2 SEMUEL 5:19 - Susula Malalaok Hehelu Palak Ma Hehelu Beuk

¹⁹ Boema, Dauk natane Manetualain nae, “Au muse u sapu-a hataholi Filistin sila-la do? Ade, neukose O fe au sengi do?” Boema Manetualain nataa nae, “Sapu leona, te neukose Au fe o sengi!”

2 SEMUEL 5:19 ပူးပေါင်းရင်းမြစ်များ

2 SEMUEL 2:1

Basa ndia boema, Dauk natane Manetualain nae, “Ade, Manetualain nau au u fo, au koasa kota esa nai Yehuda do?” Manetualain nataa nae, “Ya.” Boema, Dauk natane nae, “Kota beek-ka?” Manetualain nataa nae, “Kota Hebron.”

2 SEMUEL 5:23

Dauk noke natutu'duk la'iesa seluk, neme Manetualain mai. Boema Manetualain nataa nae, “Boso sapu-malas, neme ia mai, tehu la'ok po'de, fo sapu-malas neme dea mai, deka no ai mulbei-la.

1RAJA-RAJA 22:6

Boema Ahab naloo nakabubua fafa'kama nabi natun haa boema natanes nae, “Au bole u sapu a Ramot do ta?” Lataa lae, “Bole! Neukose Manetualain fe kota ndia neu Ama Manek.”

AMSAL 3:6

Mafandendelek Manetualain nai basa hata lala'en fo o tao-no'ik-ka dalek, soona neukose natu'du fe o, so'dak malole-a eno-dalan.

YAKOBIS 4:15

Tunga ndo na, emi muse mafa'da mae leo ia, “Metema Lamatua ka nau ami bei maso'da soona, ami tao ia, tao naa.”

SEMUEL SUSULAK-KA ESAN-NA 22:15

Memak atam-ma, noke fen natutu'duk neme Manetualain mai so, tehu ndia ta nde ka la'i makasososan fo atam-ma, tao tataos ndia fa. La'eneu ami malahalak fo la'ban Ama Manek-ka, Ama Manek boso makasasa'ek-kana neu au, do neu hataholi esa boen, nai atam-ma teidalen-na dalek. Atam-ma ta bubuluk hata-hata, la'eneu dede'ak ndia fa!”

SEMUEL SUSULAK-KA ESAN-NA 23:2

Boema Dauk natane Manetualain nae, “Ade, au muse u sapu-a hataholi Filistin-nala do?” Manetualain nataa nae, “Hei, muu sapu-malas, fo soi-tefa-ma Kehila laun-nala.”

SEMUEL SUSULAK-KA ESAN-NA 23:4

Hu ndia de, Dauk noke natutu'duk la'i esa seluk neme Manetualain mai, de Manetualain nataa nae, “Boso bii. Muu sapu-ma kota Kehila leona, nanahu neukose Au fe solda'du Filistin sila-la leo o neu.”

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.