2 TIMOTIUS 2:10 - Susula Malalaok Hehelu Palak Ma Hehelu Beuk

¹⁰ Hu ndia de au akatatakak, fo au lu'a-lepa basa sila la, soaneu Manetualain hele basa hataholi la paluu na, fo ela hataholi sila la boeo, hapu so'dak fo Manetualain fen tunga Kristus Yesus, ma no matua-mademan fo mana ketu basa ta ka.

2 TIMOTIUS 2:10 ပူးပေါင်းရင်းမြစ်များ

AMSAL 8:35

Se hapu au soona, ana hapu maso'dak-ka, soona nanda neu Manetualain.

MATEOS 24:22

Leo uni ka Manetualain ta tao keke'u fai na fa soona, ta hapu hataholi esa boen hapu naso'da fa. Te hu ka nde hataholi kamahehele nala, de Manetualain tao keke'u le'do-fai ndia.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

LUKAS 18:7

Naa, ade Manetualain neukose ta nasala'e hataholi kamahehelen fo lalo bou-bou lon lele'do-le'odaen fa do? Ade nakadodook fai na, fo Ana ta tulu-fali fas do?

LUKAS 22:57

Tehu Petrus nalelesi. Nafa'da nae, “Au ta alelak hataholi ndia makandondook fa!”

YOHANIS 11:52

Boema ta ka'da soaneu leoina Yahudi la mesa kasa fa, tehu soaneu Ana tao nakabubua Manetualain ana mana tapasasala nala.

YOHANIS 17:24

Ama, Au nau fo ela hataholi fo Ama ka fes leu Au a, lakabubua lo Au nai Au mamana nga, fo sue ka nde sila lita Au matua-mademang. Matua-madema fo Ama ka fen neu Au nana Ama ka sue-lai Au te daebafak ia beita da'di fa.

YOHANIS 17:9

Hu ndia de, Au hule-haladoi fes. Au ta hule-haladoi fe daebafa ka fa, te Au hule haladoi fe hataholi fo Ama ka fe basa-basas leu Au so, nana Ama ka hataholin sila.

ROMA 2:7

Manetualain fe maso'da matetu ka ma manaketu basa ta ka neu hataholi manatao-no'i lahele tatao-nono'i malole, fo ala hapu hata mandela-masa'ak ndia, ma matua-madema boema matea-mahele ka.

ROMA 9:23

Manetualain boeo dodoo soaneu natu'du ita ua-nale manasasi kao-kao ka Ana po'an neu ita fo Ana sue-lai ka. Ana sadia basa ita soaneu sipo ua-nalek ndia so.

1 KORINTUS 1:21

Nana leomae hataholi daebafa ka malela na leo beek boeo, ana ta hapu nalelak Manetualain ninik ndia malelan ndia fa. Te lena-lenak, hu ka nde Manetualain manatee teno na de, Ana nau soi tefa na hataholi fo lamahele neun, tunga halak fo ami tui-bengan fo daebafa ka nafa'da nae, kokola bafa louk basa sila la.

1 KORINTUS 9:22

Nai hataholi fo namahehele nala beita matea-mahele kala tala'da soona, au boeo tao sama leo hataholi fo namahehele na beita matea-mahelek fa, fo ela au bisa helas da'di Kristus ana manatungan. Dede'a keke'u na, au da'di su'di bee ka soaneu basa hataholi la, fo ela no enok leo bee ka boe, au bisa soi-tefa ala sila nggelok.

2 KORINTUS 1:6

Metema ami la'ola'di toto'a-tataa ka soona, ndia nde bee na mana matetea-mahehele emi dale ma, hu ka nde emi so'da-mole ma. Metema ami dale ma nananatetea-nahehelek soona, emi boeo nananatetea-nahehelek, nalosa emi da'di mana makatatakak nai toto'a-tataa ka dalek sama leo ami mame'da mita doidoso ka boe.

2 KORINTUS 12:15

Hu ndia de no dale namahokok, au ahiik tunu-hotu basa hata lala'ena soaneu emi, leomae au aoina nga mesa kana boe. Metema au sue-lai emi leondiak soona, ade nandaa emi ta sue-lai fa do?

2 KORINTUS 4:15

Basa sila lala'ena nde bee na, soaneu emi paluu ma. Nana boetai hataholi ba'u ka lame'da lita Manetualain susue-lalain soona, boetai nonoke hule-haladoi makasi ba'u ka, nanananduku-nalosak neu Manetualain. No enok ndia, Manetualain nanakoa-nanakiok.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

EFESUS 3:13

Hu ndia de, au nonoke nga nde ia: boso dodoo ka'da au doi-dosong ia, nana basa sila lala'ena nde bee na, soaneu emi basa-basa mala malole ma.

KOLOSE 1:24

Besak ia, au nau doi doso soaneu emi paluu ma. Au nau au ao paa nga doi doso nanahu au nau tao atetu Kristus doi doso na soaneu salani nala, fo Kristu sao na nde, salanik sila la.

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

1 TESALONIKA 5:9

Manetualain hele ita, fo ta sue ka nde, Ana huku ita fa, te sue ka nde, Ana soi-tefa ita, tunga ita Lamatuan Yesus Kristus

2 TESALONIKA 2:14

Hu no dede'a ka nde ndia de, Manetualain nalo emi tunga Hala Malole fo ami tui-bengan neu emi a. Manetualain nalo emi nanahu, Ana nau fo ela emi hapu mame'da mita ita Lamatuan Yesus Kristus matua-mademan.

2 TIMOTIUS 1:1

Timotius fo au ana susue nga! Au, fo Paulus, au sulak fe o susulak ia, nana au amahena, ela leo bee na Amak Manetualain ma ita Lamatuan Kristus Yesus, fe baba'e-papalak, susue-lalaik ma mole-dame neu o. No Manetualain hihii-nanaun de, ala so'u au da'di Kristus Yesus hataholi nadedenun, boema nadenu au, fo au u tui-benga la'eneu maso'dak fo Manetualain helu ka. Ita hapu so'dak ndia, nana ita da'di esa to Kristus Yesus.

2 TIMOTIUS 2:1

Timotius, fo au ana nga! Ela leo bee na, o matea-mahele neme susue-lalaik fo Ana fen neu ita, nana ita da'di esa too Kristus Yesus.

2 TIMOTIUS 2:3

O boeo muse doidoso, sama leo Kristus Yesus solda'du mana lilineka mahelen.

TITUS 1:1

Susulak ia neme au, Paulus. Au sulak susulak ia, da'dileo Manetualai natan ma Yesus Kristus hataholi nadedenun. Au nanahelek ma nananadenuk, soaneu au tulu-fali Manetualain hataholi kamahehele nala, fo ela ala da'di balakaik nai namahehele nala dalek. Au boeo muse hela-noles, fo ela lalelak nanoli ndoos fo agama nanoli kala.

1 PETRUS 2:10

Makahulu na Manetualain hataholi kamahehelen ta emi fa, tehu besak ia emi da'di Manetualain hataholi kamahehelen so. Makahulu na Manetualain ta sue-lai emi fa, tehu besak ia, Ana sue-lai emi so.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.