2 TESALONIKA 3:10 - Susula Malalaok Hehelu Palak Ma Hehelu Beuk

¹⁰ Nai lelek fo ami bei nai emi tala'da, ami fe emi nakanenete ka nae, “Hataholi fo, ana ta nau naue-nale'di fa soona, ta bole na'a-ninu fa.”

2 TESALONIKA 3:10 ပူးပေါင်းရင်းမြစ်များ

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

AMSAL 13:4

Tou pelatua, dale hihiin ba'uk-ka, tehu ana ta hapu esa boen; tehu hataholi fo naue-nale'di puselaipana, ana hapu basa hata lala'en fo nahiik-kana.

AMSAL 20:4

Hataholi manatao tina-osi pelatua, ana sele-nggali tina-osin, ta la'e fain-na fa; mate'en-na, neu fai keketu-kokolun te, ana ta ketu-kolu fa.

AMSAL 21:25

Tou pelatua maisik fo, ana ta nau naue-nale'di fa; ana taonisa aoinan-na, nenik dale hihiin-na.

LUKAS 24:44

Basa ndia boema, Yesus nafa'das nae, “Dede'ak ia la nde Au afa'da basan neu emi, nai lelek Au bei sama-sama o emi a. Basa dede'ak fo nanasulak la'eneu Au nai Musa susula na, nai basa nabi la susula na, ma nai Mazmur susula na dale ka, muse ana da'di.”

YOHANIS 16:4

Tehu besakia, Au afa'da emi dede'ak ndia, fo metema neu fai makabuin, ana da'di soona, emi mafandele mae, Au afa'da basan neu emi so.” “Au ta afa'da dede'ak ia la neu emi neme makasososa na mai fa nana, Au bei sama-sama o emi.

HATAHOLI 20:18

Lelek ala losa, boema Paulus nafa'das nae, “Dodoo basa ia, tolanoo kala bubuluk basa au so'da nga leo beek, mulai neme fai makasososak fo au losa nusa Asia.

1 TESALONIKA 3:4

Nai lelek fo ami bei mo emi a, nakahuluk, ami mafa'da basa emi mae, neukose ita doidoso. Dede'ak ndia, memak tete'e ka ana da'di, de emi nde bubulu kana.

1 TESALONIKA 4:11

Sanga enok fo maso'da pe'daom, fo boso meu sese'do-babalik nai hataholi fe'ek dede'an dale. Ela leo bee na, emi tunga sanga emi so'da ma, sama na leo makahulu na, ami mafa'da basan neu emi so.

2 TESALONIKA 2:5

Mafandendelek te, au afa'da hai dede'ak sila la neu emi, ndek makahulu na, au bei sama-sama o emi a.