2 TESALONIKA 3:6 - Susula Malalaok Hehelu Palak Ma Hehelu Beuk

⁶ Tolano-tolanoo ngala lemin! No Lamatuak Yesus Kristus koasa na, ami moke neu emi, fo madook ao mala neme basa hataholi mana pela-bale kala mai, ma hataholi fo ala ta tunga nanolik fo ami manoli sala fa.

2 TESALONIKA 3:6 ပူးပေါင်းရင်းမြစ်များ

MATEOS 18:17

Metema ana ta nau sipok hataholi sila la nanoli-nafa'dan fa soona, mafa'da dede'ak ndia neu salani kala. Mate'e na metema ana ta nau sipok salani kala nanoli-nafa'dan sila la fa soona, bole tafa'da tae hataholi ndia sama leo hataholi mana susu bea do hataholi fo ta nalelak Manetualai na fa.”

ROMA 16:17

Tolano-tolanoo ngala lemin! Au dokodoe anseli: Fo ela leo bee na, manea matalolole soaneu hataholi mana makadada'dik nasi'da-naba'e ka ma manatao tasibu hataholi a namahehelen neu Lamatua ka. Dede'ak ndia, ta nandaa no hata fo lanolin neu emi a fa. Madook aoina mala neme hataholi leo sila kala mai.

1 KORINTUS 11:2

Au koa-kio emi, nana emi mafandele au tataas esa, ma emi tunga nanolik fo au fen neu emi a.

1 KORINTUS 5:9

Nai au susula makahulu nga dalek, au afa'da emi, fo ela emi boso leo mapalasa mo hataholi manasosoa-piao kala.

2 KORINTUS 2:10

Metema emi fe do'o do ampon neu hataholi manatao salak basa neu emi a soona, au boeo fe do'o do ampon neu hataholi ndia boe. Nana hata fo au fe do'o do ampon basan, metema memak hapu nggelok paluu nanafe do'o do ampon soona, au fe do'o do ampon neu ndia nai Kristus matan, soaneu emi malole ma.

EFESUS 4:17

Hu ndia de, no Lamatua ka na'de na, au sanga afa'da dede'a ka nde ia no balakaik ae, boso boe maso'da sama leo hataholi fo beita nalelak Manetualain fa, fo ana dodoo ka'da hata mana da'di ta kala.

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

1 TESALONIKA 4:1

Tolano-tolanoo ngala lemin! Mate'e na, ami fe basa emi natutu'duk la'eneu emi muse maso'da tao leo beek fo, nandaa no Manetualain dale na. Memak emi maso'da leondiak so. Tehu besak ia, no Lamatuak Yesus koasa na, ami moke manseli, ma ami makaseti emi, fo ela emi boetai sanga enok seluk, nai basa dede'ak sila la dalek.

1 TESALONIKA 4:11

Sanga enok fo maso'da pe'daom, fo boso meu sese'do-babalik nai hataholi fe'ek dede'an dale. Ela leo bee na, emi tunga sanga emi so'da ma, sama na leo makahulu na, ami mafa'da basan neu emi so.

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

2 TESALONIKA 2:15

Hu ndia tolano-tolanoo ngala lemin! Mapadeik matetetu ma ho'u mahele nanolik fo, ami manoli emi kala, nau nai lelek fo ami tui-bengan neu emi, do nai susula makasososak fo, ami sulak fen neu emi a.

2 TESALONIKA 3:7

Emi nde bubuluk mae, emi muse maso'da sama leo ami. Nai lelek fo ami bei nai emi tala'da, ami ta pela-bale fa.

1 TIMOTIUS 5:21

Nai Manetualain, Kristus Yesus ma ata nusa so'da nanahele kala matan, au oke fo ela o tunga basa nanoli-nafa'dak ia la no boso neo hataholi esa boen, ma boso metematak.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

2 TIMOTIUS 3:5

Meten tunga ao paa ka soona, ala tao latetu agama nakanenete nala, tehu tunga ndo na, ala ta tao tunga agama nanoli huhuu na fa. Madook ao ina ma neme hataholi matak leo sila kala mai.

2 TIMOTIUS 4:1

Neukose Kristus Yesus, Ana fali seluk leo daebafak ia mai, fo naketu-nala'di hataholi maso'da kala ma hataholi mana mate kala; ma neukose Ana mai fo, Ana paleta leo Mane ka. Hu ndia de, au oke anseli neu o, nai Manetualain ma Kristus Yesus matan fo:

2 YOHANIS 1:10

Hu ndia de, metema hapu hataholi mai fo, ana ta tui-benga Kristus nanoli nala neu emi fa soona, boso mate'an ma boso sipok hataholi ndia leo emi umam neu.