2 SEMUEL 5:7 - Susula Malalaok Hehelu Palak Ma Hehelu Beuk

^7-9 Boema, Dauk nafa'da solda'dun-nala nae, “Ade, hapu hataholi nai ia, nape'da dale nasak hataholi Yebus-sala, sama leo au ta ahiik-kasa boen do? Ta nahiik-kasa dai so, nalosa nahiik nanseli taonisas do? Metema leondiak soona, ata masok tunga oe lolok dale, fo ata sapu-ta, hataholi ei helak-kala ma hataholi pokek fo au ta ahiik-kasa sila fa.” (Hu ndia de, hataholi-la lafa'da lae, “Hataholi pokek ma hataholi ei helak, ta bole masok Manetualain Uman-na fa.”) Dauk hapu loso-na kota musu Sion-na, de nangatuu-nan. Ana foin na'de, “Kota Dauk” Kota ndia, napadeik nai kota musu ndia boboa kaisun, mulai neme pupukuk fo po'a lamademan nenik dae-a, boboan dulu.

2 SEMUEL 5:7 ပူးပေါင်းရင်းမြစ်များ

2 SEMUEL 6:10

Hu ndia de, ana ta nau neni Peti Hehelu-balataak ndia, leo Yerusalem neu so'on, de ana pe'dan neme Obed-Edom, fo hataholi Gat ndia, uman.

2 SEMUEL 6:12

Mane Dauk-ka namanene, lae Manetualain fe baba'e-papalak neu Obed-Edom teidalen-nala, ma hata-heton lala'en-na, nanahu Peti Hehelu-balataak ndia. Boema, neu leo Obed-Edom uman neu, de ana ho'in-na Peti-a, fo ana lali heok-kana leo Yerusalem neu, de ana tao feta matuaina.

2 SEMUEL 6:16

Lelek fo leni Peti Hehelu-balataak ndia, masok leo kota dale neu, Mikhal, fo Saul anafe'on-na, ana titino neme jendela mai, boema nita Mane Dauk-ka nakaboboku, ma ana foti-longe, fo ana fe ha'da-holomata neu Manetualain, boema ana mete Dauk soona, ana ta hii mete fan.

1RAJA-RAJA 2:10

Basa boema mate Dauk de latoin nai Kota Dauk ka.

1RAJA-RAJA 3:1

Mane Salomo-a tao Masir da'di ndia tia-lain nenik ana saon-na mane Masir-ra anafe'on-na. Salomo no anafe'oanak ndia leu leo kota Dauk ka neu fo ana lao nai ndia losa uma manek-ka ma Manetualain uman-na boema kota musu manaokofefeo na Yerusalem ma, nananafofo'a basak.

1RAJA-RAJA 8:1

Basa ndia boema Mane Salomo naloo lasi-lasi leo-la ma teidale-bobongik lala'en-na leme Israel mai fo latongo loon nai Yerusalem, fo ala laliheok Manetualain Peti Hehelu-balataan neme Sion, kota Dauk, leo Manetualain Uman neu.

1RAJA-RAJA 9:24

Dae manai Manetualain Uman-na boboan kona, fo Salomo hulu ladodoun nai lelek saoinan-na, fo nde mane Masir-ra anafe'on-na, ana laliheok neme Dauk kotan-na leo uma manek fo Salomo nafofo'an soaneu saoinan ndia.

2TAWARIKH 24:16

Latoin nai mane-manek manai Kota Dauk-ka late mamanan-na soaneu lafandele tatao-nono'i malolen-na neu Manetualain neu Manetualain Uman-na ma neu hataholi Israel-la.

2TAWARIKH 5:2

Basa ndia boema, Manek Salomo nadenu basa mauli-malanga leo-la ma teidale-bobongik-kala leme leoina Israel-la fo lakabubua nai Yerusalem soaneu ala laliheok Manetualain Peti Hehelu-balataan neme Sion, fo Kota Dauk-ka leo Manetualain Uman neu.

MAZMUR 132:13

Nana Manetualain hele basa Sion so; Ana nahiik-kana, soaneu da'di mamana leleon-na.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

MAZMUR 48:12

Nemen-na fo laun Sion ma laun Yehuda-la eeki-latadale no namahoko-seteleek, nanahu O huku sila musu noon-na.

MAZMUR 48:3

Sion, fo Manetualain pupukun-na, namadema mana'ahiik, Mane Matua-madema kotan-na, tao namahoko daebafak-ka lala'ena.

MAZMUR 51:18

O ta mahiik tutunu-hohotu nanado'dok fa; leo uni'ka, au tunu-hotu tutunu-hohotu nanatunuk soona, O ta mahiik-kana fa.

MAZMUR 87:2

Ana sue-lai-na Yerusalem ba'un-na seli, neme basa kota manai Israel-la.

MAZMUR 9:11

Hataholi fo nalelak O-a, namahena neu O, ou Manetualain hataholi fo manasene-do'ok neu O-a, O ta la'oela fan.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 59:20

Manetualain nafa'da anan-nala nae, “Neukose, Au mai leo Yerusalem mai, fo soi-tefa emi basa-basam fo, manatukatei-saledale neme sala-singon-nala mai.

YEREMIA 21:13

Makabuin-na boema Manetualain nafa'da neu Yerusalem nae, “Hai Yerusalem! O mamamana madema lena heni bafa-bafak do manai o boboan kaisum-ma. O sama leo pupukuk batu fo namadema nai mok maselok-ka, tehu neukose au la'ben o. O mafa'da mae hapu hataholi esa boen hapusapun-na o, do ana titipa-sosoli o kota musum fa,

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

ROMA 9:33

La'eneu batu ndia, nai Susula Malalaok dale nanaulak nae leoia, “Taoafik dede'a ka nde ia nae, Au pe'da batu esa nai Sion so fo neukose ana tao na hataholi a nakatunu; fo nde batu matuaina esa fo neukose ana tao na hataholi a tu'da. Tehu hataholi fo namahele neu na, neukose dale nala ta laba'e fa.”

IBRANI 12:22

Nasafali na, emi mai leo Pupuku Sio na mai, ma Manetualain kotan fo maso'da ka, fo nde Yerusalem manai nusa so'da ka no ata nusa so'da lifu-lifu nala.

NINITAK 14:1

Basa ndia de au mete boema nono'ka bai Bi'ilopo Ana ndia napadeik nai Lete Sion lain. Bi'ilopo Ana ndia sama-sama no hataholi lifun natun esa hahuluha. Bi'ilopo Ana ndia no Aman na'de nala nanasulak nai hataholi sila la esa-esak dedei na.