2 SEMUEL 3:34 - Susula Malalaok Hehelu Palak Ma Hehelu Beuk

³⁴ Liman-na, ta nanapa'ak, ma ein-na ta nanalangek fa. Ana mate no nanapauk, neme hataholi mangalauk, ma dale susue-lalai tak-ka mai.” Boema, basa laun lala'en-na, boetai kii-makaleleu Abner no lapane'e seluk halan-nala.

2 SEMUEL 3:34 ပူးပေါင်းရင်းမြစ်များ

2 SEMUEL 1:12

Ala makaleleu ma ala susa, boema ala okaaon-nala, soaneu Saul ma Yonatan, ma soaneu laun Israel-la, soaneu Manetualain anan-nala, nana mate hataholi makadotok nai natee-natatik ndia dalek.

2 SEMUEL 3:33

Basa ndia boema, Dauk makaleleu soaneu Abner nae, “Ade, Abner muse maten da'di leo hataholi nggoak-panganaa do?

2 SEMUEL 3:35

Nai faik katemak esa dalen-na, hataholi-la sanga enok, fo ala kokoe Dauk, fo daenga na'a faa anak, tehu ana soo nae, “Sa'di leo been-na, Manetualain taonisa au, metema au u'a-inu te, le'do beita tenak fa!”

AYUB 24:14

Nai fai lolobahaan-na, tou kanisak-ka, fo'a neme susungun-na mai, boema, ana kalua, fo neu taonisa, hataholi matasi'da-matasaek-ka, ma beita le'do a mai fa, te ana loi-loi mesan, sama leo nakodaa.

YESKIAL 32:16

Nasanene'da kahelek ia, neukose ana da'di nakamee, kikii-makaleleuk. Basa inak-kala leme leoina fe'ek-kala mai, fo neukose ala lakamee nakameek ndia, da'di leo ta'du-tana fafaluk ba'eneu Masir, ma basa laun-na lala'en-na. Au, ManetualainFo Mademaina, nde manakokolak-ka.”

HOSEA 6:9

Imam-imam manai kota ndia, sama leo nakoda bubuak esa, fo ala maku hataholi mananisik enok ndia. Nai enok fo manaleo mamana malalao-malalafuk manai Sikhem-ma neu, boeo ala tao eno kanisak-ka! Ala tao basa tatao-nono'i mangalauk sila-la, no dale nameme'dak.

HAKIM-HAKIM 16:21

Boema hataholi Filistin-nala ho'u-lan, de ala e'do heni mata de'en-nala. Loon leo Gaza neu, de ala hengen nenik namosina liti 2, boema ala taon leo bui dale neu. Nai naa, ladenun po'de su'di beek.