2 TESALONIKA 3:4 - Susula Malalaok Hehelu Palak Ma Hehelu Beuk

⁴ Ma ami mamahele te'e-te'e, Lamatua ka nde tao na ami mamahele emi tao-no'i ma neukose emi tao-no'i makandoo, hata fo ami madenun neu emi a.

2 TESALONIKA 3:4 ပူးပေါင်းရင်းမြစ်များ

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

ROMA 15:14

Tolano-tolanoo ngala lemin! Au amahele, emi bei manuu dede'a malole ba'u ka. Emi boeo malelak basa-basan lala'ena, ma emi esa naoli esa boe.

ROMA 15:18

Au apalani kokolak ae leondia ka'da la'eneu hata fo Kristus taon tunga au soaneu hela-nole hataholi ta Yahudi la tunga Manetualain. Au tao dede'ak sila la ninik hala-kokola ka ma tatao-nono'ik,

ROMA 2:7

Manetualain fe maso'da matetu ka ma manaketu basa ta ka neu hataholi manatao-no'i lahele tatao-nono'i malole, fo ala hapu hata mandela-masa'ak ndia, ma matua-madema boema matea-mahele ka.

1 KORINTUS 14:37

Metema hapu hataholi name'da nana ndia nanuu baba'e-babatik soaneu nanduku-nalosak halak maneme Manetualai na mai, do nanuu baba'e-babati fe'ek neme Manetualain Dula Dale na mai soona, hataholi ndia muse name'da nae, hata fo au sulak ia nde bee na paleta neme Lamatua ka mai.

1 KORINTUS 7:19

Nana tunga suna ta nakanenete na, do ta tunga fan boeo, duas sosoa-ndandaan ta no'u-no'u. Fo paluu ka nde, tunga Manetualain paleta nala.

2 KORINTUS 2:3

Hu ndia de au sulak fe emi susulak ia. Au ta nau ne'i donge-dama emi fo emi makahehe'dik au, te see ko na emi nde muse tao mamahoko au. Nana au amahele, metema au amahoko soona, emi basa-basa mala mamahoko boe.

2 KORINTUS 2:9

Au sulak fe emi susulak ia no dudu'ak soaneu au fola emi, ade emi nau tunga mahele au natutu'du ngala do ta.

2 KORINTUS 8:22

Sama-sama no Titus ma tolanook ndia, ami boeo haitua tolanoo fe'ek esa. Ami soba fali-fali mon so, de nananitak ana nau tulu-fali tataas esa. Ma besak ia, lena-lenak ana nau tulu-fali emi, nanahu ana tao basa namahehenan neu emi.

GALATIA 5:10

Leomae leondiak boe, au ta amahele, neukose emi manuu dudu'a-aafi fe'ek fa, nana ita da'di esa too Kristus so. Ma au amahele, see mana tao tasibu emi dudu'a-aafi ma, neukose Manetualain ana hukun.

FILIPI 1:6

Manetualain nde mulai tatao-nono'i malole ndia, neu emi a, de au amahele, neukose Ana tao-no'i nakandoo tatao-nono'ik ndia, losa nakababasa kana nai Kristus Yesus Fai fafali ma'i na.

FILIPI 2:12

Hu ndia, tolano susue-lalai ngala lemin, sama na leo emi tunga mahele au, nai lelek fo au be'i o emi a, lena-lenak besak ia, nai lelek ita komododoon, ela leo bee na emi tunga mahele au. Manetualain soi-tefa nala emi so, hu ndia de sanga enok makandoo fo ela emi so'da ma, natetu-nandaa. Tao-no'i basa dede'ak sila la no ha'da-holomata, ma tunga neu Manetualain,

1 TESALONIKA 4:10

Nana emi matu'du basa susue-lalaik ndia neu emi tolanoom manai Makedonia la so. Tehu tolano-tolanoo ngala lemin, ami moke manseli, fo ela emi so'da ma, ana da'di malole seluk bai.

2 TESALONIKA 3:12

No Lamatuak Yesus koasa na, ami paleta hataholi sila la, ma ami fes nasanene'dak, fo ela laue-lale'di, soaneu ala tunga sanga aon, sila so'da na.

2 TESALONIKA 3:6

Tolano-tolanoo ngala lemin! No Lamatuak Yesus Kristus koasa na, ami moke neu emi, fo madook ao mala neme basa hataholi mana pela-bale kala mai, ma hataholi fo ala ta tunga nanolik fo ami manoli sala fa.

FILEMON 1:21

Au sulak susulak ia, nana au amahele, neukose tolanoo ka tao matetu hata fo au oke ka. Nakalenak bai, au bubuluk, neukose tolanoo ka tao lena neme ndia mai bai.