2 TESALONIKA 3:2 - Susula Malalaok Hehelu Palak Ma Hehelu Beuk

² Hule-haladoi boe, fo ela Manetualain po'i ami neme hataholi mangalau kala mai. Nana hataholi ba'u ka lamanene halak ndia, tehu ta basa hataholi sila la, lamahele fan.

2 TESALONIKA 3:2 ပူးပေါင်းရင်းမြစ်များ

MATEOS 17:17

Boema Yesus naen nae, “Emi ia anseli! Tete'e ka, nanoli doak emi ia, ma emi ta mamahele fa. Au muse leo-apalasa o emi losa fai hi'da, ma Au ta haelai amanasa soaneu emi? Mo ni'i ana ndia, leo ia mai!”

MATEOS 23:23

Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi ho'i ma bumbu dala dae, adas makeek, jintan baba'ek esa neme baba'ek sanahulu mai fo emi fen leo Manetualain neu. Te se'ko na dede'a mabeli ina la nai agama hoholo-lalane nala dalek, fo sama na leo: maketu-mala'di tunga ndo na, dale manasue-lai ka ma lilineka ka, emi ta taoafik neu fas. Te se'ko na dede'ak sila nde muse emi tao-noin no boso mafandele heni dede'a fe'e kala boe.

LUKAS 18:8

Mamahele leona! Te neukose no lai-laik, nasala'e dede'a nala! Tehu metema Ana Hataholi ka mai soona, ade bei natongo no hataholi fo namahele neun nai daebafak ia do ta?”

HATAHOLI 13:45

Lelek fo hataholi Yahudi la lita hataholi makadotok sila la boema, dale nala he'di lanseli. Lakamumulu-lakamamaek Paulus, ma ala la'ban ana kokolak dede'a kala.

HATAHOLI 13:50

Tehu hataholi Yahudi la dudungu-papau hataholi matua-madema manai kota ndia, hataholi matua-madema fo mana bii neu Manetualai na ina nala. Ala tao musu lo Paulus no Barnabas, de ala usiheni duas leme nusak ndia mai.

HATAHOLI 14:2

Tehu hataholi Yahudi kamahehele ta kala dudungu-papau hataholi ta Yahudi la, de nalosa lakamuu-lakadau hataholi fo lamahele neu Yesu sa.

HATAHOLI 17:5

Tehu hataholi Yahudi la lape'da dalek. Lalo la hataholi mada'baoek manai eno kala lain de lapadedeik hataholi mana tao tasi'bu la nakabubua na. Boema ala mulai tao tasi'bu nai basa kota ndia lala'ena. Leu sapu la hataholi kamahehelek esa na'de Yason uma na fo ala sanga Paulus no Silas, nana ala sanga lo duas leu lataa hataholi makadoto kala.

HATAHOLI 25:27

Nana tunga au dale nameme'da nga, ta nandaa ita haitua hataholi nanatahan esa, tehu ita ta tafa'da salak fo ala kalaa kana fa.”

HATAHOLI 28:24

Hapu nggelok lamahele hata fo Paulus nafa'dak sila la, tehu hapu nggelok ta nau lamaele fa.

ROMA 10:16

Tehu ta basa hataholi la sipok Hala Malole ndia fa. Nana Yesaya nafa'da nae, “Lamatuak, see ka nde namanene ami tutui-bebenga ma?”

ROMA 15:31

Hule-haladoi leona, fo ela Manetualain se'i-po'i au neme hataholi kamahehele tak manai Yudea la liman mai, ma fo ela au bela-ba'ung soaneu au uni tutulu-fafalik leo Yerusalem neu a, Manetualain hataholi kamahehelen manai Yerusalem mala, ala sipon no namahokok.

1 KORINTUS 15:32

Metema ndia tunga ka'da hataholi daebafa ka tai-dodoon mesa kana soona, au hapu nananalak hata soaneu sanga enok nono'ka bai de, au la'ban bana makaa kala nai kota Efesus ia? Metema memang hataholi manamate kala ta nanatao naso'da falik fa, naa, malole lenak ita tunga dede'a bini esa ia nae, “Mai fo ata ta'a-tinu, ma hika-setelee, nana balahaa te, neukose ita mate so.”

ULANGAN 32:20

Nafa'da nae, ‘Au ta tulu-fali sila so'on; nemen-na fo Au mete su'dik-kasa, neu mate'en-na, ala tao leo beek. Nana leoina sila-la, lalangabatu, ma ala ta lilineka makandondook fa

1 TESALONIKA 2:18

Ami dodoo mae, ami sanga meu donge-dama emi de au soba hain la'i esa do la'i dua so, tehu Nitu a napanggengge nahele ami.

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.