2 SEMUEL 7:8 - Susula Malalaok Hehelu Palak Ma Hehelu Beuk

⁸ Hu ndia de, Natan, muu mafa'da Au atang Dauk, mae Au, Manetualain Fo Manakoasa, nafa'da nae, ‘Au hele basa o, neme o ue-le'dim fo manafoo bi'ilopo neme mook-ka, de Au so'u o, da'di manek neu Au anang Israel.

2 SEMUEL 7:8 ပူးပေါင်းရင်းမြစ်များ

2 SEMUEL 12:7

Boema, Natan nafa'da Dauk nae, “Ama Manek nde hataholi ndia! De Manetualain Manakoasa, fo Israel Manetualain-na, nafa'dak-ka nde ia nae, ‘Au so'u basa o da'di manek neu Israel, ma Au soi-po'i o neme Saul mai so.

2 SEMUEL 14:13

Boema inak ndia nae, “No au Ama Maneng kokolan ndia de, au Ama Maneng manaku basa nae, au Ama Maneng nde nasala, nanahu au Ama Maneng ta nau fe au Ama Maneng anamanen-na loak, fo ana fali ma'in fa. Tao le'e de, au Ama Maneng tao salak leondiak-ka, soaneu Manetualain anan-nala?

2 SEMUEL 23:1

Isai anan Dauk, nanahelek da'di manek, de Yakob Manetualain-na, Ana taon da'di hataholi matua. Dauk boeo nde tao fe Israel nakameek. Dauk hala-kokola mate'en-nala nde ia:

2 SEMUEL 24:17

Dauk nita ata nusa so'dak fo manataonisa laun-na ndia, boema nafa'da Manetualain nae, “Au nde asala-asingo, nana au nde tao sala-singok ndia. Tehu leoina manahapu soe ndia, sala beek? Huku au ma au teidaleng-ngala!”

2 SEMUEL 5:2

Neme makahulun eli mai, nakalenak nai lelek Saul bei paleta ami-a, metema solda'du Israel-la leu latee-lata'ti soona, Ama Manek nde nauli-nalangas boe, bai te Manetualain helu basa neu Ama Manek, nae Ama Manek nde neukose nauli-nalanga anan-nala, ma da'di sila manen-na.”

2 SEMUEL 6:21

Boema, Dauk nataa nae, “Au foti-longe, fo au fe ha'da-holomata neu Manetualain, fo manatipa heni o amam no teidalen-nala, boema Ana hele au da'di mauli-malangan neu Israel, fo anan-nala. Hu ndia de, neukose au foti-longe akandoo, fo au fe ha'da-holomata neu Manetualain.

1RAJA-RAJA 3:6

Salomo nataa nae, “Manetualain, O matu'du basa mae O sue-lai man seli neu au amang Dauk fo O atam ndia. Au amang ndia malole, ana tao tunga ndoon-na boema ana lilineka neu O. Ma da'dileo buti esa nae losa nakandondoohenin, O sue-lai mahelen, ma O fen ana touk esa fo besak ia ana paleta nggatin.

1 TAWARIKH 17:7

Hu ndia de, Natan, muu mafa'da Au atang Dauk mae Au, Manetualain Fo Manakoasa, afa'dan ae, ‘Au ho'i basa o neme o tatao-nono'im da'di leo manafoo bi'ilopo nai mook ka, de Au tao o da'di manek neu Au anang Israel so.

1 TAWARIKH 21:17

Dauk hule-haladoi nae, “Ou Manetualain, au nde asala. Au nde adenu sulak laun na dede'u na. Leoina ia salan ta makandondook! Ou Amak, fo au Manetualaing nga, huku au ma au teidaleng ngala, tehu madook soe ia neme O ana mala mai.”

AMOS 7:15

Tehu Manetualain naloo au neme au tatao-nono'ing dalek mai, de nadenu au anduku-alosak hala hehelun-na neu hataholi Israel-la.

HATAHOLI 7:46

Dauk nandaa no Manetualain dale na, de Dauk noke Manetualain fo ela Ana nau Dauk tao na uma esa soaneu Manetualain fo Yakob sene-do'ok ndia.

SEMUEL SUSULAK-KA ESAN-NA 10:1

Basa boema, Semuel ho'i-na kete mina setun-na, de ana po'a mina ndia neu Saul langan lain, ma ana de'in, boema nafa'da nae, “Manetualain ndo ei basa o da'di manek neu Ndia anan Israel so. Neukose o paleta anan-nala, ma masulu-mahapas leme musun-nala mai. Ta'du-tanan nde ia, nae Manetualain hele basa o da'di manek neu anan-nala:

SEMUEL SUSULAK-KA ESAN-NA 2:8

Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.

SEMUEL SUSULAK-KA ESAN-NA 9:16

“Balahaa fafaik, fafa'kama li'u ba'u ia, neukose Au adenu hataholi esa neme leo Benyamin-na mai, neu natongo no o. So'u hataholi ndia, nenik lose mina neun, fo ana da'di manek neu Au anang Israel. Neukose ana soi-tefa-na Au anang-ngala leme hataholi Filistin-nala mai. Au ita basa Au anang-ngala doi-doson ma kikii-makaleleun loke tutulu-fafalik so.”