2 TESALONIKA 1:8 - Susula Malalaok Hehelu Palak Ma Hehelu Beuk

⁸ nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

2 TESALONIKA 1:8 ပူးပေါင်းရင်းမြစ်များ

KEJADIAN 3:24

Basa boema, nai osi ndia boboan dulu, fo nai lelesu leo dalek neu-a, Manetualain pe'da kerub-kerub, lai ndia, ma tafaina esa, isin-na pila lo'a-lo'a, ana puta leo basa mamanak lala'en-na neu, fo nanea enok leo ai manafe maso'dak ndia neu. No enok ndia, ta hapu hataholi esa boen, bisa neu leo dalek neu, fo ana deka no ai ndia.

2 SEMUEL 23:7

ta hapu hataholi esa boen, fo ana nau koila'en metema ana ta pake buas esa, taon neme aido besi mai. Ha'i-a na'a namopo hataholi sila-la.

MAZMUR 18:44

O soi-po'i au neme teidalek malelesik-kala mai, ma O tao au da'di manakoasa neu leoina-la; leoina fo au ta alelak-kana fa, ana da'di au atang.

MAZMUR 79:6

Po'a O nasa-melum neu leoina-la fo ta lalelak O fa, ma neu nusa-nusak fo, ala ta lilineka ma fe ha'da-holomata neu O fa.

MAZMUR 9:10

Manetualain ndia, mamana nasulu-nahapak, ba'eneu hataholi nanatuni-ndenik-ka, mamana hahaeaok, nai fai toto'a-tataak-ka dalek.

MAZMUR 94:1

Ou Manetualain, O nde Manetualain fo manabalas matu'du O babalam-ma, ou Manetualain.

KELUARAN 5:2

Manek-ka natane nae, “See Manetualain ndia? Tao le'e de, au muse taoafik neun, fo au po'i leoina Israel-la la'o? Au ta alelak Manetualain ndia fa, de au ta po'i leoina Israel-la la'o fa.”

YESAYA 1:19

Metema, emi nau tunga Au soona, neukose emi hapu basa hata malole manai emi nusam-ma.

YESAYA 1:28

Tehu hataholi masala-masingok fo manalena-la'ban Ndia paletan-na, neukose Ana tao namopo-namates, ma basa manala'o ela Manetualain-na, neukose Ana tao namopo-namates.

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YESAYA 61:2

Ana nadenu au, fo au tui-benga ae Manetualain fai soi-tefan-na, ana deka so; soaneu kokoe-nanasi basa manadale he'dik-kala, ma balas sila musun-nala;

YEREMIA 10:25

Po'a-ngganga O nasam-ma neu leoina fo ta nalelak O fa ma ta nau lakaluku-lakatele neu O fa. Nana sila tao lamate-lamopo O anam-mala makandondook ma ala tao lakalulutuk ami nusam-ma.

DANIAL 7:10

ma ha'i-a nasalolo'de neme kandela manek ndia mai. Hataholi lifu-lifun lalalau-laoonon, ma hataholi duta-duta lapadeik lai matan-na. Basa boema, mulai buka sidang nakeketuk-ka, ma susulak-kala nanabukak.

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MATEOS 25:46

Soona neukose hataholi sila la nanahukuk ninik huhuku mana ketu basa ta ka, tehu hataholi mana tao tunga Manetualain hihii-nanau na, neukose ala hapu maso'da matetu ka, ma mana ketu basa ta ka.”

YOHANIS 3:19

Ala kalaa kana nanahu dede'a ka nde ia: Mangale'dok ndia, ana mai leo daebafa ka mai so, tehu hataholi daebafa ka hii ka'da makahatu ka, te ana ta nau mangale'do ka fa, hu ka nde tatao-nono'i nala, mangalauk.

YOHANIS 8:19

Boema hataholi Farisi la latane Yesus lae, “Te O Amam ndia nai bee?” Tuti ka Yesus nataa nae, “Emi ta malelak Au o Au Amang fa. Leo uni ka emi malelak Au soona, tao leo bee o emi malelak Au Amang boe.”

HATAHOLI 6:7

No enok ndia, Manetualain dede'a-kokolan boetai namaloa ka, ma hataholi mana tunga Yesus manai Yerusalem-mala boetai lamba'u ka. Ma imam ba'u ka lamahele Yesus.

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

ROMA 1:5

Manetualain fe au baba'e-babatik, fo au da'di Lamatua ka ana manatungan, fo ela au alalau-aoono Kristus ma hela-nole basa hataholi lala'ena, fo ela lamahele ma ala tunga.

ROMA 10:16

Tehu ta basa hataholi la sipok Hala Malole ndia fa. Nana Yesaya nafa'da nae, “Lamatuak, see ka nde namanene ami tutui-bebenga ma?”

ROMA 15:18

Au apalani kokolak ae leondia ka'da la'eneu hata fo Kristus taon tunga au soaneu hela-nole hataholi ta Yahudi la tunga Manetualain. Au tao dede'ak sila la ninik hala-kokola ka ma tatao-nono'ik,

ROMA 16:26

Tehu besak ia, no Manetualain paleta matea-mahele na, de dale tutu'uk ndia nananatu'duk ma nanatui-bengak neu basa leoina lala'ena, tunga nabi la susula lii na, fo ela sila basa-basas lamahele ma ala tunga Manetualain.

ROMA 6:16

Emi bubuluk basa, metema hataholi esa paleta emi tunga hataholi ndia dale hihii na soona, emi da'di ata neu hataholi ndia so, ta bubuluk emi da'di sala-singo ka atan fo no emi leo mamate sa dalek meu, do emi da'di ata fo tunga Manetualain, fo no enok ndia, emi malole falik mo Manetualain.

