2 TESALONIKA 2:16 - Susula Malalaok Hehelu Palak Ma Hehelu Beuk

^16-17 Ela leo bee na, ita Lamatuan Yesus Kristus ma ita Aman Manetualain, fe emi kokoe-nanasik, ma natetea-nahehele emi dale ma, fo ela emi hapu tao-no'i ma tui-benga hata fo malole. Hu ka nde Manetualain sue-lai ita, ma hu ka nde dale malole na de, Ana tao na ita tatea-tahele, boema ita tamahena ka'da hata fo malole.

2 TESALONIKA 2:16 ပူးပေါင်းရင်းမြစ်များ

MAZMUR 103:17

Tehu Manetualain sue-lai nahele hataholi kamahehelek-ka, ma dale malolen-na nakandoo, neme bobongik leo bobongik neu

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 51:11

Boema hataholi fo, Manetualain soi-po'ik-kala, neukose ala fali, ala masok Yerusalem, no ala eeki kao-kao, mata-panan-nala, lapena, nanahu lamahoko manaketu-basa taak-ka. Ala lamahoko-setelee, nanahu toto'a-tataak ma hoo-nggu'uk-ka, mopok-kana so.

YESAYA 61:7

Nanahu, emi hapu basa mamaek, diku la'i dua so, ma na'de manggenggeok-ka, boema nananakadadaek-ka, ana da'di emi baba'em so, hu ndia de, emi hapu pusaka didikuk la'i dua, nai emi nusam-ma ma emi manuu namahoko manaketu basa taak-ka.

LUKAS 16:25

Tehu Abraham nataa nae, ‘Mafandendelek ana ngonei: nai o fai maso'da ma dalek, o hapu basa hata fo malole lala'ena so, tehu Lasarus hapu basa hata ta malole lala'ena. Besak ia namahoko nai ia, ma o doidoso nai naa.

YOHANIS 13:1

Bei ela ka'da faik esa bai soona, besa ka Fai Matua Paskah losa, tehu Yesus bubuluk basa, fai na losa soaneu Ana la'oela daebafak ia, fo Ana fali ne'un leo Aman neu. Ana sue-lai Ndia hataholin manai daebafa ka. Ana sue-lai naheles, losa mate'e na.

YOHANIS 15:13

Hataholi manasue-lai tolanoo nala ba'u ka, nde hataholi fo ana feheni so'da na soaneu tolanoon sila la.

YOHANIS 15:9

Sama na leo Ama ka sue-lai Au, leondiak boe Au sue-lai emi. Ela leo bee na, emi maso'da mahele da'dileo hataholi fo Au sue-lai kala.

YOHANIS 16:22

Emi boeo leondiak: Besak ia emi dale ma he'di sa, tehu metema Au atongo seluk o emi soona, emi mamahoko-setelee, fo ta hapu hataholi esa boen, hapu ho'i na namahoko-seteleek ndia neme emi dalem dale mai so'on.

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”

HATAHOLI 15:11

Dede'a nasafali na, ita tamahele de ita hapu maso'da ka, hu ka nde Lamatuak Yesus susue-lalain; hataholi sila la leondiak boe.”

HATAHOLI 18:27

Basa boema Apolos dodoo nae, sanga neu leo Akhaya neu. Boema hataholi kamahehelek manai Efesu sala sulak fe tolanoo kamahehelek manai Akhaya la susulak fo ala sipok Apolos. De lelek fo Apolos losa Akhaya boema, tutulu-fafalin nananitak masosoa-ndandaak ba'eneu hataholi fo hu ka nde Manetualain susue-lalain de lamahele Yesus so.

ROMA 1:7

Hu ndia de, au sulak fe emi susulak ia. Ela leo bee na, ita Aman Manetualain ma Lamatuak Yesus Kristus, fe emi baba'e-papalak ma mole-dame.

