2 SEMUEL 3:35 - Susula Malalaok Hehelu Palak Ma Hehelu Beuk

³⁵ Nai faik katemak esa dalen-na, hataholi-la sanga enok, fo ala kokoe Dauk, fo daenga na'a faa anak, tehu ana soo nae, “Sa'di leo been-na, Manetualain taonisa au, metema au u'a-inu te, le'do beita tenak fa!”

2 SEMUEL 3:35 ပူးပေါင်းရင်းမြစ်များ

2 SEMUEL 1:12

Ala makaleleu ma ala susa, boema ala okaaon-nala, soaneu Saul ma Yonatan, ma soaneu laun Israel-la, soaneu Manetualain anan-nala, nana mate hataholi makadotok nai natee-natatik ndia dalek.

2 SEMUEL 12:17

Boema, uma manek-ka hataholi matua-mademan-nala leu kokoen, fo daenga ana fo'a, tehu ana ta nau fa, ma ana ta nau na'a-ninu sama-sama no fas.

2 SEMUEL 3:34

Liman-na, ta nanapa'ak, ma ein-na ta nanalangek fa. Ana mate no nanapauk, neme hataholi mangalauk, ma dale susue-lalai tak-ka mai.” Boema, basa laun lala'en-na, boetai kii-makaleleu Abner no lapane'e seluk halan-nala.

2 SEMUEL 3:36

Laun-na lamanene dede'ak ndia, boema lamahoko. Memak, Mane Dauk-ka tao su'di beek-ka soona, taon-na laun-na dalen-nala lamahoko.

2 SEMUEL 3:9

Malole lenak, au tulu-fali Dauk, nakalenak Manetualain helu basa neun nae, neukose Ana ho'in-na nusak ia neme Saul, ma neme tititi-nonosin mai, boema Ana so'u Dauk da'di manek neu Israel-lala'en-na, ma Yehuda. Sa'di leo been-na, Manetualain taonisa au, metema au ta akalala'ok Manetualain hehelu-balataan ndia neu Dauk fa!”

1 TAWARIKH 10:12

sila hataholi palanin-nala leu ko'o-la Saul no anamanen-nala popolan-na, boema lenis leo Yabesh neu. Latoi duin-nala nai ai matuaina esa huun-na, basa boema, ala oka aon-nala faik 7 dalen-na.

YEREMIA 16:7

Ta hapu hataholi neukose tete'i loti ba'e fe hataholi manafaluk-kala. Nakalenak neukose ta hapu hataholi fo ana fen ninu neme nggala namahokok-ka nanahu inan do aman mamaten-na fa.

YESKIAL 24:17

Boso nalosa o kii masakeke'du fo, hataholi namanene. Pake o fefeo langam-ma, ma pake o ta'bu eim-ma, boso poti ketu o mata-panam, ma boso mu'a loti fafaluk-ka.”

YESKIAL 24:22

Boema neukose, emi tao sama leo au taon besak ia boe. Neukose emi ta poti ketu emi mata-panam, do mi'a loti fafaluk-ka fa.

HAKIM-HAKIM 20:26

Boema, hataholi Israel-la leu seluk leo Betel leu, de ala kii neu Manetualain. Ala okaaon-nala losa le'odae nai naa, ma ala tunu-hotu tutunu-hohotu mole-dame, ma tutunu-hohotu nanatunuk soaneu Manetualain.

RUT SUSULAN-NA 1:17

Mate Ina nai bee soona, au nau mate nai ndia boe, fo natoi au nai ndia boe. Sa'di leo been-na, Manetualain huku au belak-ka, metema au nau asi'da-aba'e eme Ina mai, ela ka'da mamates-sa ta'da ita!”

SEMUEL SUSULAK-KA ESAN-NA 3:17

Eli natane nae, “Ade Manetualain nafa'da o beek-ndia? Tui la'iesak-kana neu au. Metema o ta tui la'iesak-kana fa soona, tao leo bee-o, Manetualain huku o.”