2 TIMOTIUS 1:13 - Susula Malalaok Hehelu Palak Ma Hehelu Beuk

¹³ Tunga te'e-te'e neu nanoli ndoos fo, au fe basan neu o so. Ma ela leo bee na, o ho'u mahehele namahehelek ma susue-lalaik fo, ana da'di ita nuun, nana ita da'di esa to Kristus Yesus so.

2 TIMOTIUS 1:13 ပူးပေါင်းရင်းမြစ်များ

AMSAL 23:23

Asa-ma, nanoli ndoos-sa, manatee-tenok-ka, nanoli-nafa'dak-ka, ma dudu'a manadaik-ka, soona boso mase'o henis.

AMSAL 3:18

Hataholi fo, ana ho'u nahele manatee-tenok-ka, neukose ana hapu so'da matetuk ma maua-manalek-ka.

AMSAL 3:21

Hu ndia de anang-ngonei, ho'u mahele manatee-tenok-ka, ma tai-dodook-ka! Boso po'in makandondook,

AMSAL 4:13

Mafandendelek tataas esa, neu nanolik fo, o sipo basan neme au mai so. Manea matalolole basa sila-la, nana no nanolik sila-la, fo o so'dam-ma, neukose nabuna-naboa

AMSAL 8:14

Au nde fe dudu'a-aafi maneu. Ma au boeo anduku-alosak-kana. Au dudu'a maneu ma balakaik boe.

ROMA 2:20

Tolanoo kala manoli hataholi ha'da ta kala, ma mesen ba'eneu hataholi nggoa kala. Tolanoo kala manaku mae, tolanoo kala hapu basa malelak lala'ena ma nanoli ndo sa nai agama Yahudi a hoholo-lalanen dale.

ROMA 6:17

Tehu moke makasi neu Manetualain! Nana makahulu na, emi da'di sala-singo ka atan, tehu besak ia emi tunga nanoli ndoos fo lanoli emi no dale katematuak.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

FILIPI 4:9

Ela leo bee na, hata fo emi sipon ma manolin neme au a mai, tao tungan ma manea matalololen; nau neme hala-kokola ka mai do neme tatao-nono'i ka mai boe. Manetualain fo oe mata so'da-mole ka, nonok emi.

1 TESALONIKA 5:21

Emi muse palisak besa-besa mo basa hata lala'ena, fo bee ka nde malole a soona, muse tunga ka nde ndia.

1 TIMOTIUS 1:10

soaneu mana sosoa-piao kala, touk sao seluk touk, hataholi mana mamanako neok, masapepeko-masandandali kala; mana sakasii pepeko kala, ma su'di see fo, tatao-nono'in ta nandaa no nanoli ndo sa fa.

1 TIMOTIUS 1:14

Ma nakalenak bai, ita Lamatua na, Ana fe la'iesak susue-lalain neu au. Ana fe au be'i balakaik, fo au amahelen, ma au sue-lai au nonoo hataholi ngala. Ana fe, be'i balakaik ndia neu basa ita fo manda'di esa to Kristus Yesus a.

1 TIMOTIUS 6:3

See nanoli fe'ek neme nanolik ia la ma sila nanolin ndia, ta nandaa no ita Lamatuan Yesus Kristus nanoli ndo na ma ita agama na nanoli na fa soona,

2 TIMOTIUS 1:1

Timotius fo au ana susue nga! Au, fo Paulus, au sulak fe o susulak ia, nana au amahena, ela leo bee na Amak Manetualain ma ita Lamatuan Kristus Yesus, fe baba'e-papalak, susue-lalaik ma mole-dame neu o. No Manetualain hihii-nanaun de, ala so'u au da'di Kristus Yesus hataholi nadedenun, boema nadenu au, fo au u tui-benga la'eneu maso'dak fo Manetualain helu ka. Ita hapu so'dak ndia, nana ita da'di esa to Kristus Yesus.

2 TIMOTIUS 1:14

No Manetualain Dula Dalen manai ita dalen dale a, tutulu-fafalin de, ela leo bee na, o manea matalolole dede'a kabelik fo, Ana fe basan neu o a so.

2 TIMOTIUS 2:2

Makahulu na, o mamanene au nanoli ngala neme hataholi makadoto kala matan so, de ela leo bee na o manoli nanolik sila la neu hataholi fo, o mamahele, tete'e ka hataholi sila la, lanoli lalelak hataholi fe'ek.

2 TIMOTIUS 3:14

Tehu ba'eneu o, Timotius, ela leo bee na, o ho'u mahele nanoli ndoos fo lanolin neu o de, o mamahelen no dale katema tuak; nana o bubuluk basa, o mese mala nde see so.

2 TIMOTIUS 4:3

Nana neukose losa fai na te, hataholi a ta nau namanene nanoli ndo sa so'on. Te neukose ala tunga ka'da sila hihii-nanau mesa nala, ma laloo lakabubua mesen makadotok fo lanoli sila, hata fo nandaa no sila di'idoo namanenene na.

TITUS 1:9

Hataholi ndia, muse ana ho'u nahele nanoli ndoos fo nanoli basa kala so. Nana no enok ndia, fo besa ka ana hapu nanoli hataholi tunga nanoli ndo sa, ma natu'du hataholi mana laba nana, sala na.

TITUS 2:1

Tehu ba'eneu o so Titus na, ela leo bee na, o manoli hataholi la, nanoli ndoos.

TITUS 2:8

Metema o kokolak soona, kokolak pake dede'a-kokolak manatee tenok, fo hataholi boso nakamuu-nakadau o hala-kokolam, fo daenga o musu noo mala ala mae, nana ta hapu o dede'a-kokola mangalaum esa boen fo, ala paken soaneu ala laban ita.

IBRANI 10:23

Ela leo bee na, ata ho'u tahele neu namahehenak fo ita manakun, nana Manetualain bisa nananamahelek de neukose tao leo bee o Ana tao natetu hala hehelu na.

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.

IBRANI 4:14

Hu ndia de, ita muse ho'u tahehele neu ita manaku namahele ka. Nanahu ita tanuu Imam Matua ina esa, ba'u na seli, fo Ana masok basa losa leo Manetualain mata na neu so. Ndia nde Yesus, fo Manetualain Ana na.

YUDAS 1:3

Tolano susue ngala lemin! Au ahiik alanseli, sulak fe emi susulak la'eneu so'da-molek fo, ita basa-basa tala la'ola'din so. Tehu besak ia, au dodoo ae, au muse anoli-afa'da emi tunga susulak ia, fo emi ho'u mahele namahehelek fo Manetualain fe basan neu hataholi kamahehele nala, ka'da la'i esa, losa dodoo na.

NINITAK 2:25

Tehu mahani te losa faik fo Au mai, ela leo bee na emi tunga mahele hata fo emi manuu basan so.

NINITAK 3:11

Au mai no lai-laik! Manea matalolole hata fo emi manuun, fo ela ta hapu hataholi esa boen loso na emi buapalse sesengim ndia.

NINITAK 3:3

Da'di, mafandendelek fo fali leo hata fo makahulu na nananoli basak neu emi ma hata fo emi mamanene basan so. Makalala'ok basa sila la ma tukaitei-saledale neme emi sala-singo mala mai. Metema emi ta fo'a fa soona, neukose Au mai fo Au huku emi. Neukose Au mai sama leo nakodaa, nalosa neukose emi ta bubuluk faihi'da fai na fo Au mai fa.