2 SEMUEL 6:19 - Susula Malalaok Hehelu Palak Ma Hehelu Beuk

¹⁹ Basa boema, ana baba'e fe basa-basas nana'ak. Basa hataholi manai sila-la, nau touk do inak boe, ana fe esan-na, paa nanadalak biak esa, loti ma koki kismis. Basa ndia boema, basa-basas fali le'us leo esa-esak uman neu.

2 SEMUEL 6:19 ပူးပေါင်းရင်းမြစ်များ

2 SEMUEL 6:18

Boema, ana fe laun Israel-la, baba'e-papalak nenik Manetualain Fo Manakoasa, na'den-na.

2 SEMUEL 6:20

Nai lelek, Dauk fali ne'un leo uma manek-ka neu, fo nate'a teidalen-nala boema, Mikhal kalua mai leo Dauk mai, de nafa'da nae, “Faik ia, mane Israel-la te'e-te'e, tao-na aoinan-na nananita-nalelak! Nakahola-la so, sama leo hataholi nggoa-panganaa fo ta nanuu mamaek nai uma manek-ka, hataholi mana'a ngga'din-nala ata inaanan-nala matan fa!”

1RAJA-RAJA 8:66

Neu faik-ka falu na boema, Salomo nadenu hataholi sila-la fali le'us. Hataholi sila-la basa-basas koa-kion boema ala fali leo sila uman no dalen-nala lamahoko, nanahu basa baba'e-papalak fo Manetualain fe basan neu atan Dauk ma neu leoina Israel fo anan-nala.

1 TAWARIKH 16:3

boema ana baba'e fe basa-basas nana'ak. Basa hataholi manai sila-la nau touk do inak boe, esa na hapu paa nanatunuk biak esa, loti ma angol boa tuuk.

1 TAWARIKH 16:43

Basa boema basa hataholi-la fali leo esa-esak uman neu. Leondiak boe Dauk, ana fali neu donge teidalen-nala.

2TAWARIKH 30:24

Manek Hizkia fe sapi mane lifun esa ma bi'ilopo lifun hitu. Hizkia hataholi mana'a ngga'din-nala fe sapimane lifun esa ma bi'ilopo lifun sanahulu. Ala fe basa bana sila-la leo laun-na neu fo ala do'dos fo la'a. Imam makadotok nanseli tao lalalao-lalalafu aoinan-nala.

2TAWARIKH 7:10

ma balahaa, fo nai bula kahitu-a fain duahulu telu boema, Salomo nadenu hataholi sila-la fali. Ala lamahoko nanahu hata malole fo Manetualain taon soaneu leoina Israel fo anan-nala, soaneu Dauk ma Salomo.

NEHEMIA 8:10

Besak ia, fali me'um-ma leona; mi'a-minu no namahokok. Fe emi nana'a-nininum ma emi angol-la seli leo hataholi manato'a-taak-ka. Faik ia, fai hehelik ba'eneu ita Manetualain-na, da'di boso dale he'di. Namahokok fo Manetualain fen neu emi-a, neukose natetea-nahehele emi.”

KIDUNG AGUNG 2:5

Tao balakai au nenik angol boa makeek, tao mamopo au maa ma'dang-nga nenik apel-la boan-na, nana au amahe'di he'di ina-anafe'ok.

YESKIAL 45:17

Ndia nde, muse asa bana-manu soaneu tutunu-hohotu nanatunuk, tutunu-hohotu gandum, tutunu-hohotu angol, ba'eneu basa leoina Israel-la lala'en-na, nai fai malole-la, Feta Bula Beuk, fai Sabat-tala, ma fai malole fe'e-fe'ek-kala. Ndia muse sadia tutunu-hohotuk fo, sala-singok hapu do'o do ampon, tutunu-hohotu gandum, tutunu-hohotu nanatunuk, ma tutunu-hohotu mole-dame, soaneu noke do'o do ampon ba'eneu leoina Israel-la.”

HOSEA 3:1

Manetualain nafa'da au nae, “Muu seluk leona, fo mahiik moo ina manasosoa-piaok esa. Mahiik moon, sama leo Au boeo ahiik hataholi Israel-la, leomae ala la'oela Au, de ala sene-do'ok neu lamatua fe'ek, boema ala nau tunu-hotu koki kismis fe sosongo-tatangok.”

HATAHOLI 20:35

Nai basa dede'ak lala'ena dalek, au fe emi natutu'duk ae, ka'da no manggate leo ia ka nai ue le'di sa dalek, ita muse tulu-fali hataholi tapandoe sala. Nana ita muse tafandendelek hata fo Lamatuak Yesus nafa'da matam nae, ‘Fe fee ka, ua-nalen ba'ulena heni sisipo ka.’ ”

EFESUS 4:8

Nai Susula Malalaok dale nanasulak nae, “Lelek fo Ana kae leo mamana madema ina neu a, no hataholi nanatahan ba'u ka; boema Ana fe hataholi daebafa ka baba'e-babati hehelik.”

YOSUA 22:6

Basa boema, Yosua hule-haladoi fes, de ana po'is fali le'us leo sila nusan-na leu, no ana fes hala-heheluk-ka nde ia nae, “Besak ia, emi mamasu'i so, de emi fali no emi meni bana-manu makadotok, lilofulak, lilopilas, liti, besi ma bua papakek. Boeo, baba'e emi kalo meni hata-heto-la, neu emi hataholim fo emi leo esa.” Boema leo Ruben, Gad ma leo Manasye manai Lee Yarden-na boboan dulu ndia, la'oela hataholi Israel fe'e kala, de ala la'o leme Silo nai Kanaan, leo sila daen-na nai nusa Gilead-ta. Ala leo dae ndia, nanahu Manetualain paletan-na tunga Musa. (Leo Manasye seli, sipo basa dae manai Lee Yarden-na selik, neme Musa mai so, ma leo Manasye fe'ek seli, sipo dae manai Lee Yarden-na boboan muli, sama-sama no leo fe'ek-kala, neme Yosua mai.)