2 SEMUEL 6:7 - Susula Malalaok Hehelu Palak Ma Hehelu Beuk

⁷ Nai hatematak ndia boe, Manetualain namanasa Uza, nanahu tatao-nono'in ndia, nalupa nakamumulu-nakamamaek esa neu Manetualain. Boema, Ana taonisa Uza neme mamanak ndia, deka no Peti Hehelu-balataak-ka.

2 SEMUEL 6:7 ပူးပေါင်းရင်းမြစ်များ

2 SEMUEL 6:8

Boema, mulai neme hatematak ndia mai, loke mamanak ndia lae, Peres Uza. Dauk namanasa, nanahu Manetualain tao namopo-namate Uza.

1 TAWARIKH 13:10

Hatematak ndia boe, Manetualain namanasa Uza, nanahu tatao-nono'in ndia nalupa nakamumulu-nakamamaek esa neu Manetualain. Boema Ana taonisa Uza neme ndia. Boema mulai neme ndia mai, ala foi mamanak ndia na'de “Peres-Uza”. Dauk namanasa nanahu Manetualain taonisa Uza.

1 TAWARIKH 15:13

Lelek Peti ndia nanalaliheok makasososan-na, emi ta ndia fo so'un fan. Hu ndia de Amak, fo ita Manetualain na huku ita, nana ita ta sene-do'ok kana ta nandaa no hihii-nanaun fa.”

1 TAWARIKH 15:2

Dauk nafa'da nae, “Ka'da hataholi Lewi la nde bole so'u Manetualain Peti Hehelu-balataan ndia, nana sila nde Manetualain heles soaneu ndolo Peti ndia ma lamahelen losa dodoon-na.”

BILANGAN 1:51

Metema emi lali mamanak soona, hataholi Lewi sila nde ofe heni Au Lalaa Temang-nga, ma ala pasak falik-kana nai mamanak fo nai bee, emi ofu. Fe'ek neme hataholi Lewi sila-la mai, su'di see fo ana deka no Lalaa Temak ndia soona, muse nanahuku nisak.

BILANGAN 4:15

Manetualain nafa'da Musa no Harun nae, “Nai lelek emi ofe heni mamana ofu-a soona, Harun no anan-nala muse leu leo Au Lalaa Temang dale leu, fo ala poti ketu basa bua-lo'as ma hata-heto manai sila-la. Basa ndia soona, besak-ka hataholi Kehat-tala bole mai fo ala ndolon leona. Tehu, ala ta bole mete do deka, do ko'i la'e hata-heto sila-la fa, nanahu nanafe hehelik basa neu Au so. Metema ala la'o lenan soona, neukose mates. Da'di, fo ela hataholi Kehat sila-la na'den-nala boso nanalose henik neme leo Lewi-a dalek mai, Harun no anan-nala muse fe sila esa-esak bela-ba'u beek fo muse lenin. Hataholi Kehat-tala bela-ba'un nde ndia, nai lelek lali heok Au Lalaa Temang-nga. Eleazar fo Harun anan-na, muse mete-nakanae Au Lalaa Temang-nga lala'en-na, banuk-kala minan-na, boomenik-ka, tutunu-hohotu gandum soaneu nana'ak fo nanasadia nahelek-ka, mina feta, ma basa hata manai Au Lalaa Temang ndia dalek.”

SEMUEL SUSULAK-KA ESAN-NA 25:38

Fafa'kama, ta'da faik sanahulu boema, Manetualain fe he'dis-sa la'e seluk bade'en-na de maten.

SEMUEL SUSULAK-KA ESAN-NA 6:19

Tehu, hu kande hataholi Bet-Semes sila-la titino leo Manetualain Peti Hehelu-balataan dalek neu, de Manetualain taonisa sila hataholin hituhulu. Boema laun-na falu, nana Manetualain fe soe matuina tuni nalas.