2 TIMOTIUS 1:12 - Susula Malalaok Hehelu Palak Ma Hehelu Beuk

¹² Hu ndia de, au lu'a-lepa basa doidosok ia la, tehu au amahele ahele, nanahu au bubuluk te'e-te'e, see hataholi fo au amahelek ndia. Au amahele, hata fo Ana fe basan neu au ndia, nanea nabe'in, losa Fai Mate'e ka.

2 TIMOTIUS 1:12 ပူးပေါင်းရင်းမြစ်များ

MAZMUR 25:2

ou au Manetualaing, au amahele neu O! Boso po'ilotak au nananakamumulu-nakamamaek, ma au musung-ngala eeki-latadale au.

MAZMUR 31:5

Soi-po'i au neme hihi'ik fo, nanalonak ba'eneu au, nana, O nde au mamana nasulu-nahapang-nga.

MAZMUR 56:9

O leke au leu-laang, fain-nala, ma O bubuluk au luu oeng-nga baba'un-na; ade, O ta hinga-leke fan do?

MAZMUR 9:10

Manetualain ndia, mamana nasulu-nahapak, ba'eneu hataholi nanatuni-ndenik-ka, mamana hahaeaok, nai fai toto'a-tataak-ka dalek.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 50:7

Nana Manetualain tulu-fali au, de au ta nananakamamaek fa. Au tao akatetesak au daleng-nga fo ela nahele; Au bubuluk mae au ta nakamamaek fa.

YESAYA 54:4

Boso bii, te neukose o ta nananakamumulu-nakamamaek fa; neukose ta nananakadadaek ma o na'dem-ma, ta nanggenggeo fa. Neukose o mafandele heni o manalilinekam-ma, nai lelek o bei muli-solum-ma; o mafandele heni, o nee-nee lino-linom, fo nai lelek o inafalu-a.

NAHUM 1:7

Manetualain ndia malole. Nasulu-nahapa anan-nala nai lelek ala susa, Nanea hataholi fo nasulu-nahapa neun.

MATEOS 12:21

Neukose basa leoina lala'ena, tao namahehena nala neun.”

MATEOS 24:36

“Ta hapu hataholi bubuluk fai na do liu na fai hi'da fa. Ata nusa so'da kala boeo ta. Manetualain Ana na boeo ta, te ka'da Ama ka mesa kana nde bubulu kana.

MATEOS 7:22

Neu Fai Mate'e ka te neukose hataholi ba'u ka lalo Au lae, ‘Lamatuak, Lamatuak, ade ami ta tui-benga minik O na'de ma fa do? Ma ade ami ta usiheni dula dale mangalau kala, boema ami tao manda'di beuk ba'u ka ta ninik O na'de ma fa do?’

LUKAS 10:12

Mafandendelek leona. Neu fai mate'e ka te, ndofo na seli soaneu Manetualain fe do'o do ampon neu hataholi Sodo mala, neme kota ia hataholi nala mai!”

LUKAS 23:46

Boema Yesus nggasi napane'e nae, “Ama! Au fe Au ao paa samaneng leo O limam dale neu!” Ana kokolak basa nae leondia boema maten.

YOHANIS 17:15

Au ta oke Ama ka ho'i nalas leme daebafa ka ia mai fa, tehu Au oke ela leo bee na, Ama ka naneas leme Nitu Mangalau ka mai.

YOHANIS 6:44

Te hataholi a, ana ta hapu mai leo Au mai fa, metema Amak fo manamadenu Au a, ta nde no hataholi ndia leo Au a mai, boema see mai soona, neukose Au tao aso'da fali kana nai Fai Mate'e ka.

HATAHOLI 13:46

Tehu Paulus no Barnabas boetai lapani seluk, de ala kokolak no le'do-le'dok lae, “Memak Manetualain dede'a-kokolan muse nanananduku-nalosak nakahuluk neu emi. Tehu, hu ka nde emi ta nau sipo kana fa de emi nde maketu aom mae, emi ta mandaa sipo so'da matetu ka, ma mana ketu basa ta ka fa. Hu ndia de ami meu lo leoina fe'e kala meu.

