2 SEMUEL 6:20 - Susula Malalaok Hehelu Palak Ma Hehelu Beuk

²⁰ Nai lelek, Dauk fali ne'un leo uma manek-ka neu, fo nate'a teidalen-nala boema, Mikhal kalua mai leo Dauk mai, de nafa'da nae, “Faik ia, mane Israel-la te'e-te'e, tao-na aoinan-na nananita-nalelak! Nakahola-la so, sama leo hataholi nggoa-panganaa fo ta nanuu mamaek nai uma manek-ka, hataholi mana'a ngga'din-nala ata inaanan-nala matan fa!”

2 SEMUEL 6:20 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

2 SEMUEL 6:14

Basa boema, Dauk foti-longe no namahokok nanseli, fo ana fe ha'da-holomata neu Manetualain. Nai lelek ndia, ana pake ka'da si'di abalutu keke'uk, de ana pa'an nai tala'dan-na.

2 SEMUEL 6:16

Lelek fo leni Peti Hehelu-balataak ndia, masok leo kota dale neu, Mikhal, fo Saul anafe'on-na, ana titino neme jendela mai, boema nita Mane Dauk-ka nakaboboku, ma ana foti-longe, fo ana fe ha'da-holomata neu Manetualain, boema ana mete Dauk soona, ana ta hii mete fan.

2 SEMUEL 6:18

Boema, ana fe laun Israel-la, baba'e-papalak nenik Manetualain Fo Manakoasa, na'den-na.

2 SEMUEL 6:19

Basa boema, ana baba'e fe basa-basas nana'ak. Basa hataholi manai sila-la, nau touk do inak boe, ana fe esan-na, paa nanadalak biak esa, loti ma koki kismis. Basa ndia boema, basa-basas fali le'us leo esa-esak uman neu.

1 TAWARIKH 16:43

Basa boema basa hataholi-la fali leo esa-esak uman neu. Leondiak boe Dauk, ana fali neu donge teidalen-nala.

AYUB 30:8

Sila ta mana'dek, ma ta mabelik fa, hataholi-la usi henis, leme sila nusan-na mai so.

MAZMUR 101:2

Au nau taoafik neu, maso'dak fo bu'u-ba'e tak-ka, eno-dalan. Faihi'da, O mai leo au mai? Au nau aso'da no malalao-malalafuk nai au umang,

MAZMUR 30:1

Dauk kokoa-kikion-na. Nakameek soaneu nakatema Manetualain Uman-na.

PENGKHOTBAH 7:17

Boeo boso da'di hataholi mangalauk manseli, do panganaa manseli. Sosoak hata, mate te beita losa fain-na fa?

MARKUS 14:66

Ndia te Petrus bei nai uma so'da na, boema imam matuaina malalau-maoono inan esa, neu leo ndia neu.

MARKUS 3:21

Hataholi la lafa'da lae, “Namulu so!” Nai lelek fo uma isi nala lamanene dede'ak ndia boema, leu lala fali kana.

YOHANIS 13:6

Ana losa Simon Petrus boema, Simon Petrus nafa'dan nae, “Lamatuak, hapu nai bee Lamatua ka safe au ei nga?”

YOSUA 24:15

Leounik-ka, emi ta nau mamahele neu Manetualain fa soona, faik ia boe, ho'i nakeketuk, emi nau mamahele neu see: neu lamatua daebafak, fo makahulun-na emi bei-ba'i kaim-mala sene-do'ok-kasa neme Mesopotamia, do neu hataholi Amori, fo besak ia emi leom-ma nusan-na, lamatua daebafan-nala. Tehu ami – au ma au teidaleng-ngala – neukose mamahele ka'da neu Manetualain.”

HAKIM-HAKIM 9:4

Basa boema, ala ho'i-la doi fulak hituhulu, neme uma sosongok Baal-Berit-ta mai, de ala fen leo Abimelekh neu. Boema, Abimelekh se'ba hataholi malela ha'da tak bubuak esa, nenik doik sila, fo daenga lakabubua lon,

SEMUEL SUSULAK-KA ESAN-NA 14:49

Saul amamanen-nala nde, Yonatan, Yiswi, ma Malkisua. Anafe'o ulun-na na'de Merab, ma ka dua, na'de Mikhal.

SEMUEL SUSULAK-KA ESAN-NA 18:20

Mikhal, fo Saul anafe'on esa seluk bai, ana hii Dauk. Lelek Saul namanene dede'ak ndia boema, ana nau boe.