2 TIMOTIUS 1:7 - Susula Malalaok Hehelu Palak Ma Hehelu Beuk

⁷ Nana Manetualain fe ita Dula Dale ka, ana ta tao na ita da'di hataholi mana bii-mamata'uk fa. Te Manetualain Dula Dalen ndia nde, tao na ita tatea-tahele, ana tao na ita dale na henuk no susue-lalai ka, ma ita takatatakak ta ita ao ina na.

2 TIMOTIUS 1:7 ပူးပေါင်းရင်းမြစ်များ

MAZMUR 119:80

Ela leo bee-na, au daleng-nga, ana ta heo neme O nakanenetem-ma mai fa, fo ela au boso hapu mamaek.

AMSAL 2:7

Ana fe tutulu-fafalik ma nasulu-nahapak neu hataholi dale ndoos ma bu'u-ba'e tak.

AMSAL 8:14

Au nde fe dudu'a-aafi maneu. Ma au boeo anduku-alosak-kana. Au dudu'a maneu ma balakaik boe.

YESAYA 11:2

Neukose Manetualain koasan-na hela-nolen, fo Ana taon da'di hataholi dale malole, ma manatee-tenok, malelaina nai ho'i nakeketuk-ka dalek, fo nakalala'ok-kana; nalelak Manetualain hihii-nanaun, ma namahele neun.

MIKHA 3:8

Tehu la'eneu au aoinang ia soona, Manetualain tao duladalen ma koasan-na nai dalek. Ana fe au malelak la'eneu ndoos ma matetuk, ma napalanik boe, fo au afa'da hataholi Israel-la tao basa sala-singok-kala so.

ZAKHARIA 4:6

Ata nusa so'dak ndia, nadenu au, fo au anduku-alosak Manetualain hala hehelun-na nde ia, neu Zerubabel nae, “Ta nenik solda'du be'i-balakain, do boeo ta nenik o be'i-balakaim mesam-ma, neukose o sengi, tehu nenik Au duladaleng-nga dei.

LUKAS 10:19

Bubuluk leona! Te Au fe basa emi koasa soaneu emi heheta menge ma kula ka, boema tao mala'di musu be'i-balakain lala'ena, ta no hata esa boen fo hapu tao susa-soe emi.

LUKAS 15:17

Neu mate'e na boema besa ka name'da de nae, ‘Hataholi manamaue-male'di nai au amang uma na, nana'a-nininun sasikao-kao, tehu au nai ia soona, au hihii mate o la'a sa!

LUKAS 24:49

Ma neukose Au nde haitua fe emi hata fo Au Ama nga helu basa ka so. Tehu emi muse mahani mahele nai kota ia, losa koasa maneme Manetualain mai a, ana poti na emi.”

LUKAS 8:35

Boema hataholi la kalua mai, fo ala mete hata manda'dik ndia. Ala mai leo Yesus mai te nai ndia, ala lita hataholi fo natapo'i neme dula dale mangalau ka mai ndia, bei nangatuuk deka no Yesus ei na. Ana pake bua-lo'as so, ma dudu'a-aafin namaneu so boe. Boema ala bii.

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

HATAHOLI 1:8

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

HATAHOLI 21:13

Tehu Paulus nae, “Sosoak hata tolanoo kala kii leoiak, de nalosa emi tao ma au dale nga nakalulutuk? Au sadia basa, ta ka'da soaneu ala ho'u au nai naa fa, te au sadia basa soaneu au mate hu ka nde Lamatuak Yesus.”

HATAHOLI 26:11

La'i ba'u ka au fepa-li'us lai uma mamaso kala dalek, ma au akasetis fo daenga lalelesi hata fo sila lamahele basa ka. Hu ka nde au amanasa mangalalaus, de nalosa au u leo kota fe'e kala u boe, fo au usis lai na.”

HATAHOLI 26:25

Tehu Paulus naen nae, “Au ta amulu fa Mane Mandela-Masa'ak. Dede'a-kokolak fo au kokola kana ia tete'e ka, ma ana kalua neme dudu'a-aafi maneu.

HATAHOLI 6:8

Manetualain ba'e-pala Stefanus ba'u na seli, de nalosa ana tao manda'di beuk makadotok, ma dede'a matua ina la nai lau nala tala'da.

HATAHOLI 9:22

Tehu Saulus boetai nananita-nalelak. Ana fe buti matea-mahelek nae, Yesus ndia nde Mane Mana Fe So'da ka, de nalosa hataholi Yahudi mana leo nai Damsyik-kala ta hapu lase'i so'on.

ROMA 5:5

Namahehenak leoia ka, neukose ana tao namatua ita dale na, hu ka nde Manetualain susue-lalain nai ita dalen dale. Dede'ak ndia ana da'di tunga Manetualain fe ita Dula Dale ka hehela-nonolen.

ROMA 8:15

Nana Manetualain fe emi Dula Dale ka, ana ta tao emi da'di ata fo emi maso'da nai ka'da bibii-namata'u ka dalek fa. Dede'a nasafali na, Manetualain Dula Dale na, ana tao emi da'di Manetualain anan. Boema no Manetualain Dula Dale na koasan ndia de, ita talo Manetualain soona tae, “Ama, ou au Ama nga!”

1 KORINTUS 2:4

Au anduku-alosak halak neu emi ndia, ta no dede'a-kokola makee-mamina, do tunga hataholi daebafa ka manatee teno na fa. Te au anduku-alosa kana ninik enok fo ana da'di buti nae, Manetualain Dula Dale na manakoasa.

GALATIA 5:22

Dede'a nasafali na nae, metema Manetualain Dula Dale na hela-nole hataholi soona, buna-boan nde: ala lasue-lalai ao, ala lamahoko-setelee, ala lanuu dale mana tesa-tamak, ala ta haelai lamanasa, ma ha'da-tataon malole, ala malole lo hataholi fe'ek, ala lilineka,

KOLOSE 1:8

Ndia nde nafa'da ami nae, hu no Manetualain Dula dale na koasa na de, emi masue-malai ao.

IBRANI 2:15

No enok ndia, fo Ana soi-po'i hataholi fo ana taon da'di ata nai maso'da na dalek, nanahu ala bii neu mamate sa.

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

1 YOHANIS 4:18

See naso'da nai Manetualain susue-lalain dalek soona, ana ta bii namata'u fa; nana susue-lalai matetu-mandaak ndia, ana tao namopo bibii-namata'uk manai ita dalen dale a. Hu ndia de, dede'a mangale'do na nae, Metema Manetualain susue-lalai matetu-mandaan ndia beita nai see dalen dale fa soona, hataholi ndia ana bii nasasale matak no Fai Naketu-Nala'di ka.