HATAHOLI 13:50

Tehu hataholi Yahudi la dudungu-papau hataholi matua-madema manai kota ndia, hataholi matua-madema fo mana bii neu Manetualai na ina nala. Ala tao musu lo Paulus no Barnabas, de ala usiheni duas leme nusak ndia mai.

HATAHOLI 21:13

Tehu Paulus nae, “Sosoak hata tolanoo kala kii leoiak, de nalosa emi tao ma au dale nga nakalulutuk? Au sadia basa, ta ka'da soaneu ala ho'u au nai naa fa, te au sadia basa soaneu au mate hu ka nde Lamatuak Yesus.”

HATAHOLI 7:59

Ala bei pia-pia lo Stefanus, te Stefanus nalo ma nae, “Lamatuak Yesus, sipok ma au samane nga!”

HATAHOLI 9:16

Ma Au atu'dun basa doidosok fo muse ana la'ola'din, nanahu Au.”

ROMA 1:16

Au amahele Hala Malole ndia nana Hala Malole ndia nde bee na, Manetualain be'i-balakain nde ndia, soaneu Ana fe so'dak neu basa hataholi kamahehele kala lala'ena; makasososa na hataholi Yahudi a, boema leoina fe'e kala boe.

ROMA 9:33

La'eneu batu ndia, nai Susula Malalaok dale nanaulak nae leoia, “Taoafik dede'a ka nde ia nae, Au pe'da batu esa nai Sion so fo neukose ana tao na hataholi a nakatunu; fo nde batu matuaina esa fo neukose ana tao na hataholi a tu'da. Tehu hataholi fo namahele neu na, neukose dale nala ta laba'e fa.”

1 KORINTUS 1:8

Neukose Kristus nde nanea matan emi losa mate'e na; fo ela nai lelek Ana falima'in te, Ana ta hapu na emi masala-masingok fa.

1 KORINTUS 3:13

Hataholi a esa-esak ue osan neukose nananitak nai faik fo Kristus fafali ma'i na. Nana neu faik ndia te, neukose ha'i nde tao na hataholi a esa-esak ue osan nananitak. Neukose ha'i nde fola ma naketu ue osak sila matea-mahelen.

FILIPI 1:20

Fo au ahiik ma au amahena ka nde, fo ela au ue-osang nini buna-boak. Dede'a nasafali na, au amahena fo ela tunga faik, lena-lenak besak ia, au apalani, nalosa no au ao paa samaneng nai lelek fo au aso'da do au mate boeo Kristus nanakoa-kiok.

FILIPI 3:10

Au ahiik ka'da dede'ak esa mesa kana, fo nde au alelak Kristus, ma au ame'da ita koasa fo mana tao naso'da fali kana neme mamate sa mai a so Au ahiik doidoso ma mate sama leo Yesus.

FILIPI 3:21

Ita ao paa tapandoen fo hapu noe henin ia, neukose Kristus tao nasafalin, fo ana da'di sama leo Ndia ao paa mandela-masa'a na. Ana hapu tao tataos ndia, nana hu nanuu koasa soaneu Ana tao-no'i basa hata lala'ena.

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

1 TESALONIKA 2:16

Lena-lenak, ala sanga enok fo lapanggengge ami, fo ami boso meu tui-benga fe nggileo bobongi ta Yahudi la, halak fo manini so'dak fes ala. No enok ndia de, hataholi Yahudi sila la, boe tama lakandoo sala-singo nala, de nalosa sala-singo nala, dede'u na lamadai. De besak ia, neu mate'e na, ala hapu Manetualain nasa-melun!

