2 SEMUEL 3:39 - Susula Malalaok Hehelu Palak Ma Hehelu Beuk

³⁹ Leomae au ia, manek fo Manetualain nde hele-a, tehu besak ia, au ame'da, au akama'a. Zeruya anan sila-la, ala tao hata esa, ta no dale susue-lalaik makandondook fa. De au ta paleta abe'i fas. Sa'di leo been-na, Manetualain huku hataholi manatao tatao-nono'i mangalauk sila-la, nandaa no sila tatao-nono'in!”

2 SEMUEL 3:39 ပူးပေါင်းရင်းမြစ်များ

2 SEMUEL 16:10

Tehu manek-ka nafa'da Abisai ma ka'an Yoab nae, “Boso litu moon. Nemen-na, fo ana soo-supa au. Nana, metema Manetualain nde nadenun-nana soona, see kande nanuu hak natanen, tao le'e de ana tao leondiak?”

2 SEMUEL 19:13

Boeo Dauk nadenu leu lafa'da Amasa lae leo ia, “Ade, o ta nde au tia-laing fa do? Mulai besak ia, au so'u o da'di au solda'dung-ngala malanga matuainan, fo nggati Yoab. Sa'di leo been-na, Manetualain taonisa au, metema au ta tao tunga dede'ak ndia fa!”

2 SEMUEL 19:22

Tehu, Dauk nafa'da Abisai ma ka'an Yoab nae, “Boso sese'dok nai dede'ak ia dalek. Tao le'e de, emi tao susa au? Nai faik ia dalen-na, au da'di manek seluk neu Israel, de ta bole hukunisa hataholi Israel esa boen.”

2 SEMUEL 3:38

Manek-ka nafa'da basa hataholi mana'a-ngga'din-nala nae, “Ade, emi ta bubuluk mae nai faik ia, mauli-malangan matua esa, ana kono-monu nai Israel so do beik?

1RAJA-RAJA 2:32

Neukose Manetualain hukun nanahu kanisak fo ana taon te au amang ta bubuluk fa. Abner, Ner anan-na fo Israel malanga solda'du matuainan-na ma Amasa, Yeter anan-na fo Yehuda malanga solda'du matuainan-na ta lasala fa. Sila malole lena neme Yoab mai, tehu ana taonisas.

1RAJA-RAJA 2:9

Tehu au hala-hehelung neu o a nde ia: boso po'ilota kanan-natapo'i neme huhuku ka mai. Au bubuluk o manatee tenok; da'di, leomae namalasi so, sanga enok fo huku misan.”

1 TAWARIKH 22:5

Dauk tao basa sila-la nanahu ana dodoo nae leo ia, “Au muse sadia memak hata fo paluun soaneu nafofo'a Manetualain Uman na. Nana au anamaneng Salomo bei anak ka de malelan na beita dai fa, te se'kona Manetualain Uman fo neukose nananafofo'ak ndia muse mana'ahiik ma nanakoa-kiok nai basa daebafak ka lala'en-na.” Boema Dauk beita mate fan te, ana sadia na uma ndia ai batun makadotok.

1 TAWARIKH 29:1

Boema Dauk nafa'da basa hataholi manamakabubuak lai sila-la nae, “Neme basa au anamaneng-nala mai te, Manetualain helek-ka nde Salomo. Tehu Salomo bei muli-soluk nanseli ma malelan-na beita dai fa, te se'kona tatao-nono'ik ia ba'un-na seli. Basa bai te, nananafofo'ak ia ta uma manek soaneu hataholi daebafak fa, tehu uma soaneu Manetualain.

2TAWARIKH 13:7

Ana naloo nakabubua hataholi malela ha'da tak bubuak esa, de lakaseti Rehabeam fo Salomo anamanen-na tunga sila hihii-nanaun, fo nai lelek ndia muli-soluk nanseli ma ana ta lena-la'ban nalelak fa.

MAZMUR 101:8

Neme faik leo faik neu, neukose au tao amopo-amate, hataholi manatao tatao-nono'i mangalauk-kala, nai nusak ia. Basa hataholi manatao tatao-nono'i manalauk-kala, neukose au tao amopo-amates leme Manetualain kotan-na mai.

MAZMUR 28:4

Hukus, nanahu sila tatao-nono'in, nanahu tatao-nono'i mangalauk fo ala tao-no'ik-ka. Hukus nandaa no sila tatao-nono'in; fes huhukuk nandaa no tatao-nono'in-nala.

MAZMUR 62:12

Au amanene Manetualain nafa'da la'i de'ubee, nae koasa, ana mai neme Ndia mai,

MAZMUR 7:16

Ana kali bolok soaneu hataholi fe'ek, tehu ndia mesak-kana nde tu'da leo dalek neu.

MAZMUR 75:10

Tehu neukose, au tui-benga ahele Yakob Manetualain-na, au akamee nakamee kokoa-kikiok ba'eneun.

KELUARAN 21:12

“See fepa hataholi fe'ek losa maten soona, muse hukunisan.

AMSAL 20:8

Metema, manek-ka nangatuuk nai kandela manakee-manafula lain soona, nita basa tatao-nono'i mangalauk lala'en-na.

AMSAL 25:5

Usi madook manamanoli-mafa'da mangalauk-kala, leme uma manek-ka mai, besak-ka, ndoos ma matetuk-ka, tao natea-nahele manapaleta.

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YESAYA 7:4

Mafa'da manek-ka, mae ana muse naheheleaon, tehu dalem-ma boso ba'ihana. Ana ta bole bii-namata'u do napangamak fa. Manek Pekah ma Manek Rezin-na loo solda'dun-nala, fo hataholi Siria sila-la, nasa-melun-nala ta lenak neme ha'ilute makamamasuk dua mai fa.

YEREMIA 38:5

Manek Zedekia nataa nae, “Hei! Taon sama leo emi dale hihiim-ma, te au ta kena-ka'i emi fa.”

DANIAL 6:16

Basa boema, hataholi sila-la leu lafa'da manek-ka lae, “Ama Manek, ela leo been-na Ama Manek mafandendelek te, tunga Media ma Persia susula nakeketun-na, metema manek-ka kalua susula paleta soona, ta bisa ngati-nggati no fan.”

BILANGAN 32:23

Tehu mafandendelek, te metema emi ta tao matetu, emi hehelu-balataam fa soona, emi masala-masingo neu Manetualain, de neukose emi nanahukuk, nanahu emi sala-singom ndia.

ROMA 13:4

Nana manapaleta nde bee na Manetualain atan, fo naue-nale'di soaneu emi malole ma. Tehu metema emi tatao-nono'im mangalau ka soona, memak emi muse bii manapaleta, nana manapaleta nanuu koasa soaneu ana huku hataholi. Manapaleta nde bee na Manetualain atan, fo naketu hataholi manatao tatao-nono'i mangalau kala tunga Manetualain nakeketu na.

2 TIMOTIUS 4:14

Nana Aleksander fo tuka liti ndia, ana tao mangalauk ba'u ka la'eneu au so. De neukose Lamatua ka, Ana balas ana, nandaa no tatao-nono'in.

HAKIM-HAKIM 9:57

Ma Manetualain boeo, huku hataholi Sikhem-mala, nanahu sila tatao-nono'i mangalaun-nala. Dede'ak ndia la'en, sama leo Gideon anan Yotam nafa'dan la'eneu hataholi sila, nai lelek ana soo-supa fes.