'eneu nana'a-nininuk. Hataholi fo makahulu na ala tunga nakanenetek sila la, ala ta hapu sosoa-ndandaan fa.

2 PETRUS 1:13

Nai lelek fo au bei aso'da, au ame'dan, au muse fe emi nasanene'dak la'eneu dede'ak sila la.

SEMUEL SUSULAK-KA ESAN-NA 12:21

Boso tunga lamatua daebafak-kala, fo ala ta hapu tulu-fali emi ma soi-tefa emi fa, nanahu tunga ndoon-na, lamatua daebafak ta.