2 SEMUEL 7:2 - Susula Malalaok Hehelu Palak Ma Hehelu Beuk

² Boema, manek-ka nafa'da Nabi Natan nae, “Mitak au dei! Au leo nai uma manek fo, taon neme ai kaiou Libanon-na mai, te se'kona, Manetualain Peti Hehelu-balataan, nanape'dak nai ka'da lalaa temak dale mesan!”

2 SEMUEL 7:2 ပူးပေါင်းရင်းမြစ်များ

2 SEMUEL 11:11

Boema, Uria nataa nae, “Solda'du Israel ma Yehuda-la, bei latee-lata'ti leni mamate-momopon-nala, de Manetualain Peti Hehelu-balataan, sama-sama nos; Yoab, fo ami malanga solda'du matuainam-ma, ma basa malanga solda'du matuaina fe'ek-kala ofu lai mook-ka. De hapu nai bee, atam ia fali leo uma neu, fo atam-ma na'a-ninu ma atam-ma sungu no atam-ma saoinan-na? No Ama Manek maso'dan-na, ma atam-ma maso'dan-na, neukose, atam-ma ta tao leondiak fa!”

2 SEMUEL 12:1

Basa ndia boema, Manetualain nadenu Nabi Natan-na neu natongo no Dauk. Natan neu de nafa'dan nae, “Hapu hataholi dua, ala leo lai kota esa dalek; esa kamasu'i-makabetek, ma esa nuu-taa hata-taak.

2 SEMUEL 5:11

Mane Hiram-ma, neme nusa Tirus-sa mai, ana haitua ndia hataholin-nala, leo Dauk leu, boeo ana haitua ai kaiou Libanon, ma tuka ai, tuka batu boe, fo lapadedeik uma manek-ka.

2 SEMUEL 6:17

Peti Hehelu-balataak ndia, nanape'dak nai mamanan-na, nai Dauk tao fe Peti ndia lalaa temak-ka dalek. Basa boema, Dauk tunu-hotu fe Manetualain tutunu-hohotu nanatunuk, ma tutunu-hohotu mole-dame.

2 SEMUEL 7:17

Boema, Natan nafa'da Dauk, basa hata lala'en fo, Manetualain nafa'da neun.

1RAJA-RAJA 1:22

Lelek fo Batsyeba bei kola-kola te, Nabi Natan na losa uma manek-ka.

1RAJA-RAJA 1:8

Tehu Imam Zadok, Benaya fo Yoyada anan-na, Nabi Natan, Simei, Rei ma Mane Dauk ka hataholi manamanean-nana, ta look Adonia fa.

1RAJA-RAJA 8:17

Salomo kokolak nakandoo nae, “Au amang Dauk tutu'u basa soaneu nafofo'a uma fo mamana hule-haladoik neu Israel Manetualain.

1 TAWARIKH 14:1

Manek Hiram fo neme Tirus mai, ana haitua hataholin-nala leu leo Dauk leu, boeo ana haitua ai kaiou Libanon ma tuka ai la boema tuka batu soaneu lapadedeik uma manek-ka.

1 TAWARIKH 16:1

Peti Hehelu-balataak ndia nanape'dak nai Lalaa Temak fo Dauk sadia basan soaneu Peti ndia so. Boema ala tunu-hotu fe Manetualain tutunu-hohotuk nanatunuk ma tutunu-hohotuk mole-dame.

1 TAWARIKH 22:7

Dauk nafa'da Salomo nae, “Anango nei, dook ka so au tutu'u soaneu apadedeik uma esa soaneu fe ha'da-holomata neu au Manetualain.

1 TAWARIKH 29:29

Tutuik la'eneu Manek Dauk-ka fai mao'dan-na neme makasososan-na losa mate'en-na, nanasula basak nai Nabi Semuel, Nabi Natan ma Nabi Gad-a susulan dale so.

2TAWARIKH 1:4

Tehu Manetualain Peti Hehelu-balataan nai Yerusalem nai Manek Dauk-ka tao pandopo dalek, fo nai lelek ana lalihenin neme Kiryat-Yearim mai.)

2TAWARIKH 29:25

Nandaa no natutu'du-natutu'duk fo Manetualain fen neu Dauk tunga Nabi Gad, fo naue-nale'di fe manek-ka, ma tunga Nabi Natan-na, de manek-ka pe'da hataholi Lewi-la nai Manetualain Uman, fo lakamina kecapi ma gambus,

2TAWARIKH 9:29

Tutui fe'ek la'eneu Salomo paletan-na neme makasososan-na losa mate'en-na, nanasula basak nai Nabi Natan-na susula bei-ba'in dale ma nai Ahia fo hataholi Silo ndia susula Nafa'da elan dale ma nai Nabi Idon-na susula Ninintan dale, fo nai ndia boeo nanasulak tutuik la'eneu Yerobeam fo manek Israel-la paletan-na.

MAZMUR 132:2

Boso mafandele heni sene-do'on neu O Manetualain, ma neu ana tutu'u basa, fe hata esa neu O, Fo Mabe'i-balakaik nanseli, fo Yakob Manetualain-na.

MAZMUR 132:5

metema, au beita sadia fe Yakob Manetualain-na, uma, fo mamana leleok ba'eneu Manetualain Fo Mabe'i-balakaik nan seli-a.”

KELUARAN 40:21

Boema ana pe'da Peti ndia nai Lalaa Temak dale, de ana lolo'e tema popotin-na neu Peti matan-na, sama leo Manetualain paleta neun.

HAGAI 1:4

“Hei anang-ngala lemin, ade fain-na losa ba'eneu emi, soaneu leo nai uma matea ma mahelek, tese'kona, Au Umang-nga soona, bei nalupa ai-batu madodouk do?

YOHANIS 2:17

Boema ana manatunga nala lafandele Susula Malalao ka baba'en esa nae, “Au dale susue-lalaing neu O Uma ma, ou Manetualain, ana hotu Au dale nga.”

HATAHOLI 7:46

Dauk nandaa no Manetualain dale na, de Dauk noke Manetualain fo ela Ana nau Dauk tao na uma esa soaneu Manetualain fo Yakob sene-do'ok ndia.