1 KORINTUS 15:34

Besak ia, mame'dak leona, fo boso boe tao sala-singok bai. Ndandaa na emi muse bii-mae, nana nai emi dalek, hapu nggelok beita lalelak Manetualain fa.

2 KORINTUS 10:5

ma tao makalulutuk kota musu koao-ndaeaok fo lafofo'a soaneu la'ban malelak la'eneu Manetualai na. Ami tahan hataholi la dudu'a-aafin, ma ami tao malas lakatele leu Kristus.

GALATIA 3:1

Tolano-tolanook hataholi kamahehelek manai kota Galatia la lemin! Emi nggoa ma seli! Ta bubuluk see ka nde dudungu-papau nala emi so? Kristus mamaten nai ai nggangek lai na, au tui mangalele'don neu emi so!

GALATIA 4:8

Makahulu na, emi ta malelak Manetualain fa, hu ndia de emi da'di ata neme koasa fo lafa'da lae lamatuak, tehu tunga ndo na, Manetualain ta nde ndia fa.

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.

ULANGAN 4:11

Tui emi anam-mala, tao leo beek de emi mai de emi mapadeik nai letek ia huun-na, letek fo ha'imasu makahatuk-ka poti-nan sama leo ko'as makateina, ma ha'in-na pila losa leo lalai neu.

ULANGAN 4:30

Metema, basa soe sila-la tuni-ndeni-la emi, ma emi nai toto'a-sosotak-ka dalek, soona neukose emi fali ma'im-ma, leo emi Manetualaim-ma mai, fo emi tungan.

ULANGAN 5:5

Tehu, hu kande emi bii ha'i, ma emi ta mapalani kae leo letek ndia lain meu fa, de nai lelek ndia, au apadeik nai emi ma Manetualain tala'da, fo au anduku-alosak Manetualain hala-kokolan ndia neu emi. Manetualain po'a-benga nae,

1 TESALONIKA 4:5

Boso tunga ka'da emi dale hihii ma, fo makaseti saoina ma tunga ka'da emi nasa sasaok mana masuu ma, nana hataholi fo ta nalalelak Manetualai na, tatao-nono'in leondiak.

IBRANI 10:27

Ela ka'da esa mesa-mesak-kana soaneu ita, fo nde tasasale matak to Manetualain naketu-nala'din, ma ha'i nasa-melu na, neukose ana hotuheni basa hataholi fo mana la'ba nana!

IBRANI 10:30

Ita bubuluk, see Ndia fo nafa'da nae, “Neukose Au balas! Neukose Au huku!” ma mana mafa'dak nae, “Neukose Manetualain naketu-nala'di hataholi kamahehele nala.”

IBRANI 11:8

Hu ka nde namahehele ka, de Abraham tunga Manetualain paleta na, nai lelek Manetualain nalon ma nadenun neu leo nusak fo Manetualain helu neu na. Boema Abraham la'o no ana ta bubuluk neukose neu leo bee neu fa.

IBRANI 12:29

Nana ita Manetualain ndia, sama leo ha'i fo manahotu naputu ka.

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

IBRANI 5:9

Hu ndia de, nananakadada'di basak da'di mana soi-tefa fo matetu-mandaak, boema Ana da'di oe mata so'da molek fo mana ketu basa ta ka, ba'eneu hataholi fo mana makatele neun nana,

1 PETRUS 3:6

Sara leondiak boe. Ana tunga Abraham paleta na, ma noken soona nae, ndia malanga na. Besak ia, tolanoo kala nde bee na Sara anan, metema emi tao-no'i dede'a malole, ma emi ta bii-mamata'u neu hata esa boen.

1 PETRUS 4:17

Fai na losa, soaneu Manetualain naketu-nala'di daebafa ka so. De neukose Manetualain hataholi kamahehele nala nde, nananaketu-nala'di nakahulu ka. Naa, metema Manetualain mulai naketu-nala'di losa ita soona, neukose da'di tao leo beek neu hataholi fo, ala ta lamahele Manetualain Hala Malolen ndia fa?

2 PETRUS 3:7

Tehu no Manetualain hala-kokolan ndia boe de, lalai no daebafak besak ia nananakaboboik, soaneu fai makabui na, nanahotu henik ninik ha'i nai Fai Naketu-nala'di ka sama-sama no hataholi mangalau kala.

YUDAS 1:7

Tao leo bee o, emi boeo bubuluk la'eneu kota Sodom no Gamora ma kota titia-tatai nala boe. Kota sila lau nala tatao-nono'in sama leo ata nusa so'dak sila la boe. Ala sosoa-piao, ma ala tao tatao-nono'i mangalauk, nalosa ala doidoso ninik ha'i mana ketu basa ta ka, fo ela ana da'di nasanene'dak neu basa hataholi a.

NINITAK 20:10

Basa boema Nitu fo manake'dindiu nalas ndia, ala tapan leo tasi ha'ik ma belerang dale neu. Bana ndia no nabi pepekok sila la ala tapa lakahulu kasa leo mamanak ndia neu. Neukose ala tao lalas doidoso lele'do le'odaen losa dodoo na.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 6:10

Samanek sila la nggasi lapane'e lae, “Ou Lamatuak Fo Mana Koasa, O Malalaok ma Ndoos! Bei doobee seluk bai fo besa ka O maketu-mala'di laun manai daebafa ka fo hukus nanahu ala taolisa ami so?”

SEMUEL SUSULAK-KA ESAN-NA 2:12

Eli anan-nala tatao-nono'in mangalaun nanseli. Ala ta lamanene Manetualain fa,