2 SEMUEL 7:23 - Susula Malalaok Hehelu Palak Ma Hehelu Beuk

²³ Nai basa daebafak ia lala'en-na, ta hapu leoina sama leo Israel fa. Ka'da Israel mesa-mesak-kana, nde leoina fo O soi-po'in neme tuni-ndenik-ka dalek mai, fo ana da'di O ana mesam. O tao fes basa tatao-nono'i matuaina, ma manada'di beuk lala'en-na, fo taon-na O na'dem-ma nanakoa-nanakiok nai basa daebafak-ka lala'en-na. O usi heni leoina fe'ek-kala, loo sila lamatua daebafan-nala, nai lelek O anam-mala leu latee-lata'ti.

2 SEMUEL 7:23 ပူးပေါင်းရင်းမြစ်များ

2 SEMUEL 7:24

O tao leoina Israel-la, da'di O ana mesam, losa dodoon-na, ma O, ou Manetualain, O da'di sila Manetualain so.

1 TAWARIKH 17:21

Nai basa daebafak ka lala'ena, ta hapu nggileo-bobongik sama leo Israel fa. Israel nde bee na nggileo-bobongik esa mesa-mesa kana fo O soi-po'in neme da'di ata mai, soaneu da'di O ana mesa ma. Basa tatao-nono'i matuaina ma manada'di beuk fo O taon ba'eneus, ana tao na O na'de ma nananita-nalelak nai basa daebafak ka lala'ena. O soi-po'i O anam mala leme Masir mai, ma O si'uheni nggileo-bobongik fe'ek kala nai lelek O anam mala tutulumatak fo latee-latati.

NEHEMIA 1:10

Manetualain, ami ia O atam-mala, O ana mesam, fo O soi-tefa basan nenik O koasam-ma, ma O bei-bakai matuainam-ma.

MAZMUR 106:22

Tete'ek-ka, tatao-nono'in nai nusak ndia, anseli nanseli, Ana tao manada'di beuk neme Tasi Gelagah.

MAZMUR 111:9

Ana soi-po'i anan-nala, de Ana tao hehelu-balataak manaketu-basa tak nos. Ndia nde Manetualain fo malalao-malalafuk, ma makadelek!

MAZMUR 145:6

Ala tui-benga O tatao-nono'i matuainam-ma, neukose au tui O matua-mademam.

MAZMUR 147:20

Ana ta tao leondiak neu leoina fe'ek-kala fa, de ala ta lalelak hoholo-lalanen fa. Koa-kio Manetualain leona!

MAZMUR 40:5

Maua-manalek ba'eneu hataholi fo, namahele neu Manetualain, fo ana ta tunga sene-do'ok neu lamatua daebafak-kala, do noke tutulu-fafalik neme hataholi manakaoa-ndaeaok-ka mai fa.

MAZMUR 44:3

O mesam-ma usi heni leoina-la fo ela O anam-mala leo lahele nai sila nusan-na. O fe leoina fe'ek-kala hapu soe, tehu O po'ilotak O anam-mala lamade'u.

MAZMUR 65:5

Maua-manalek ba'eneu hataholi fo, O helek-ka, ma O maloon, fo ana leo nai O Umam. Ela leo been-na, ami makabete menik basa hata malole manai O Umam-ma, fo O mamana leleo malalao-malalafum-ma.

MAZMUR 66:3

Mafa'da Manetualain leon mae, “Tete'ek-ka, O tatao-nono'im, matua-madema! Musu-a, nakatele neu O no bibii-namata'u matuaina, nana O koasam-ma, ba'un-na seli.

KELUARAN 12:12

Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde Manetualain.

KELUARAN 33:16

Tao leo beek fo neukose hataholi ia-la bubuluk lae au ma leoina ia mandaa moo O dalem-ma, metema O ta tulu-fali ami fa. Manetualain mamain-na nai ami tala'daheom, neukose ana tao na ami fe'ek neme leoina fe'ek manai daebafak-ka.”

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

KELUARAN 9:15

Leounik-ka, Au nau huku o ma o laum-ma nenik he'di-laus soona, tao leo bee o, mopo-mate la'iesak emi so.

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

YEREMIA 32:20

Makahulun eli O tao manada'dik beuk-kala ma dede'a matuaina-la nai Masir, ma losa besak ia boe, O bei tao mahelen, leomae nai hataholi Israel-la tala'da do nai leoina fe'ek-kala boe. Hu ndia de besak ia O nananita-nalelak nai basa mamanak lala'en-na.

YEREMIA 32:21

Nenik O koasam-ma ma O be'i-balakaim fo matuaina, de O meni falik hataholi Israel-la kalua leme Masir mai. O tao manada'dik aok-kala, ma manada'dik beuk-kala, ma manada'dik fo manatao manggenge musu-a.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

BILANGAN 6:27

Ma Manetualain nafa'da nae, “Metema ala kokolak Au na'deng-nga da'di leo baba'e-papalak neu leoina Israel-la soona, neukose Au ba'e-palas.”

EFESUS 1:6

Koa-kio Manetualain fo matua-madema, nana hu ka nde tunga Ana susue na de, Ana sue-lai na ita ba'u na seli.

ULANGAN 10:21

Koa-kion, nana Ndia nde emi Manetualaim-ma. Emi mita matam, Ana tao fe emi, tatao-nono'i matuaina-la, ma maneni bibii-namata'uk-ka.

ULANGAN 15:15

Mafandendelek te, makahulun-na emi da'di ata neme Masir boe, boema emi Manetualaim-ma, Ana soi-po'i emi; hu ndia de, au fe emi paleta ndia.

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”

ULANGAN 9:26

de au hule-haladoi ae leo ia: Ou Manetualain, Fo Matua-madema, boso tao mamate-mamopo O anam fo, O soi-po'is ma O moos kalua leme Masir mai, nenik O be'i-balakaim, ma O koasa matuainam-ma.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

YOSUA 7:9

Hataholi Kanaan-nala, ma basa hataholi manai nusak ia, neukose lamanene dede'ak ndia. Neukose lakahapi-la ami, fo taolisa ami! Boema, neukose O tao beek, fo O ho'u mahele O na'dem-ma?”

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

NINITAK 5:9

Lakamee nakamee beuk esa nae: “O mandaa ho'i susulak ndia fo siiheni segen nala. Nana O nanataonisak so, ma no O mamate ma de, hataholi daebafa ka neme basa leoanak lala'ena, dede'a kala, nusaina la ma leoina lala'ena, O asa basan soaneu Manetualain so.