2 SEMUEL 8:6 - Susula Malalaok Hehelu Palak Ma Hehelu Beuk

⁶ Basa boema, Dauk napadedeik solda'du-la lalaa ofun-nala nai hataholi sila nusan dale, de lakatele neu Dauk, boema ala bae bea leo Dauk neu. Manetualain fe Dauk sengi, su'di nai mamanak bee fo natee-nata'ti.

2 SEMUEL 8:6 ပူးပေါင်းရင်းမြစ်များ

2 SEMUEL 10:19

Lelek Hadadezer koasa-na basa manek-kala lita solda'du Israel-la sengi sila so boema, loke dame, de lakatele neu Israel. Mulai neme ndia mai boema, hataholi Siria-la ta lapalani tulu-fali hataholi Amon-nala so'on.

2 SEMUEL 3:18

Nah, emi fai loam ndia, ana losa nde ia so. Mafandendelek te, Manetualain helu basa neu Dauk, nae neukose Ana pake Dauk, soaneu soi-tefa Anan Israel neme hataholi Filistin-nala mai, ma neme basa musu fe'e-fe'en-nala mai.”

2 SEMUEL 5:10

Dauk boetai natea-nahele nanahu, Manetualain Fo Manakoasa tulu-falin.

2 SEMUEL 7:9

O muu su'di leo bee muu boe, Au sama-sama o o so, ma Au taoisa la'iesak o musum-mala, nai lelek o matee-mata'ti. Neukose, Au tao o da'di nananita-nalelak, sama leo mauli-malanga matuaina nanseli, nai daebafak-ka.

2 SEMUEL 8:14

Napadedeik solda'du-la uma ofun-nala, nai basa Edom lala'en-na, boema hataholi Edom sila-la, lakatele neu Dauk. Manetualain fe Dauk sengi nai su'di mamanak bee fo, natee-nata'ti.

2 SEMUEL 8:2

Dauk sengi hataholi Moab-pala boe. Nadenus fo langape'uk lakandondoo leu dae lain, boema, metema hapu hataholi telu nai mamanak esa soona, ana taonisa hataholi dua. Da'di, hataholi Moab-pala lakatele neu Dauk, de ala bae bea leo Dauk neu.

2 SEMUEL 8:7

Dauk loso-na, Hadadezer solda'dun-nala pake babaa fana lilopilas-sala, de nenis leo Yerusalem neu.

1RAJA-RAJA 4:21

Basa teidalek-kala lanuu osi angol ma osi ai kaak. Nai Salomo fai maso'da na, laun manai Yehuda ma Israel-lala'en-na, neme kota Dan-na losa kota Bersyeba laso'da nee nee-lino linok boema tetu-temak. Nana, basa manek manai lee Efrat-a boboan muli, lakatele neun, ma basa leoina maleme nusaina manai nusan-na boboa kaisun, tao tiak loon. Dae manai Lee Efrat-a boboan muli, fo mulai neme Tifsah, nakandoo leo muli neu, fo leo kota Gasa nai Filistin losa Masir dae too na, Salomo koasa basan lala'en-na. Leoina manai nusak ndia, lakatele neun ma ala fe kefek. Nana'ak fo Salomo paken tunga faik nde been-na ha'desopu lutuk kilo lifun lima, ma ha'desopu selak kilo lifun sanahulu, sapi nakaboboik sanahulu, sapi nana po'ilotak duahulu, ma bi'ilopo natun esa. Fe'ek neme ndia mai boe, nusa mata-matak-kala manupui mata-matak-kala.

2RAJA-RAJA 1:1

Mate basa Ahab, fo mane Israel-la boema, nusa Moab-pa, ta nau tunga paleta so'on, de ala la'ban Israel.

2RAJA-RAJA 14:28

Tutui fe'ek la'eneu Mane Yerobeam 2, la'eneu palani ta'ti batun-na nai natee-natatik-kala dalek, ma tao leo beek de, ana natona-na falik Damsyik, ma Hamat neme Yehuda mai, soaneu Israel-la, basa-basan nanasulak nai Mane-manek Israel-la susula Tutuin dale.

2RAJA-RAJA 18:7

Hu ndia de, Manetualain tulu-fali nahelen, nalosa ana hapu buna-boak nai basa ue-osan lala'en-na dalek. Ana ta nau tunga mane Asyur-ra paletan-na, ma ana ta nau nakatele neu fan.

2RAJA-RAJA 3:4

Mane Mesa neme Moab mai, nakaboboi bi'ilopo. Tunga teuk, ana fe bea leo mane Israel-la, bi'ilopo ana natun esa 100.000, ma bi'ilopo mane natun esa 100.000 bulun-na boe.

1 TAWARIKH 18:13

boema napadedeik solda'du la uma ofun-na la nai Edom lala'en-na. Boema hataholi Edom mala lakatele neu Manek Dauk ka. Manetualain fe sesengik neu Dauk nai su'di bee boe fo anan-natee-natati.

2TAWARIKH 17:2

Ana pe'da solda'du neu basa kota-kota fo lanuu kota musu manai Yehuda, ma nai mamanak manai kota Yehuda deak, boema nai aman loso-na kota-kota manai nusak Efraim-ma.

MAZMUR 140:7

Ou Manetualain, au afa'da ae, Au Manetualaing-nga nde O, de taoafik neu au dokodoeng-nga leona.

MAZMUR 60:10

Tehu Moab nde been-na, Au mamana sasafe eing-nga; Au koak kokoa sesengik neu Filistea. Au tapa Au ta'bueing-nga neu Edom, da'di leo ta'du-tana nae Au nuung ndia.”

AMSAL 21:31

Leomae, sadia ndala musu soaneu natee-natatik-ka boeo, manamaketu sesengik-ka nde been-na, Manetualain dei.

SEMUEL SUSULAK-KA ESAN-NA 13:3

Basa boema, Yonatan taonisa Filistin malanga solda'du matuainan manai Geba, de leoina Filistin-na lamanene la'eneu manada'dik ndia. Boema Saul nadenu hataholi-la puu pupuuk-ka nai nusak-ka lala'en-na, fo laloo hataholi Ibrani-la, fo ala tutulumatak soaneu latee-lata'ti.

SEMUEL SUSULAK-KA ESAN-NA 14:1

Nai faik esa boema, Yonatan nafa'da touanak manaho'u tee-tafa-na nae, “Aiou, mai teu leo hataholi Filistin-nala uma nanea-na nai selik eli!” Tehu ana la'o deak aman.

SEMUEL SUSULAK-KA ESAN-NA 14:15

Manada'dik ndia taon-na hataholi Filistin manai mamana ofuk-ka ma manai mook-kala, dele. Basa laun Filistin lala'en-na loo manamanea manai uma naneak-kala, boema nakodaa-la bii; lena-lenak daebafak-ka dele, ma nakalupu matuaina da'di.

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”