2 SEMUEL 5:18 - Susula Malalaok Hehelu Palak Ma Hehelu Beuk

¹⁸ Hataholi Filistin-nala losa Bafak Refaim-ma boema, langatuu-la bafak ndia.

2 SEMUEL 5:18 ပူးပေါင်းရင်းမြစ်များ

KEJADIAN 14:5

Nai teu ka sanahulu haan-na dalek, boema Kedorlaomer no mane-manek fo, ala dalek esa loon-na, ala mai loo solda'dun-nala, de ala sengi hataholi Refaim-mala neme Asyterot-Karnaim, hataholi Zuzim-mala neme Ham, hataholi Emim-mala neme Syawe-Kiryataim,

2 SEMUEL 23:13

Nai fai fe'ek, fo sanga deka fai keketu-kokoluk-ka, hataholi telu leme Dauk malanga solda'du matuaina ka teluhulu fo nananita-nalelak-kala, ala kona leo Leak Adulam-ma leu. Lelek ndia, Dauk nai kota musu manai leak ndia dalek. Hataholi Filistin-nala ofu leme Bafak Refaim-ma, de sila solda'dun bubuak esa, langatuu-la Betlehem.

2 SEMUEL 5:22

Basa boema, hataholi Filistin-nala, mai langatuu-la seluk Bafak Refaim-ma.

1 TAWARIKH 11:15

Nai faik esa boema, hataholi 3 leme Dauk malanga solda'du matuina ka 30-n fo nananita-nalelak-kala, leu latongo loo Dauk nai mamanak esa nai sila mamana nakatatakan-na nai lete batu esa, deka no Leak Adulam-ma. Nai lelek ndia, hataholi Filistin-nala ofu nai Bafak Refaim-ma, de solda'dun bubuak esa langatuu-la Betlehem.

YESAYA 17:5

Neukose Israel sama leo tinan-nai Refaim, fo gandum-ma nanaketu-kolu basak, de ela ka'da lumanak so.

YOSUA 15:8

basa boema, ana kae tunga Bafak Hinom-ma, de neu leo pupukuk-ka boboan kona, fo nai bee, Yerusalem fo hataholi Yebus-sala kotan-na, nai ndia. Too ndia, neme ndia mai, de nasale leo pupukuk ndia poin-na neu, fo nai Bafak Hinom-ma boboan muli, nai Bafak Refaim-ma pe'dan kii,

YOSUA 17:15

Boema Yosua nataa nae, “Hu kande emi makadotok nanseli, ma Efraim nusa letelepan-na, makabi'aanak, de ta dai emi basa-basam-mala fa, de meu leo hataholi Feris, ma Refaim-ma, nusan-na meu. Fo tao nggolo beuk, nai sila dae manulan-nala.”

YOSUA 18:16

boema, ana kona leo lete huuk fo nasasalematak no Bafak-Hinom-ma, nai Bafak Refaim-ma pe'dan kii. Basa ndia boema, too ndia leo kona neu, fo ana tunga Bafak Hinom-ma lete huun-na, nai nusa Yebus-sa boboan kona, de nakandoo leo En-Rogel neu,