2 TESALONIKA 3:7 - Susula Malalaok Hehelu Palak Ma Hehelu Beuk

⁷ Emi nde bubuluk mae, emi muse maso'da sama leo ami. Nai lelek fo ami bei nai emi tala'da, ami ta pela-bale fa.

2 TESALONIKA 3:7 ပူးပေါင်းရင်းမြစ်များ

AMSAL 31:18

Ana bubuluk, nae ana tao basa hata lala'en-na, neni nanalak fen; ana tao bela-ba'un, losa le'odae.

1 KORINTUS 11:1

Na'da ma au nana'da nga leona, sama leo au boeo na'da Kristus nana'da na.

1 KORINTUS 4:16

Hu ndia de au oke anseli, fo ela emi tunga au nana'dang ndia.

FILIPI 3:17

Tolano-tolanoo ngala lemin! Tunga au leona. Tunga hata fo au tao-no'i ka so. Nana ami matu'du heheo-hihilu matetu ka so. Hu ndia de, taoafik matalolole neu hataholi fo mana tunga ami heheo-hihilu mala.

FILIPI 4:9

Ela leo bee na, hata fo emi sipon ma manolin neme au a mai, tao tungan ma manea matalololen; nau neme hala-kokola ka mai do neme tatao-nono'i ka mai boe. Manetualain fo oe mata so'da-mole ka, nonok emi.

1 TESALONIKA 2:10

Ami maso'da no malalaok, ndoos, ma ami ta masala-masingo soaneu emi fo, mana mamahele basak neu Kristu sa so. Manetualain ma emi, nde da'di ami sakasii ma.

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

2 TESALONIKA 3:6

Tolano-tolanoo ngala lemin! No Lamatuak Yesus Kristus koasa na, ami moke neu emi, fo madook ao mala neme basa hataholi mana pela-bale kala mai, ma hataholi fo ala ta tunga nanolik fo ami manoli sala fa.

2 TESALONIKA 3:9

Ami tao leondiak, nana ta hu ka nde ami ta manuu hak soaneu ami makaseti emi fo tulu-fali ami fa te, hu ka nde ami nau da'di natutu'duk esa soaneu emi.

1 TIMOTIUS 4:12

Boso fe hataholi nakadadaek o, hu ka nde o bei muli soluk. Te ela leo been-na, o da'di natutu'duk esa ba'eneu hataholi kamahehele kala, nai o dede'a-kokolam ma o ha'da tataom dalek, nai o susue-lalaim neu o nonoo hataholi ma dalek, nai o namahehelem neu Kristus Yesu sa dalek, ma nai o so'da malalao-malalafu ma dalek.

TITUS 2:7

Ela leo bee na, o ha'da-tatao malole ma, ana da'di natutu'duk nai basa dede'ak lala'ena dalek. Metema o manoli-mafa'da hataholi soona, muse manoli tunga ndo na, ma no te'e-te'ek.

1 PETRUS 5:3

Boso tao emi ao ina ma, nono'kabai de, emi da'di mana koasa neu hataholi fo ala fe emi maneas ala, te emi muse da'di natutu'du malole soaneu hataholi sila.