2 SEMUEL 6:23 - Susula Malalaok Hehelu Palak Ma Hehelu Beuk

²³ Mikhal, fo Saul anafe'on ndia, manabongi tak nai fai maso'dan-na dalek.

2 SEMUEL 6:23 ပူးပေါင်းရင်းမြစ်များ

2 SEMUEL 6:22

Nakalenak, au sadia basa, soaneu lakamumulu-lakamamaek au, lena seluk neme nakamumulu-nakamamaek na'kasa. O bole ka'da, mete makamamaek au, tehu na'kasa o seseik ata inak-kala, neukose ala fe ha'da-holomatak neu au!”

2 SEMUEL 7:1

Manetualain nasulu-nahapa Mane Dauk-ka, neme basa musun lala'en-na mai, nalosa ana leo nahele neme uma manen dale.

YESAYA 22:14

Manetualain Fo Mademaina, ma Manakoasa, natu'du aoinan-na neu au, de nafa'da nae, “Te'e-te'e, neukose Au ta fe do'o do ampon neu sila sala-singon-nala fa, losa ala mate. Au, fo Manetualain nde manakokolak-ka.”

YESAYA 4:1

Nai lelek ndia, neukose inak hitu, ala ho'u touk esa, fo lafa'da lae, “Fe ami loak, fo ami manaku mae ami saotoum o, fo ela ami boso lu'a-lepa mamaek, nanahu ami beita ka'bing fa. Ami tunga-sanga aom, ami nana'a-nininum, ma ami papake-ngganggaom.”

HOSEA 9:11

Neukose Israel matua-mademan ana lapu, fo mopon sama leo manupui-a. Neukose inak-kala ta lailu so'on, fo ta hapu ni'iana nanabongik so'on.

MATEOS 1:25

Nai lelek fo ni'iana ndia beita bongi fa nana, Yusuf no Maria beita lakabubua fa, tehu Maria bongi na ni'iana ndia boema, Yusuf foin na'de Yesus.

LUKAS 1:25

Ana nafa'da nae, “Mate'e na, Manetualain tulu-fali au, ma Ana loseheni au taidae nga.”

SEMUEL SUSULAK-KA ESAN-NA 15:35

Losa mate Semuel, te ta natongo seluk no Saul fa. Tehu Semuel dalen-na he'dis-sa, nanahu Manetualain nasasale dale, Ana so'u basa Saul da'di Israel manen-na so.