1 TESALONIKA 5:4

Tehu emi ta nde hataholi fo, naso'da nai makahatu ka dalek, fo faik ndia tao nanggenge kana, sama leo nakodaa fai mamai na.

1 TIMOTIUS 6:20

Timotius ei! Manea matalolole, hata fo ala fen neu o a. Madook ao ma neme dede'a-kokola sosoa-ndandaa ta kala mai, ma hahae male'a dede'ak fo lafa'da sala-sala lo sosoa-ndandaan fo nde “Malela ka”.

2 TIMOTIUS 1:14

No Manetualain Dula Dalen manai ita dalen dale a, tutulu-fafalin de, ela leo bee na, o manea matalolole dede'a kabelik fo, Ana fe basan neu o a so.

2 TIMOTIUS 1:16

Tehu Onesiforus uma isi nala, ala tao la au amahoko la'i de'ubee so. Ela leo bee na, Lamatua ka natu'du susue-lalain neus. Nana leomae au nai bui dale, tehu Onesiforus, ana ta mae au da'di hataholi bui fa.

2 TIMOTIUS 1:18

Boema o bubuluk basa, ana tulu-fali au ba'u ka nanseli neme Efesus so. Ela leo bee na, Lamatua ka natu'du susue-lalain neu Onesiforus, nai faik fo Lamatua ka naketu-nala'di basa hataholi daebafa ka lala'ena.

2 TIMOTIUS 1:8

Hu ndia de, o boso bii-mae da'di sakasii la'eneu ita Lamatua na neu su'di see a, ma boeo boso bii-mae malelak au fo, hataholi nanahukuk, hu ka nde Lamatua ka. Te ela leo bee na, no Manetualain be'ibalakain de, o doidoso soaneu Hala Malole ndia.

2 TIMOTIUS 2:9

Nana hu ka nde tui-benga Hala Malole ndia de, au doidoso; nakalenak bai, ala pa'a au ninik namosina, sama leo ala pa'a hataholi mangalauk esa. Tehu ala ta hapu pa'a laa, Manetualain dede'a-kokolan ninik namosina fa.

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

TITUS 3:8

Dede'ak ia, memak tete'e ka la'en. Au nau o taoafik neu dede'ak ia la, fo ela hataholi fo lamahele neu Manetualai na, te'e-te'e ala sanga enok soaneu ala tao-no'i tatao-nono'i malole ma masosoa-ndandaak soaneu basa hataholi lala'ena.

IBRANI 12:2

Ela leo bee na ita mata memete na nasale leo Yesus neu, nana Ndia nde nafofo'a ita namahehele na, ma nakaboboin neme makasososa na losa mete'e na. Yesus nakatatakak doidoso ka neme ai nggangek lain! Ana ta nafaduli nae, mate nai ai nggangek lain ndia nde bee na, hata esa fo nini mamaek. Ka'da nafandele neu namahokok fo neukose name'da nitan nai fai makabuin. Besak ia, nangatuuk nai Manetualain kandela mane na boboa kona na, ma Ana paleta sama-sama non.

IBRANI 2:18

Ma hu ka nde mesa kana doidoso hai, ma nanaso'ba-su'dik, de Ana hapu tulu-fali hataholi fo mana la'e soso'ba-susu'di ka, nana Ndia boeo nanaso'ba-su'dik haik ma mana doidosok.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

1 PETRUS 4:16

Tehu metema emi doidoso nanahu emi hataholi Salanik, soona boso bii-mae, hu dede'ak ndia. Moke makasi neu Manetualain mae, emi doidoso hu ka nde emi mini Kristus na'de na.

1 PETRUS 4:19

Hu ndia de, metema hapu hataholi ana doidoso nanahu Manetualain hihii-nanaun leondiak, soona ela leo bee na hataholi ndia naso'da tunga ndo na, ma ala fe basa so'da nala neu Mana Makadada'di kasa. Neukose Ana tao natetu hala hehelu na.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.