ROMA 4:16

Da'di, Manetualain hala hehelun ndia, tunga ka'da namahehelek neu Manetualai na. Dede'ak ndia ana da'di bua pepe'dak esa soaneu basa Abraham tititi-nonosi nala nae, Manetualain fe hiik hala-hehelun ndia neu sila; ta ka'da neu sila fo manatunga agama Yahudi hoholo-lalanen mesa kana fa, tehu neu sila fo lamahele neu Manetualain sama leo Abraham namahele Manetualain boe. Nana Abraham nde bee na, ita basa-basa tala ama salanin ndia.

ROMA 4:4

Hataholi manamaue-maosa ka, ana sipo ngga'di; tehu ana ta sipo hiik ngga'din ndia fa, nana hataholi ndia hak ndia.

ROMA 5:8

Tehu Manetualain natu'du susue-lalain neu ita, nai lelek fo ita bei hataholi masala-masingo ka, nai leek ndia, Kristus mate soaneu ita.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

EFESUS 5:25

Saotou ka sue-lai saoina na, sama leo Kristus sue-lai hataholi kamahehele kala, boema Ana fe heni ao ina na, soaneu hataholi kamahehelek sila la.

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

KOLOSE 1:5

Emi mamahele ma emi sue-lai, nanahu emi mamahena Manetualain sadia fe emi hata esa nai nusa so'da ka. Emi mamanene basa dede'ak ndia, ndek ala tui-benga Hala Malole ndo sa neu emi a.

1 TESALONIKA 3:11

Ela leo bee na, ita Aman Manetualain, ma ita Lamatuan Yesus, soi enok fe ami, fo ela ami hapu matongo mo emi!

2 TESALONIKA 2:13

Tolano-tolanook fo Lamatua ka sue-lai ka lemin! Ami muse moke makasi makandoo neu Manetualain soaneu emi, nana neme makasososa na mai, Manetualain hele basa emi, fo Ana soi-tefa na emi. Dede'ak ndia ana da'di neme hata fo, Manetualain Dula Dale na tao-no'in neu emi, fo Ana tao emi da'di Manetualain hataholi kamahehelen fo malalaok, ma hu ka nde emi mamahele hala ndoos, fo maneme Manetualai na mai.

TITUS 1:2

Nanolik ndia nae, hu no namahehena ka de, neukose ita hapu so'da matetu ka, ma mana ketu basa ta ka. Manetualain helu basa so'dak ndia ndek daebafa ka beita da'di fa Manetualain ta nasapepeko-nasandandali fa.

TITUS 2:13

Besak ia, ita beitahani Faik fo ita tamahehenak ndia; Neu Faik ndia te, neukose daebafa ka nita Yesus Kristus matua-mademan, fo nde Manetualain fo Matua Madema, ma ita Mane Mana soi-mana tefa na.

IBRANI 7:19

Agama Yahudi hoholo-lalanen, ta hapu tao na basa hata esa boen, da'di matetu-mandaak fa. Hu ndia de besak ia, namahenak esa nanafek neu ita, fo malole na lena; no enok ndia, fo ita hapu deka to Manetualain.

1 YOHANIS 3:16

No enok ndia de, besak ia ita bubuluk eno nasue-nalai ao ka nde: Kristus fe heni so'da na soaneu ita. Hu ndia de, ita muse fe heni ita so'da na soaneu ita tolano nala boe.

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

NINITAK 22:5

Neukose ala ta paluu banuk do le'do haa na fa, nana le'odaek ta so, ma Amak Manetualain mesa kana nde nasala nalas. Neukose ala paleta da'dileo mane ka losa dodoo na.

NINITAK 3:9

Taoafik leona! Hataholi fo ana da'di manasene-do'ok nakabubua no Nitu a lima ein ndia, fo nde masapepeko-masandandalik fo ala manaku aoina na Yahudi, te se'ko na ta. Neukose Au tao alas mai sene-do'ok nai emi matam fo ela sila boeo bubuluk lae, Au sue-lai emi.