2 TESALONIKA 2:9 - Susula Malalaok Hehelu Palak Ma Hehelu Beuk

⁹ Neukose Hataholi Mangalauk ndia, ana mai no koasa matua ina esa, neme Nitu a mai. Neukose ana tao manda'di beu mata-mata kala, ma dede'a matua ina fo, henuk no ke'dindiu ka.

2 TESALONIKA 2:9 ပူးပေါင်းရင်းမြစ်များ

2TAWARIKH 18:20

Mate'en-na dula dalek esa to'da mai. Ana deka no Manetualain de nafa'da nae, ‘Neukose au nde fufu'di-oo'don-nana.’ Manetualain natane nae, Enon-na leobeek?

KELUARAN 7:22

Tehu, basa malela siula-tongonok Masir-ra, ala tao leondiak boe, nenik sila malela siula-tongonoon-na, nalosa manek-ka nalanga batu nahele. Sama leo hata fo Manetualain nafa'da basan so, nae manek-ka ta nau namanene Musa no Harun fa.

KELUARAN 8:18

Basa malela siula-tongonok-kala, ala sanga enok lenik sila malelan-nala, fo lakadada'dik nenik boe, tehu ta da'di fa. Nenik-kala nai basa mamanak lala'en-na,

KELUARAN 8:7

Tehu, basa malelak siula-tongonok-kala, pake sila malela-nala boe, de lo'donggelek-kala poka mai, nai nusak ndia.

YESAYA 29:10

Manetualain taon-na emi matam-ma nduak, fo sungu mamanee. Ana poti ketu basa nabi-la matan-nala, ma Ana babaa ketu basa mananitak-kala mata-panan.

YESKIAL 14:5

Basa sosongo-tatangok sila-la, ala tao-la Au anang-ngala, dook-ka leme Au mai, tehu sa'di leo been-na, no Au natataang ndia de, Au anang-ngala fali ma'is leo Au mai.’

MATEOS 12:22

Basa boema, hataholi la lo hataholi esa pokek ma hala tak, nana dula dale mangalau ka, koasa nan. Yesus tao nahai hataholi ndia, de nalosa ana hapu kokolak nalelak ma nita no malole.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

MATEOS 4:10

Boema Yesus nataa nitu nae, “Hei mana dudungu-papau ko nei! O la'o leona. Te nai Susula Malalok dale nanasulak nae, Makaluku-makatele neu Lamatuak fo o Manetualai ma, ma malalau-maoonon!”

MARKUS 13:22

Nana manafe so'dak masapepeko kala ma nabi pepeko kala neukose ala mai. Neukose ala tao tatao-nono'i matuaina la, ma manada'di beu kala fo ala ke'dindiu hataholi, fo metema da'di soona, ala ke'dindiu Manetualain hataholi kamahehele nala boe.

LUKAS 11:25

Lelek ana losa naa, te nita uma ndia balisi ma nanape'da fua matalololek so.

YOHANIS 4:48

Tehu Yesus nafa'da manapaleta, hataholi mana'a ngga'din ndia nae, “Leo uni ka o ta mita Au tao manda'di beuk fa soona, o ta mamahele fa.”

YOHANIS 8:41

Emi tao-no'i hata fo emi amam tao-no'i ka.” Tehu lataa Yesus lae, “Ana kanaek ta ami fa. Ami Amam ka'da esa, fo nde Manetualain mesa kana.”

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

HATAHOLI 13:10

boema nafa'dan nae, “Hei hataholi mana tipu-daik ma nanasoo-supa ko nei! O musu mo basa hata malole lala'ena. Tao le'e de o ta hahae tao malutu Manetualain dale tutu'un soaneu Ana soi-tefa hataholi daebafa ka fa?

2 KORINTUS 11:14

Ta dodoo doak sila tataon leondia ka fa, nana nitu boeo ana tao aoina na nalupa leo ata nusa so'da mangale'do ka boe!

2 KORINTUS 11:3

Tehu au bibii ka'da, emi dudu'a-aafim nanadudungu-papauk soaneu ta lilineka seluk neu Kristus sama na leo Hawa, fo makahulu na boeo nanadudungu-papauk neme menge a malela talimo'di na mai.

2 KORINTUS 4:4

Nitu lalais fo manakoasa daebafak ia, nde babaa ketu hataholi kamahehele tak sila la dudu'a-aafin. Ndia nde napanggengge sala, fo ela ala ta lita mangale'dok maneme Hala Malole la'eneu Kristus matua-mademan, fo nalupa Manetualain dula na.

EFESUS 2:2

Nai lelek ndia, emi tunga ha'da-tatao daebafak ia; fo dede'ak ndia sosoa na nae, emi tunga mana koasa lalai a no daebafa maloa, fo nde dula dalek fo besak ia, ala koasa la hataholi fo ta lamahele neu Manetualai na, dale nala.

2 TIMOTIUS 3:8

Sama na leo Yanes no Yambres, fo makahulu na ala lena-la'ban Musa, leondiak boe, hataholi sila la ala lena-la'ban Manetualain nanoli nala. Dudu'a-aafi nala nalutus, ma namahehele nala boeo, kou mosa so.

YAKOBIS 3:15

Manatee teno matak leondia ka, ana ta mai neme nusa so'da ka mai fa te, ana mai neme daebafa ka, neme nasa melu ka, ma neme nitu a mai!

NINITAK 12:17

Naga ndia namanasa nanseli neu inak ndia, nalosa neu sapu na inak ndia tititi-nonosi fe'e nala, fo nde basa hataholi manatunga Manetualain paleta nala, ma manafe sakasii la'eneu Yesus ma koasa na.

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.

NINITAK 18:23

Neukose hataholi ta nita seluk banuk pila nai kota ndia dalek fa; ma neukose ta tamanene feta ka'bi nga lame nai ndia so'on. O hataholi manadanga mala nde bee na hataholi nananita-nalelak nanseli nai daebafa ka, ma no o malela makahatu ma, de o ke'dindiu ma basa leoina manai daebafa ka lala'ena!”

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.

NINITAK 20:10

Basa boema Nitu fo manake'dindiu nalas ndia, ala tapan leo tasi ha'ik ma belerang dale neu. Bana ndia no nabi pepekok sila la ala tapa lakahulu kasa leo mamanak ndia neu. Neukose ala tao lalas doidoso lele'do le'odaen losa dodoo na.

NINITAK 9:11

Lanuu manek fo ana paletas, ma manek ndia nde ata nusa so'dak manamanea faka mamate sa. Na'de na nai dede'a Ibrani dalek soona, Abadon, ma nai dede'a Yunani dalek soona, Apolion, fo sosoa na nae, “Mana Tao Nakalulutuk”.