2 TESALONIKA 2:8 - Susula Malalaok Hehelu Palak Ma Hehelu Beuk

⁸ besa ka Hataholi Mangalauk ndia nananitak. Tehu metema Lamatuak Yesus mai soona, Ana taonisa Hataholi Mangalauk ndia, ninik ani hahae na. Ma neukose nanatao nakalulutuk ninik Lamatua ka mamai mandela-masa'a na.

2 TESALONIKA 2:8 ပူးပေါင်းရင်းမြစ်များ

2 SEMUEL 23:7

ta hapu hataholi esa boen, fo ana nau koila'en metema ana ta pake buas esa, taon neme aido besi mai. Ha'i-a na'a namopo hataholi sila-la.

AYUB 4:9

Nono'kabai, ani-sangu-a, leondiak boe Manetualain nasa-melun, tao namopo-namates, losa mopos!

MAZMUR 18:15

Ana kou, kou-kou isin-nala de Ana tao tapasasala musu-a; ndelas-sa, nandela tutui-nato, de ana tao-nas nalai.

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

YESAYA 30:28

Ana nadenu anin-na mai nakahuluk-kana, sama leo faa losa botoliik, de neni basa hata lala'en-na. Ana tao namate-namopo leoinak-kala, ma Ana taon-na hataholi mangalauk-ka, dale tutu'un-na ta da'di fa.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

DANIAL 7:26

Boema manakee-manafula nusa so'dak-ka neukose ala tao sidang, fo fe'a heni koasan-na ma tao lakalulutuk-kana losa mopo-maten.

DANIAL 8:25

Nanahu dudu'a-aafin talimo'dis, ma tipu-dain-nala neni buna-boak. Neukose ana koao-ndaeao, ma ana beita fe nakahuluk nasanene'dak fa te, neukose ana tao namopo-namate hataholi makadotok. Nakalenak napalani la'ban Manek Fo Matuaina. Tehu neukose nanatao nakalulutuk ta nenik hataholi daebafak be'i-balakain fa.

HOSEA 6:5

Hu ndia de, Au adenu Au nabing-ngala, fo landuku-lalosak Au nakeketung-nga neu emi, nae emi muse nanahukuk, ma nanatao namopo-namatek. Fo Au ahiik neme emi mai-a, mangale'dok so:

MATEOS 13:19

Bini-ngges fo mana tu'da nai enok lai na, nakasasama na leo hataholi fo namanene halak la'eneu Manetualain paleta tao leo beek, tehu ta nalela kana fa. Boema Nitu Mangalauk ndia, ana mai de, natona nini hata fo nanasele-nggali basak nai dale nala dalek so.

MATEOS 13:38

Tina ndia nde daebafak ia. Bini-ngges malole sila la nde hataholi fo, ana da'di Manetualain hataholi kamahehele nala. Boema fii sila la nde hataholi fo, ala lok nitu a.

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

MATEOS 16:28

Bubuluk leona! Te nai emi manai ia la dalek, hapu nggelok ta mate fa, metema ana beita nita Ana Hataholi ka fali ma'in da'dileo Mane ka.”

1 KORINTUS 1:28

Manetualain hele hata fo lafa'da lae, nai daeanak, nananakamumulu-nakamamaek, lena-lenak daebafa ka nafa'da nae, sosoa-ndandaan ta, fo ela Manetualain tao nakalulutuk hata fo daebafa ka nafa'da nae, paluu nanseli.

2 TESALONIKA 2:3

Leomae leo beek boeo, boso nau hataholi ke'di ndiu emi. Nana faik ndia beita losa fa te, hapu dede'ak de'u bee, ala da'di lakahuluk: Soona neukose hataholi ba'u ka fali deak fo, lalelesi Kristus; Boema Hataholi Mangalauk fo nananafa'da basak, tao leo bee o ana masok leo tasi ha'ik dale neu a, neukose ana to'da mai.

1 TIMOTIUS 6:14

Tunga basa paleta sila la no ndoos ma matetuk, losa faik fo ita Lamatuan Yesus Kristus fali ma'in.

2 TIMOTIUS 1:10

Boema besak ia, Manetualain natu'du susue-lalain ndia neu ita, ninik ita Mane Mana Fe So'da na fo Kristus Yesus mamai na. Yesus sengi mamate sa koasa na, de nini so'da mana ketu basa ta ka, tunga Hala Malole ndia.

2 TIMOTIUS 4:1

Neukose Kristus Yesus, Ana fali seluk leo daebafak ia mai, fo naketu-nala'di hataholi maso'da kala ma hataholi mana mate kala; ma neukose Ana mai fo, Ana paleta leo Mane ka. Hu ndia de, au oke anseli neu o, nai Manetualain ma Kristus Yesus matan fo:

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

TITUS 2:13

Besak ia, ita beitahani Faik fo ita tamahehenak ndia; Neu Faik ndia te, neukose daebafa ka nita Yesus Kristus matua-mademan, fo nde Manetualain fo Matua Madema, ma ita Mane Mana soi-mana tefa na.

IBRANI 10:27

Ela ka'da esa mesa-mesak-kana soaneu ita, fo nde tasasale matak to Manetualain naketu-nala'din, ma ha'i nasa-melu na, neukose ana hotuheni basa hataholi fo mana la'ba nana!

1 YOHANIS 2:13

Ama ngala lemin! Au sulak fe emi susulak ia, nana emi malelak Hataholi fo Ana da'di neme makasososan eli mai a so. Ana muli-solu ngala lemin! Au sulak fe emi susulak ia, nana emi sengi Hataholi Mangalau ka so.

1 YOHANIS 3:12

Ita boso sama leo Kaen fo ana da'di Nitu a anan de, ana taonisa tolano na. Hu beek de Kaen taonisa tolano na? Hu ka nde ana tao ka'da tatao-nono'i masala kala, tehu tolano na soona, ana tao ka'da tatao-nono'i ndo sa.

1 YOHANIS 5:18

Ita bubuluk boeo, basa Manetualai nana nala lala'ena, boso tao sala-singok lakandondoo henin, hu ka nde lamahena Manetualain nasulu-nahapas de Hataholi Mangalauk ndia ta taos le'e esa boen.

NINITAK 1:16

Lima kona ho'u nduuk hitu, ma tafaina matane kaduak esa kalua neme bafa na mai. Mata panan nahaa sama leo le'do nai le'dohana nees.

NINITAK 13:5

Bana ndia sipo hak fo koao-ndaeao de nalosa nakamumulu-nakamamaek Manetualain. Manetualain fen koasa bulak hahulu dua dale na.

NINITAK 19:15

Tafaina matane esa kalua neme bafa na mai, ma ninik tafaina ndia de neukose Ana sengi leoina la ma neukose Ana paletas ninik ai tete'e besi. Ana ka'bi ango la nai Manetualain Fo Mana Koasa kaka'bi angol nasa-melu na dalek.

NINITAK 2:16

Hu ndia de, tukatei-saledale meme emi sala-singo mala mai leona! Metema ta soona, ba'ihanak seluk fa bai te neukose Au mai neu emi, soaneu Au atati o hataholi sila la ninik tafaina manai Au bafa nga.

NINITAK 20:10

Basa boema Nitu fo manake'dindiu nalas ndia, ala tapan leo tasi ha'ik ma belerang dale neu. Bana ndia no nabi pepekok sila la ala tapa lakahulu kasa leo mamanak ndia neu. Neukose ala tao lalas doidoso lele'do le'odaen losa dodoo na.