2 TESALONIKA 3:16 - Susula Malalaok Hehelu Palak Ma Hehelu Beuk

¹⁶ Lamatua ka nde bee na, ita oe mata so'da-mole na. Ela leo bee na, Ana fe so'da-molek neu emi, nai basa dede'ak lala'ena dalek. Ela leo bee na, Lamatua ka no emi basa-basa mala.

2 TESALONIKA 3:16 ပူးပေါင်းရင်းမြစ်များ

MAZMUR 29:11

Sa'di leo been-na, Manetualain fe anan-nala be'i-balakaik, ma Ana tao-nalas tetu-temak.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

MAZMUR 72:3

Ela leo been-na, ami nusam-ma tetu-temak ma so'da-molek, ma hapu ndoos ma matetuk ba'eneu leoina lala'ena.

MAZMUR 72:7

Ela leo been-na, ndoos ma matetuk-ka nakapela nai tepo lelen-na, ma tetu-temak-ka sasi kao-kao nai lelek bulak-ka bei nai lalai.

YESAYA 26:12

Manetualain, neukose O taom-ma ami, tetu-temak; basa hata lala'en fo ami tao-no'in, O nde tao-no'in ba'eneu ami.

YESAYA 45:7

Au nde akakadada'dik mangale'dok ma makahatuk, Au fe baba'e-papalak mai, ma soe-a mai. Au nde Manetualain, fo manatao basa sila-la.

YESAYA 54:10

Leomae letek-kala, ma pupukuk-kala langgengo, tehu neukose Au ta hahae sue-lai o fa. Neukose Au ho'u ahele, Au hehelu-balataa mole-dameng-nga,” Manetualain fo, manasue-lai o-a, nafa'da nae leondia.

YESAYA 66:12

Nana Manetualain nafa'da nae, “Neukose Au fe emi tetu-temak sama leo lee manafaak-ka; neukose leoinak-kala, leni su'i-beten leo o mai sama leo manalua ponu-ponuk-ka. Emi sama leo ni'iana fo, inan nasu'un ma ana ko'on boema ana kokosen nai ifan lain.

YESAYA 8:10

Tutu'u enok leona, tehu basa-basan neukose manada'di tak. Ho'i nakeketuk leona, tehu sosoa-ndandaan ta, nana Manetualain no ami.

HAGAI 2:9

Neukose Au Uma beung-nga lole-napun, lena heni makahulun-na, fo nai mamanak ia nde, neukose Au fe mole-dame ma su'i-betes neu Au leoina nga.” Manetualain Fo Manakoasa nde manakokolak-ka.

ZAKHARIA 6:13

Neukose, ndia nde nafofo'a falik Au Umang-nga ma ana sipo ha'da-holomata, sama leo manek esa, de neukose ana paleta laun-na. Neukose imam esa non, fo lalau-laoono leuesa no mole-dame.’

BILANGAN 6:26

Ela leo been-na, Manetualain sue-lai emi, ma Ana fe emi mole-dame.

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

LUKAS 2:14

“Koa-kio Manetualain, fo manai lalai mademaina! Ma nai daebafa ka poi na, mole-dame ba'eneu hataholi daebafak, fo mana tao lamahoko Manetualain dale na!”

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

ROMA 1:7

Hu ndia de, au sulak fe emi susulak ia. Ela leo bee na, ita Aman Manetualain ma Lamatuak Yesus Kristus, fe emi baba'e-papalak ma mole-dame.

ROMA 15:33

Ela leo been-na Manetualain, fo manafe mole-dame neu hataholi daebafa ka, no emi basa-basa mala. Amin.

ROMA 16:20

Manetualain fo manafe mole-dame neu hataholi daebafa ka, neukose Ana tao Nitu neu emi koasa ma dae, fo tao makalulutu kana. Ela leo bee na ita Lamatuan Yesus Kristus ba'e-pala emi tataas esa!

1 KORINTUS 14:33

Hu ka nde ita Manetualain nde bee na, Manetualain fo Ana hii ka'da mole-dame, te Ana ta hii tasi'bu a fa. Sama leo ana da'di nai basa Manetualain hataholi kamahehele nala,

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

EFESUS 6:23

Ela leo bee na Amak Manetualain, ma Lamatuak Yesus Kristus soi enok fe basa hataholi kamahehelek lala'e na, soaneu ala da'di esa ma lasue-lalai ao. Boema lamahele lahele Kristus.

1 TESALONIKA 3:11

Ela leo bee na, ita Aman Manetualain, ma ita Lamatuan Yesus, soi enok fe ami, fo ela ami hapu matongo mo emi!

1 TESALONIKA 5:23

Manetualain nde fe ita mole-dame ndia. Ela leo bee na, Ana tao na emi, te'e-te'e maso'da ka'da soaneu Ndia mesa kana. Ami hule-haladoi, fo ela leo bee na, nanea emi dale nakababale ma, dudu'a-aafim, ma emi tatao-nono'im, ta hapu sala-singok faa anak boen, nai faik fo ita Lamatuan Yesus Kristus fafali ma'i na.

2 TESALONIKA 3:18

Ela leo bee na, ita Lamatuan Yesus Kristus ba'e-pala emi basa-basa mala. Ha'da-holomata neme ami, Paulus

2 TIMOTIUS 4:22

Ela leo bee na, Lamatua ka nahele nai o boboa ma. Ela leo bee na, Lamatua ka fe baba'e-papalak neu tolanoo kala! Ha'da-holomata neme ami, Paulus

FILEMON 1:25

Ela leo bee na Lamatuak Yesus fe baba'e-papalak neu emi. Ha'da-holomata neme ami, Paulus

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

IBRANI 7:2

Boema Abraham fe Melkisedek baba'ek esa neme baba'ek sanahulu neu Melkisedek neme basa hata lala'en fo ana loso ninis neme musu dale mai. (Melkisedek na'de na, sosoa-ndandaa makasososa ka nae, “Mane Ndoos Matetuk”; ma hu ka nde Melkisedek ia manek neme Salem mai, soona na'dek ndia boeo sosoa-ndandaan nae, “Mane Mole-Dame”.)

HAKIM-HAKIM 6:24

Boema, nafofo'an-na, mei tunu-hotuk esa neu ndia, de ana foin na'de “Manetualain Oemata so'da-molek.” Mei tutunu-hohotuk ndia, bei nai Ofra, fo nde hataholi Abiezer-ra kotan-na.

RUT SUSULAN-NA 2:4

Dodoo boema, Boas neme Betlehem mai, de nate'a manaketu-kolu-la nae, “Sa'di leo been-na, Manetualain no emi.” Boema, manaketu-kolu-la lataa lae, “Sa'di leo been-na, Manetualain ba'e-pala Ama.”

SEMUEL SUSULAK-KA ESAN-NA 17:37

Manetualain soi-tefa-na atam-ma neme singa ma meoasu-a mai so, de Ndia boeo neukose soi-tefa-na atam-ma neme hataholi Filistin ndia mai.” Boema Saul nafa'dan nae, “Hei, sa'di leo been-na, Manetualain, tulu-fali o.”

SEMUEL SUSULAK-KA ESAN-NA 20:13

Metema nape'da dalek, fo ana tao soe o soona, tao leo bee-o, neukose au afa'da o boe, fo ela o maso'da. Sa'di leo been-na, Manetualain taonisa au, metema au ta tao atetu dede'ak ndia fa. Sa'di leo been-na, Manetualain, tulu-fali o, sama leo makahulun-na, Ana tulu-fali au amang boe!